SJ WorldNews - шаблон joomla Авто

မဟာမိတ်နိုင်ငံများ အပါအဝင် ကမ္ဘာ့နိုင်ငံ အများအပြား၏ ထောက်ခံမှု ပိုမိုလျော့ကျလာသည့် ထရမ့် အစိုးရ

Saturday, 20 January 2018 14:01 Written by  font size decrease font size decrease font size increase font size increase font size

ယခုအခါ  အမေရိကန် ပြည်ထောင်စု၏ အကြီးမားဆုံး မဟာမိတ် နိုင်ငံများအဖြစ် ရပ်တည်နေသည့် နိုင်ငံတချို့ အပါအဝင် ကမ္ဘာတစ်ဝန်း၌ အမေရိကန် အစိုးရအပေါ် ထောက်ခံမှုသည်     ပိုမိုကျဆင်းလာသည်ကို   တွေ့ရသည်။

သမ္မတဒေါ်နယ်ထရမ့် ဦးဆောင်သည့် အမေရိကန် အစိုးရအပေါ် ကမ္ဘာ့နိုင်ငံများက ထားရှိသည့် ထောက်ခံမှုသည် အစောပိုင်းက ၄၈ ရာခိုင်နှုန်းရှိရာမှ   ယခုအခါ ၃ဝ ရာခိုင်နှုန်းအထိ ကျဆင်းလာသည်ဟု အမေရိကန် သုတေသန အဖွဲ့ကြီးတစ်ဖွဲ့ဖြစ်သည့်   Gallup က မကြာမီကာလ အတွင်း၌ ကောက်ယူခဲ့သည့် လူထု သဘောထား စစ်တမ်းတစ်ရပ်တွင်  ဖော်ပြထားသည်။

ထရမ့် သမ္မတအဖြစ် ထမ်းဆောင်သည့် ပထမတစ်နှစ် အတွင်းမှာပင် ၎င်း၏ဆောင်ရွက်ချက်များသည် ယခင် သမ္မတဟောင်း တစ်ဦးဖြစ်သူ ဂျော့ဒဗလျူဘုရှ်၏ သမ္မတ သက်တမ်း ပထမဆုံးနှစ်ကထက်ပင် ဆိုးရွားလျက်ရှိသည်ဟု ကျွမ်းကျင်သူများက သုံးသပ်ထားသည်။ အမေ ရိကန်အစိုးရအပေါ် ထောက်ခံမှု ကျဆင်းလာသည့် နိုင်ငံများတွင် အနောက်ဥရောပ၊ ကနေဒါ၊   မက္ကဆီကိုနှင့် သြစတြေးလျအပါအဝင်   အဓိက မဟာမိတ်နိုင်ငံများ ပါဝင်လျက်ရှိသည်ဟုဆိုသည်။

သို့ရာတွင်  အမေရိကန်အစိုးရကို   အထူးသဖြင့် ပိုမိုထောက်ခံ လာသည့်နိုင်ငံများလည်း ရှိနေသည်။ ယင်း နိုင်ငံများတွင် အစ္စရေးနှင့် ယူကရိန်းတို့  ပါဝင်လျက် ရှိနေသည်ကို တွေ့ရသည်။

အမေရိကန်သာ ပထမဟူသော မူဝါဒ

ထရမ့်အား ကမ္ဘာတစ်ဝန်း၌ ထောက်ခံမှုလျော့ကျ လာစေသည့် အဓိကအချက်မှာ ၎င်း၏ အမေရိကန်သာ ပထမဟူသော မူဝါဒဖြစ်သည်ဟု ဆိုနိုင်သည်။ စီးပွားရေး သမားတစ်ဦးဖြစ်သည့် ထရမ့်သည် နိုင်ငံ၏  စီးပွားရေး တိုးတက်မှု မြင့်မားလာစေရန်နှင့် စူပါပါဝါနိုင်ငံကြီးအဖြစ် ပြန်လည် တည်ဆောက်နိုင်ရေးအတွက် ဦးစားပေး လုပ်ဆောင် လာခဲ့သည်။ ယင်းသို့လုပ်ဆောင်ရာတွင် တချို့ကိစ္စရပ်များသည် နိုင်ငံအများအပြားအတွက် အငြင်းပွားဖွယ် ကိစ္စရပ်များအဖြစ် ထွက်ပေါ်လာစေခဲ့သည်။ အမေ ရိကန်သာ ပထမဟူသော မူဝါဒကို အကောင်အထည်ဖော်သည့် အနေဖြင့် ပထမဆုံး ထရမ့်လုပ်ဆောင်သည့် အရာမှာ ယခင်သမ္မတဟောင်း ဘားရက်အိုဘားမား လက်မှတ် ရေးထိုးခဲ့သည့်  ပစိဖိတ်ဖြတ်ကျော် မိတ်ဖက်ပူးပေါင်းရေး (TPP)သဘောတူညီချက်မှ နုတ်ထွက်ရန်အမိန့်ပေး ခဲ့ခြင်းဖြစ်သည်။  ယင်းသဘောတူညီချက်ကို ပြန်လည်

သုံးသပ်ကြည့်မည်ဆိုပါက  သမ္မတဟောင်း အိုဘားမားသည်  ပစိဖိတ်ဒေသတစ်လျှောက်ရှိ  နိုင်ငံတချို့နှင့် စေ့စပ်ဆွေးနွေးပြီးနောက်သဘောတူညီချက် ချမှတ် ထားခြင်း ဖြစ်သောကြောင့် ထရမ့်လက်ထက်တွင် အမေရိကန်ပြည်ထောင်စုက   ယင်းကုန်သွယ်ရေး သဘောတူညီချက်မှ  နုတ်ထွက်လိုက်ရာ  အမေရိကန်အစိုးရ အပေါ် ယင်းနိုင်ငံများက ထားရှိသည့် ထောက်ခံမှုမှာ ဆိုးဆိုး ရွားရွား ကျဆင်းလာခဲ့သည်။ ထို့ပြင်  ထရမ့်၏ အမေရိကန်သာ ပထမဟူသော မူဝါဒကို    ဥရောပရှိ အဓိက မဟာမိတ်နိုင်ငံကြီးများ ဖြစ်သည့်   ဂျာမနီနှင့် ပြင်သစ်တို့ကပါ တန်ပြန်ရန် စီစဉ် လာပြီဖြစ်သည်။

ဂျေရုဆလင်ကို အစ္စရေးမြို့တော်အဖြစ် တစ်ဖက်သတ်သတ်မှတ်ခြင်း

ကမ္ဘာ့အသိုက်အဝန်းကြား    အမေရိကန်အစိုးရအား မျက်နှာပျက်စေသည့် နောက်ထပ် လုပ်ရပ်တစ်ခုမှာ လူသန်းပေါင်းများစွာက  ဘာသာရေးအရ   အထွတ်အမြတ်ထားရှိသည့် ဂျေရုဆလင်မြို့ကို ထရမ့်အစိုးရက အစ္စရေးတို့၏ မြို့တော်အဖြစ် တရားဝင် အသိအမှတ်ပြုလိုက်ခြင်းပင် ဖြစ်သည်။  ဂျေရုဆလင်ကို  အစ္စရေး၏ မြို့တော်အဖြစ်  ထရမ့်က အသိအမှတ်ပြုခြင်း အပေါ် ကမ္ဘာ့နိုင်ငံ အများအပြားက ကန့်ကွက်ခဲ့ကြသည်။  အမေ ရိကန် အစိုးရ၏ အဆိုပါ လုပ်ဆောင်ချက်ကြောင့် နိုင်ငံအများအပြားတွင် အမေရိကန် ဆန့်ကျင်ရေး ဆန္ဒပြပွဲများ ဖြစ်ပေါ်လာခဲ့သည်။  ပိုမိုဆိုးရွားသည့် အချက်မှာ နှစ်ပေါင်းများစွာကြာသည်အထိ တင်းမာနေသည့် အစ္စရေးနှင့် ပါလက်စတိုင်းတို့ကြား အဓိကရုဏ်းများ မြင့်တက်လာခြင်း ဖြစ်သည်။ အနောက်ဘက်ကမ်းခြေနှင့် အသိမ်းပိုက်ခံ နယ်မြေများ၌ အဓိကရုဏ်းများ ပေါ်ပေါက်လာခဲ့ပြီး   ပါလက်စတိုင်း ဆန္ဒပြသူများက အစ္စရေးလုံခြုံရေး တပ်ဖွဲ့ဝင်များအား    တိုက်ခိုက်မှု၊    အစ္စရေး ရဲတပ်ဖွဲ့က  ပါလက်စတိုင်း ဆန္ဒပြသူများအား ပစ်ခတ်မှု စသည့် အကျပ်အတည်းနှင့်  ရုန်းရင်းဆန်ခတ်မှုများ ဖြစ်ပေါ်ခဲ့ရသည်။   

ဂျေရုဆလင်နှင့် ပတ်သက်၍ အစ္စရေးနှင့် ပါလက်စတိုင်းတို့ကြားတွင် နှစ်ပေါင်းများစွာကြာ  မဖြေရှင်းနိုင်သေးသည့်   အရေးကိစ္စများ ရှိနေပြီး  အရှေ့ ဂျေရုဆလင်ကို  ပါလက်စတိုင်းက  ၎င်းတို့အနာဂတ် နိုင်ငံ၏မြို့တော်အဖြစ်   သတ်မှတ်ရန် ရည်ရွယ်ထားလျက် ရှိသည်။ ဂျေရုဆလင်တစ်မြို့လုံးကို အစ္စရေး၏ မြို့တော်အဖြစ် သတ်မှတ်ခြင်းကို မည်သို့မျှလက်ခံမည် မဟုတ်ပေ။    ထရမ့်အစိုးရ၏ လုပ်ဆောင်ချက်သည် နဂိုကတည်းက တင်းမာနေသည့် အဖွဲ့အစည်းနှစ်ခုကြားတွင် ရှိသည့် အခြေအနေကို  ပိုမိုဆိုးရွားစေခဲ့သည်ဟု ဆိုနိုင်သည်။ အမေရိကန်၏  အဆိုပါ လုပ်ဆောင်ချက်ကို  ပါလက်စတိုင်း အစိုးရကလည်း ကောင်းစွာတုံ့ပြန်ခဲ့သည်ကို တွေ့မြင်နိုင်သည်။ အစ္စရေးနှင့် ပါလက်စတိုင်းတို့ကြား အနာဂတ်တွင် ကျင်းပမည့် ငြိမ်းချမ်းရေး ဆွေးနွေးပွဲများ၌ အမေရိကန်က ကြားမှဝင်ရောက် ဖြေရှင်းပေးခြင်းကို    လက်ခံမည်မဟုတ်ဟု    ပါလက်စတိုင်း အာဏာပိုင်အဖွဲ့က    အတိအလင်း ထုတ်ဖော်ပြောကြားလိုက် သည်။

အမေရိကန် အစိုးရအဖွဲ့များ၏   လုပ်ဆောင်ချက်ကို ပြန်ကြည့်ပါက ဘီလ်ကလင်တန်၊ ဂျော့ဒဗလျူဘုရှ် နှင့် အိုဘားမားစသည့်   အမေရိကန် သမ္မတဟောင်း အဆက်ဆက်က အစ္စရေး-ပါလက်စတိုင်း ငြိမ်းချမ်းရေး ဆွေးနွေးပွဲများကို   ကမကထ လုပ်ပေးသူများဖြစ်ပြီး ကြားမှ ဝင်ရောက်ဖျန်ဖြေပေးသူများ အဖြစ် ဆောင်ရွက်ခဲ့သည်ကို တွေ့မြင်နိုင်သည်။ ယင်းအစဉ်အလာသည် ထရမ့်လက်ထက်မှသာ ပျောက်ပျက်သွားရမည့် အခြေအနေ ဆိုက်လာသည်ဟုဆိုနိုင်သည်။

မဆင်မခြင်ပြောဆိုမှုများ

အမေရိကန်အစိုးရအား ကမ္ဘာ့နိုင်ငံများကြား ထောက်ခံမှု လျော့ကျစေသည့် တခြားအချက်မှာ ထရမ့်၏ မဆင်မခြင် ပြောဆိုမှုများကြောင့်ဟုလည်း ဆိုနိုင်သည်။ အမေရိကန် ပြည်ထောင်စု အတွင်းသို့ ရွှေ့ပြောင်းသူများ ဝင်ရောက်လာသည့် ကိစ္စရပ်နှင့်ပတ်သက်၍ ပြောဆိုရာတွင်  ထရမ့်က မကြာမီကာလအတွင်းက ကျင်းပသည့် တံခါးပိတ် ဆွေးနွေးပွဲ၌ ဟေတီ၊ အယ်လ်ဆာဗေဒေါနှင့်  အာဖရိကနိုင်ငံများနှင့် စပ်လျဉ်း၍  ကြမ်းတမ်းစွာ ပြောဆိုမှုကြောင့် ယင်းနိုင်ငံများက ထရမ့်၏ ပြောဆိုသုံးနှုန်းမှုအပေါ် အပြင်းအထန် ကန့်ကွက်ခဲ့ကြသည်။ ထို့ပြင်  ထရမ့်၏ အဆိုပါပြောဆိုချက်သည်  ရှက်ဖွယ် ကိစ္စရပ် တစ်ခုဖြစ်ပြီး  ထရမ့်အနေဖြင့်  ၎င်း၏သမ္မတ သက်တမ်း   ပထမဆုံးနှစ်အတွင်းမှာပင်  အမေရိကန်ပြည်ထောင်စုကို  ကမ္ဘာ့နိုင်ငံ အများအပြားနှင့်  ခွဲခြားလိုက်ပြီဟု  ကာကွယ်ရေးဝန်ကြီးဟောင်း  ချက်ဟေဂဲ လ်က တုံ့ပြန်ပြောကြားသည်ကို တွေ့ရသည်။

ထို့ပြင် ထရမ့်သည် အမေရိကန်ပြည်ထောင်စုကို ထိခိုက်နစ်နာစေရန် တမင်လုပ်ဆောင်လျက် ရှိပြီး ၎င်းအနေဖြင့် နိုင်ငံရေးကို နားမလည်ပါက  နားလည် တတ်ကျွမ်းသူများ၏  ဆောင်ရွက်မှု၊ အကြံပေးမှုများကို နားထောင်ကာ လေ့လာသင့်သည်ဟု ဟေဂဲလ်က ပြစ်တင် ဝေဖန်လိုက်သည်။

အချုပ်အားဖြင့်ဆိုရပါမူ  သမ္မတ  ထရမ့်အနေဖြင့် နိုင်ငံအများအပြားက   အငြင်းပွားဖွယ်အဖြစ် ယူဆထားသည့် မူဝါဒများ၊  ဘက်လိုက်မှုများနှင့်  မဆင်မခြင် ပြောဆိုမှုများကို  ထိန်းထိန်းသိမ်းသိမ်းဖြင့်  လုပ်ဆောင်ခြင်းမရှိပါက   မဟာမိတ်နိုင်ငံများ အပါအဝင် ကမ္ဘာ့အသိုက်အဝန်း၏    အမေရိကန်အပေါ် ထားရှိသည့် ထောက်ခံမှုမှာ ပိုမိုဆုံးရှုံးရဖွယ် ရှိနေသည်။

ဇေယျဘုန်း

Read 384 times
Rate this item
(0 votes)
Last modified on Saturday, 20 January 2018 14:02