နိုင်ငံတကာသတင်း

အစ္စရေးက ဂါဇာရှိအကြီးဆုံး ဆေးရုံကို ဝင်ရောက်စီးနင်း တိုက်ခိုက်

    အစ္စရေးစစ်ဘက်က ဂါဇာရှိ အကြီးဆုံးဆေးရုံကို ဝင်ရောက်စီးနင်း တိုက်ခိုက်လိုက်ကြောင်းနှင့် ဟားမတ်စစ်သွေးကြွ အယောက် ၉၀ ကို ချေမှုန်းလိုက်နိုင်ကြောင်း ထုတ်ပြန်ထားသည်။

အစ္စရေးတို့ တိုက်ခိုက်လိုက်သော ဆေးရုံမှာ အယ်ရှီဖာဆေးရုံဖြစ်ပြီး ယင်းသို့တိုက်ခိုက်စဉ်အတွင်း  ဟားမတ်အဖွဲ့တို့  ပိုင်ဆိုင်သော ငွေကြေးအမြောက်အမြားကိုလည်း သိမ်းဆည်းရမိကြောင်း ထုတ်ပြန်ချက်တွင် ဖော်ပြထားသည်။

ဂျာမန်ကလေးငယ်များ စစ်ပွဲအတွက် ကြိုတင်ပြင်ဆင်ထားရမည်ဟု ပညာရေး ဝန်ကြီးပြော

    ဂျာမန်ကလေးငယ်များသည်  စစ်ပွဲအတွက်  ကြိုတင်ပြင်ဆင် ထားရမည်ဖြစ်ကြောင်းနှင့် သို့မှသာ စစ်ပွဲဖြစ်ပွားပါက အသက်ရှင်သန်နိုင်စွမ်း ရှိမည်ဖြစ်ကြောင်း  ပညာရေးဝန်ကြီးကပြောသည်။

ပဋိပက္ခဖြစ်ပွားစဉ်တွင် ဆောင်ရွက်ရမည့် လုပ်ငန်းများကို ကလေးငယ်များအား သင်ကြား ပေးထားရမည်ဖြစ်ကြောင်း၊ ကျောင်းများတွင် ပြည်သူ့ကာကွယ်ရေး လေ့ကျင့်မှုများကိုလည်း လုပ်ဆောင်ထားသင့်ကြောင်း ၎င်းက အကြံပြုထားသည်။

ဗီယက်နမ်သမ္မတ ဗိုဗန်ထွန် ရာထူးမှ နုတ်ထွက်

ဗီယက်နမ်သမ္မတ ဗိုဗန်ထွန်သည် ရာထူး၌ တစ်နှစ်ခန့်သာ တာဝန်ထမ်းဆောင်ပြီး နောက်   နုတ်ထွက်သွားပြီဖြစ်ကြောင်း ကွန်မြူနစ်ပါတီက ထုတ်ပြန်ထားသည်။

ကွန်မြူနစ်ပါတီက အကျင့်ပျက်ခြစားမှုများနှင့် ပတ်သက်၍ စုံစမ်းစစ်ဆေးမှုများကို တင်းကျပ်စွာ လုပ်ဆောင်လာစဉ် သမ္မတအနေဖြင့် ရာထူးမှ နုတ်ထွက်သွားခြင်းလည်းဖြစ်သည်။

ယူကရိန်းသို့ ပတ်ထရီးယော့ ဒုံးကျည်များရောက်လျှင်  အကျိုးဆက်ကို ခံစားရစေမည်ဟု ရုရှားက ဂျပန်ကို သတိပေး

    ယူကရိန်းနိုင်ငံသို့ ပတ်ထရီးယော့ဒုံးကျည်များ ရောက်ရှိသွားပါက အကျိုးဆက်ကို ခံစားရစေမည်ဖြစ်ကြောင်း ရုရှားအစိုးရက ဂျပန်အစိုးရကို သံတမန်လမ်းကြောင်းများမှ တစ်ဆင့် သတိပေးလိုက်သည်။

အစ္စရေးက အစာဖြတ်ခြင်း နည်းဗျူဟာကို အသုံးပြုနေဖွယ်ရှိဟု ကုလသမဂ္ဂပြော

    အစ္စရေးနိုင်ငံသည်  ဂါဇာကမ်းမြောင် ဒေသအတွင်း အစာဖြတ်ခြင်း နည်းဗျူဟာကို စစ်ရေးဗျူဟာ တစ်ရပ်အဖြစ် အသုံးပြုနေဖွယ်ရှိကြောင်း ကုလသမဂ္ဂ၏ မတ်လ ၁၉ ရက် ထုတ်ပြန်ချက်တွင် ဖော်ပြထားသည်။

အစ္စရေးအစိုးရအနေဖြင့်  ဂါဇာကမ်းမြောင်ဒေသသို့ လူသားချင်း စာနာထောက် ထားမှု အကူအညီများ ဝင်ရောက်မှုကို ဟန့်တားနေကြောင်း ကုလသမဂ္ဂ၏ လူ့အခွင့်အရေး ဆိုင်ရာ မဟာမင်းကြီး ဗော်ကာတာ့ ကပြောသည်။

ရုရှားဖက်ဒရေးရှင်းနိုင်ငံ သမ္မတ ရွေးကောက်ပွဲအား မြန်မာနိုင်ငံမှ မီဒီယာအဖွဲ့ သွားရောက်လေ့လာ သတင်းယူ

နေပြည်တော်၊ ၂၀၂၄ မတ် - ၁၉

တောင်ကိုရီးယားသို့ ဘလင်ကန် လာရောက်လည်ပတ်စဉ် မြောက်ကိုရီးယားက တာတိုပစ် ဒုံးကျည်များအား စမ်းသပ်ပစ်ခတ်

    တောင်ကိုရီးယားနိုင်ငံသို့ အမေရိကန်နိုင်ငံခြားရေးဝန်ကြီး အန်တိုနီယိုဘလင်ကန် လာရောက် လည်ပတ်စဉ်အတွင်း မြောက်ကိုရီးယားနိုင်ငံက မတ်လ ၁၈ ရက်တွင် ၎င်းတို့၏ တာတိုပစ်ပဲ့ထိန်း ဒုံးကျည်များကို စမ်းသပ်ပစ်ခတ်ခဲ့ကြောင်း တောင်ကိုရီးယား စစ်ဘက် အရာရှိများ၏ ပြောကြားချက်ကို ကိုးကား၍ ယွန်ဟပ်သတင်းအေဂျင်စီက ထုတ်ပြန်သည်။

ဟနွိုင်းမြို့တော်တွင် ယခုနှစ်အစပိုင်းမှစ၍ သွေးလွန်တုပ်ကွေး ဖြစ်ပွားမှု သုံးဆမြင့်တက်

    ဗီယက်နမ်နိုင်ငံ မြို့တော်ဟနွိုင်းတွင် ယခုနှစ်အစပိုင်းမှစ၍ သွေးလွန်တုပ်ကွေး ဖြစ်ပွားသူဦးရေမှာ ၅၁၃ ဦးရှိသောကြောင့် ပြီးခဲ့သည့်နှစ်က ဖြစ်ပွားမှုနှုန်းနှင့် နှိုင်းယှဉ် ပါက သုံးဆမြင့်တက်လာကြောင်း ရောဂါ ထိန်းချုပ်ရေး စင်တာ၏ ပြောကြားချက်ကို ကိုးကား၍  ဒေသတွင်း မီဒီယာတစ်ခုက မတ်လ ၁၈ ရက်တွင် ထုတ်ပြန်သည်။

အင်ဒိုနီးရှားတွင် ရေကြီးမှုများကြောင့် ဒေသခံပြည်သူ ထောင်ပေါင်းများစွာက နေအိမ်များကို စွန့်ခွာထွက်ပြေး

    အင်ဒိုနီးရှားနိုင်ငံ အလယ်ပိုင်း ဂျာဗားပြည်နယ်တွင် ရေကြီးမှုများဖြစ်ပွားခြင်းကြောင့် ဒေသခံပြည်သူထောင်ပေါင်း များစွာက နေအိမ်များကို စွန့်ခွာထွက်ပြေးခဲ့ရကြောင်း သဘာ၀ ဘေးအန္တရာယ်လျှော့ချရေး အေဂျင်စီက မတ် လ ၁၈ ရက်တွင် ထုတ်ပြန်သည်။

ရုရှားသမ္မတရွေးကောက်ပွဲ၌ ဗလာဒီမာပူတင်က ထောက်ခံမဲ အများဆုံးဖြင့် အနိုင်ရရှိ

    ရုရှားနိုင်ငံတွင် ကျင်းပသည့်   သမ္မတ ရွေးကောက်ပွဲ၌ လက်ရှိသမ္မတ ဗလာဒီမာ ပူတင်က လူထုထောက်ခံမဲ အများဆုံးဖြင့် အနိုင်ရရှိသွားကြောင်း  ရွေးကောက်ပွဲ ကော်မရှင်က မတ်လ ၁၈ ရက်တွင် ထုတ်ပြန်သည်။