နိုင်ငံတကာသတင်း

ပေကျင်းမြို့၌ ရွာသွားသည့်မိုးက နှစ်ပေါင်း ၁၄၀ အတွင်း အသည်းထန်ဆုံးဖြစ်

    ပြီးခဲ့သည့်ရက်ပိုင်းများအတွင်း ပေကျင်းမြို့၌ ရွာသွန်းသွားသော မိုးသည် နှစ်ပေါင်း ၁၄၀ အတွင်း အသည်းထန်ဆုံးဖြစ်ကြောင်း ပေကျင်း မိုးလေဝသဌာနက သြဂုတ် ၂ ရက်တွင်ထုတ်ပြန်ထားသည်။

ထိုကဲ့သို့   မိုးသည်းထန်စွာ ရွာသွန်းမှုအတွင်း အမြင့်ဆုံးမိုးရေချိန်သည် ၇၄၄ ဒသမ ၈ မီလီမီတာရှိကြောင်းနှင့် ယခင် အမြင့်ဆုံး မိုးရေချိန်မှာ ၁၈၉၁ ခုနှစ်တွင် တိုင်းတာရရှိခဲ့သည့်  ၆၀၉  မီလီမီတာ ဖြစ်ကြောင်း   ပေကျင်းမိုးလေဝသ ဌာန၏ ထုတ်ပြန်ချက်တွင် ဖော်ပြထားသည်။

ဂျပန်နိုင်ငံက စစ်ဝါဒီနိုင်ငံအဖြစ် ဒုံရင်းပြန်ဆိုက်နေသည်ဟု မြောက်ကိုရီးယား သတိပေးပြောဆို

    ဂျပန်နိုင်ငံသည် စစ်အာဏာကို အသုံးပြုသည့် စစ်ဝါဒီနိုင်ငံအဖြစ်သို့ ဒုံရင်းပြန်ဆိုက်နေပြီဖြစ်ကြောင်း မြောက်ကိုရီးယား မီဒီယာက သတိပေးပြောဆိုလိုက်သည်။

ထိုင်းနိုင်ငံရှိ မီးရှူးမီးပန်းစက်ရုံတွင် ပေါက်ကွဲမှုဖြစ်ပွား အနည်းဆုံးလူ ၁၂ ဦးသေဆုံးပြီး ၁၀၀ ကျော် ဒဏ်ရာရ

    ထိုင်းနိုင်ငံရှိ  မီးရှူးမီးပန်းစက်ရုံတွင် ပေါက်ကွဲမှုတစ်ခုဖြစ်ပွားရာ   အနည်းဆုံးလူ ၁၂ ဦးသေဆုံးပြီး ၁၀၀ ကျော် ဒဏ်ရာရရှိ ကြောင်း သိရသည်။

ပေါက်ကွဲမှုသည်   ဇူလိုင် ၂၉ ရက် နှောင်းပိုင်းတွင်ဖြစ်ပွားခြင်းဖြစ်ပြီး ဒဏ်ရာရရှိသူ ၁၁၈ ဦးအနက်အများစုမှာ မီးလောင် ဒဏ်ရာများ ရရှိခြင်းဖြစ်ကြောင်း တာဝန်ရှိသူများက ဇူလိုင် ၃၀ ရက်တွင် ထုတ်ပြန်ထားသည်။

အမေရိကန်ထုတ် HIMARS ဒုံးကျည်များကို ရုရှားကပစ်ချနိုင်မှုအပေါ် ဇီလန်စကီ စိတ်ပျက်နေ

   အမေရိကန်နိုင်ငံထုတ်  အဆင့်မြင့် ဒုံးကျည်များဖြစ်သော HIMARS  ဒုံးကျည်များကို ရုရှား၏လေကြောင်းရန် ကာကွယ်ရေးစနစ်က   ကြားဖြတ် ပစ်ချလိုက်နိုင်မှုအပေါ် ယူကရိန်းသမ္မတ ဗိုလိုဒိုမာဇီလန်စကီက စိတ်ပျက်နေကြောင်း သိရသည်။

တရုတ်(တိုင်ပေ)သို့ အမေရိကန်၏ ထောက်ပံ့မှုများက တရုတ်၏ ပေါင်းစည်းရေး ဆန္ဒကို မဟန့်တားနိုင်

    အမေရိကန်အစိုးရက  တရုတ်(တိုင်ပေ)သို့  စစ်လက်နက်ပစ္စည်းများ ထောက်ပံ့မှုသည်  တရုတ်အစိုးရ ရည်မှန်းထားသော ပေါင်းစည်းရေးဆန္ဒကို    မဟန့်တားနိုင်ကြောင်း တရုတ်အစိုးရ၏ တရုတ်(တိုင်ပေ)ရေးရာရုံးက ထုတ်ပြန်လိုက်သည်။

တရုတ်(တိုင်ပေ)သို့ အမေရိကန်ဒေါ်လာ ၃၄၅ သန်းတန်ဖိုးရှိ စစ်လက်နက်ပစ္စည်းများ ထောက်ပံ့ပေးမှုသည် ထိုဒေသကို ခဲယမ်းတိုက်အဖြစ် ပြောင်းလဲနေခြင်းဖြစ်ကြောင်း တရုတ်အစိုးရက ပြောထားသည်။

ဘင်္ဂလားဒေ့ရှ်၌ ရဲတပ်ဖွဲ့နှင့်ဆန္ဒပြသူများ အကြား ပဋိပက္ခများဖြစ်ပွား

    ဘင်္ဂလားဒေ့ရှ်နိုင်ငံ၌ ဇူလိုင် ၂၉ ရက်တွင် ဒါကာမြို့ရှိ လမ်းမကြီးများကို  ပိတ်ဆို့ကာ ဆန္ဒပြနေကြသည့် ဆန္ဒပြသူများနှင့်  ရဲတပ်ဖွဲ့တို့အကြား   ပဋိပက္ခများ ဖြစ်ပွားကြောင်း သိရသည်။

ဆန္ဒပြသူများသည် ရဲတပ်ဖွဲ့ကိုခဲများဖြင့် ပစ်ပေါက်ခြင်းများ လုပ်ဆောင်လာစဉ် ရဲတပ်ဖွဲ့ကလည်း   ဆန္ဒပြလူအုပ်ကွဲစေရန် ရော်ဘာကျည်ဆန်များ၊ မျက်ရည်ယိုဗုံးများဖြင့် ပစ်ခတ်ခြင်းများ လုပ်ဆောင်သည်။

ဗြိတိန်၌ မီးရထားဝန်ဆောင်မှုအချို့ ရပ်ဆိုင်းလိုက်ရ

    ဗြိတိန်နိုင်ငံ၌ မီးရထားဝန်ထမ်းများ၏ လုပ်ခလစာ၊   လုပ်ငန်းဆောင်ရွက်ရမှု အခြေအနေတို့နှင့် ပတ်သက်၍ ဆန္ဒပြမှုများ ဖြစ်ပွားသောကြောင့် ဇူလိုင် ၂၉ ရက်တွင် မီးရထားဝန်ဆောင်မှုအချို့ ရပ်ဆိုင်းလိုက်ရကြောင်း သိရသည်။

မီးရထားလုပ်ငန်း ကုမ္ပဏီများတွင် အလုပ်လုပ်နေသည့်   ဝန်ထမ်းများသည် တစ်နေကုန် သပိတ်မှောက်ခြင်းကြောင့် နိုင်ငံတစ်ဝန်းရှိ  မီးရထားဝန်ဆောင်မှု လုပ်ငန်းများကို ဖျက်သိမ်းလိုက်ရခြင်းဖြစ်သည်။

ပြည်ပလေယာဉ်များ၊ သင်္ဘောများကြောင့် အရှေ့နှင့်တောင်တရုတ် ပင်လယ်တို့တွင် တင်းမာမှုများမြင့်တက်စေ

    ပြည်ပနိုင်ငံများက ၎င်းတို့၏ စစ်အင်အားကိုပြသလိုသည့်အနေဖြင့်  စေလွှတ်ခြင်းကြောင့် အရှေ့တရုတ်ပင်လယ်နှင့် တောင်တရုတ်ပင်လယ်တို့ အတွင်း ဝင်ရောက်လာသည့် လေယာဉ်များနှင့်သင်္ဘောများသည် ဒေသတွင်း တင်းမာမှုများကို မြင့်တက်စေကြောင်း တရုတ်ကာကွယ်ရေး ဝန်ကြီးဌာနက ဇူလိုင် ၂၉ ရက်တွင် ထုတ်ပြန်ထားသည်။

ရုရှားက အာဖရိကနိုင်ငံများအတွက် အကြွေးအမေရိကန်ဒေါ်လာ ၂၃ ဘီလီယံကိုလျှော်ပေး

ဂျပန်က ကာကွယ်ရေးနယ်ပယ်ခုနစ်ခုတွင် စစ်အသုံးစရိတ်ကို သိသိသာသာ တိုးမြှင့်သွားမည်