Print this page

ပျက်ပြားခဲ့သည့် ယီမင် အပစ်အခတ်ရပ်စဲရေး ရှေ့ဆက် ဘယ်လို ဖြစ်လာမလဲ

Saturday, 22 December 2018 13:34 Written by  font size decrease font size decrease font size increase font size increase font size

ယီမင်နိုင်ငံ၌ အစိုးရတပ်များနှင့် ဟူသီသူပုန်အဖွဲ့တို့ကြား အပစ်အခတ်ရပ်စဲရေး သဘော တူညီချက်တစ်ရပ်ကို ပထမဆုံးအကြိမ်အဖြစ် ချမှတ်နိုင်ခဲ့သော်လည်း ယင်းသဘော တူညီချက်မှာ နာရီပိုင်းသာခံပြီး အပြန်အလှန် ပစ်ခတ်မှု များ၊ ပေါက်ကွဲမှုများ ဖြစ်ပွားခဲ့ခြင်းကြောင့် နိုင်ငံအတွင်း အဓွန့်ရှည်တည်တံ့သည့် ငြိမ်းချမ်းရေးကို ပြန်လည် တည်ဆောက်နိုင်မည့် အလားအလာနှင့် အလှမ်းဝေးကွာလာသည်ကို တွေ့ရသည်။

ဟူသီသူပုန်အဖွဲ့နှင့် ယီမင်အစိုးရတို့ကြား အဆိုပါ အပစ်အခတ်ရပ်စဲရေး သဘောတူညီ ချက်ကို ကုလသမဂ္ဂ၏ ကြားဝင်ဖျန်ဖြေမှုကြောင့် ချမှတ်နိုင်ခဲ့ခြင်းဖြစ်ပြီး ယင်းသဘောတူညီ ချက်သည် ဒီဇင်ဘာ ၁၈ ရက် သန်းခေါင်ယံအချိန်မှ စတင်အသက်ဝင်ခဲ့ခြင်းဖြစ်သည်။ နှစ်ဖက် အဖွဲ့အစည်းများကြား ချမှတ်ခဲ့သည့် အပစ်အခတ်ရပ်စဲရေး သဘောတူညီချက်အရ သူပုန်များ ထိန်းချုပ်ထားသည့် ပစ်ခတ်တိုက်ခိုက်မှု အများဆုံးဖြစ်ပွားရာ ဒေသတစ်ခုဖြစ်သော ဟူဒီ ဒါမြို့မှ နှစ်ဖက်စလုံးမှတပ်များကို ပြန်လည်ဆုတ်ခွာစေခြင်း အပါအဝင် အကျဉ်းသားများ အပြန်အလှန်လဲလှယ်ခြင်း၊ တိုင်ယက်ဇ်မြို့သို့ လူသားချင်းစာနာသည့် အကူအညီများ ပေး ပို့ခြင်းတို့ကို လုပ်ဆောင်မည်ဖြစ်သည်။

ထို့ပြင် ဆော်ဒီအာရေဗျ၏ ဗုံးကြဲတိုက်ခိုက်မှုများကြောင့် ပြီးခဲ့သည့်နှစ်အတွင်းက ပိတ်ထားခဲ့ရသည့် မြို့တော်ဆာနာရှိ လေဆိပ်ကို ပြန်လည်ဖွင့်လှစ်ရန် နှစ်ဖက်အဖွဲ့အစည်းများက သဘောတူညီခဲ့ကြသည်။ အဆိုပါ လုပ်ဆောင် ချက်များကို ကုလသမဂ္ဂအဖွဲ့က စောင့်ကြည့် မည်ဖြစ်သည်။ သို့ရာတွင် ဟူသီသူပုန်အဖွဲ့သည် အယ်လ်ဟူဒေဒါမြို့ရှိ အစိုးရတပ်များအား အမြောက်များဖြင့် ပစ်ခတ်တိုက်ခိုက်ခဲ့သည်ဟု ဆော်ဒီအာရေဗျပိုင် အယ်လ်အာရေဗျ သ တင်းဌာနက သဘောတူညီချက်စတင် အသက်ဝင်ပြီး မိနစ်အနည်းငယ်အကြာတွင် ထုတ်ပြန်ခဲ့ သည်။ ထို့ပြင် အပစ်အခတ်ရပ်စဲရေး သဘောတူညီချက်ပျက်ပြားပြီး နောက်ပိုင်းပေါက်ကွဲမှု လေးကြိမ်ဖြစ်ပွားခဲ့သည်။

သို့ရာတွင် အပစ်အခတ်ရပ်စဲရေး သဘောတူညီချက်ကို ဆော်ဒီအာရေဗျဦးဆောင်သည့် ညွန့်ပေါင်း အဖွဲ့က စတင်ချိုးဖောက်ခြင်းဖြစ်ပြီး မြို့၏ဆင်ခြေဖုံးဒေသ အတွင်းသို့ အမြောက် များဖြင့် ပစ်ခတ်ခဲ့ခြင်းဖြစ်သည်ဟု ဟူသီသူပုန် အဖွဲ့က စွပ်စွဲထားသည်။ ယီမင်လက်နက်ကိုင် ပဋိပက္ခတွင် ဆော်ဒီအာရေဗျပါဝင်နေရသည့် အကြောင်းရင်းမှာ ဖြုတ်ချခံ ယီမင်သမ္မတ ဟောင်း အဗ္ဗဒယ်ရက်ဘူမန်ဆူအာဟာဒီက ၂ဝ၁၅ ခုနှစ်အတွင်း လုပ်ဆောင်ခဲ့သည့် တောင်း ဆိုမှုကြောင့် ပါဝင်နေခြင်းဖြစ်သည်ဟု ဆိုနိုင်သော်လည်း ယီမင်ရှိ ဟူသီသူပုန်အဖွဲ့သည် အီရန်နှင့် ဆက်ဆံရေးကောင်းမွန်လျက်ရှိပြီး ၎င်းတို့သည် အီရန်တို့ထံမှ အထောက်အပံ့ရရှိ နိုင်သည်ဟု ဆော်ဒီအစိုးရက ယူဆနေခြ င်းကြောင့် ယီမင်နိုင်ငံ၌ ဟူသီတို့ ဆက်လက်စိုးမိုး နေပါက အီရန်အနေဖြင့် ကိုယ်စားစစ်ပွဲဆင်နွှဲနိုင်မည့် အလားအလာကို ဆော်ဒီအာရေဗျက ကောင်းစွာရိပ်မိသောကြောင့် အဆိုပါအဖွဲ့အား အမြစ်ပါမကျန် ချေမှုန်းရန် ဆန္ဒရှိနေခြ င်းဖြစ် သည်ဟုလည်း ဆိုနိုင်သည်။

ထို့ကြောင့် ဆော်ဒီဦးဆောင်သည့် ညွန့်ပေါင်းအဖွဲ့သည် ယီမင်နိုင်ငံအပေါ် အဆက်မပြတ်ဗုံးမိုး ရွာသွန်းနေခြင်းဖြစ်သည်။ ၎င်းတို့၏ လေကြောင်းမှတိုက်ခိုက်မှုကြောင့် အပြစ်မဲ့အရပ်သားများ သေဆုံးနေရသော်လည်း ဂရုမစိုက်ဘဲ အဓိကရည်ရွယ်ချက်ဖြစ်သည့် ဟူသီတိုက်ဖျက်ရေးကို သာတစိုက်မတ်မတ် လုပ်ဆောင်လာသည်။ သို့သော် လေကြောင်းမှတိုက်ခိုက်မှုများနှင့် ပိတ်ဆို့မှုများ လုပ်ဆောင်ခြင်းကြောင့် ယီမင်နိုင်ငံအတွင်းရှိ ကလေးသူငယ်များ အပါအဝင် အရပ် သားထောင်ပေါင်းများစွာ အသက်ဆုံးရှုံးခဲ့ရပြီး နိုင်ငံအတွင်း၌လည်း အစာရေစာရှားပါးမှု၊ ငတ်မွတ်ခေါင်းပါးမှု စသည့် လူသားချင်းစာနာမှုဆိုင်ရာ အခက်အခဲ၊ ဒုက္ခများဖြစ်ပေါ်နေခြင်း ကြောင့်ညွန့်ပေါင်းအဖွဲ့၏ လေကြောင်းမှတိုက်ခိုက်မှုအပေါ် ကမ္ဘာ့နိုင်ငံများက ပြစ်တင်ဝေဖန် လာသည်။

ထို့အတူ ယီမင်အပေါ် လေကြောင်းမှ တိုက်ခိုက်နေခြင်းနှင့်စပ်လျဉ်း၍ အမေရိကန် အစိုးရက ကနဦးတွင် ရေငုံနှုတ်ပိတ်နေခဲ့သော်လည်း အသေအပျောက်ဦးရေ မြင့်တက်လာခြင်းနှင့် လူသားချင်းစာနာမှု ဆိုင်ရာ အခြေအနေများ ပိုမိုဆိုးရွားလာခြင်းကြောင့် ၎င်းတို့၏ထောက်ခံမှု ကို သိသိသာသာလျှော့ချလာသည်။ တစ်ချိန်တည်းမှာပင် ယီမင်အပေါ် လုပ်ဆောင်နေသည့် လေကြောင်းတိုက်ခိုက်မှုများကို ရပ်တန့်ရန် နိုင်ငံအများအပြားနှင့် အကူအညီပေးရေး အဖွဲ့အ စည်းများက တောင်းဆိုလာကြသည်။ ထို့ကြောင့် ဟူသီတိုက်ဖျက်ရေးကို အပြီးသတ် လုပ် ဆောင်လိုသည့် ဆော်ဒီအာရေဗျအဖို့ အခက်တွေ့လာရသည်။

ထိုအချိန်မှာပင် ကုလသမဂ္ဂအဖွဲ့၏ ကြားဝင်ဖျန်ဖြေမှုကြောင့် ယီမင်အစိုးရနှင့် ဟူသီတို့ကြား အပစ်အခတ်ရပ်စဲရေး သဘောတူညီချက် ချမှတ်နိုင်ခြင်းသည် ဆော်ဒီအာရေဗျအတွက် ထိုးနှက်ချက်တစ်ရပ်အဖြစ် ထွက်ပေါ်လာသည်။ အကြောင်းမှာ ဟူသီသူပုန်အဖွဲ့နှင့် အစိုးရ တပ်များကြား အပစ်အခတ်ရပ်စဲရေး ကာလအတွင်း ၎င်းတို့အနေဖြင့် လေကြောင်းမှ တိုက် ခိုက်နိုင်ခြင်း မရှိသောကြောင့်ပင်ဖြစ်သည်။ ထို့ကြောင့် ချမှတ်ထားသည့် အဆိုပါ သဘောတူ ညီချက်ပျက်ပြားစေရန် လိုလားလျက်ရှိသည်ဟု ဆိုနိုင်သည်။ အပစ်အခတ်ရပ်စဲရေး ပျက်ပြားမှသာ ၎င်းတို့အလိုရှိသည့် အခြေအနေကို ပြန်လည်ဖန်တီးနိုင်မည် ဖြစ်သည်။

လက်ရှိတွင် ဆော်ဒီအာရေဗျနှင့် အာရပ်စော်ဘွားများ ပြည်ထောင်စုတို့သည် ၎င်းတို့၏ တပ်ဖွဲ့ဝင် ၁ဝဝဝဝ ခန့်ကို ယီမင်နိုင်ငံ အနောက်ဘက်ကမ်း၌ ဖြန့်ကြက်ထားသည်။ ဟူသီသူပုန်များက ဟူဒီဒါမြို့ကို သိမ်းပိုက်ပြီးနောက် အဆိုပါမြို့ကို ပြန်လည်သိမ်းယူ နိုင်ရေးအ တွက် ထိုးစစ်ဆင်မှုအကြိမ်ကြိမ် လုပ်ဆောင်ခဲ့သော်လည်း အဆိုပါစစ်ဆင်မှုများကို ဟူသီ သူပုန် အဖွဲ့နှင့် မဟာမိတ်များက ချေမှုန်းခဲ့ပြီးနောက်ပိုင်းတွင် ဆော်ဒီအစိုးရနှင့် အာရပ် စော်ဘွား များပြည်ထောင်စုက ၎င်းတို့၏တပ်များကို ဖြန့်ကြက်ထားခြင်း ဖြစ်သည်။ ဟူဒီဒါမြို့ သည် ယီမင်ပြည်သူသန်း ၃ဝ အတွက် အဓိကကျသည့် ဆိပ်ကမ်းမြို့ကြီး တစ်မြို့ဖြစ်သည်။

အပစ်အခတ်ရပ်စဲရေး သဘောတူညီချက် ကျိုးပေါက်ပြီးနောက်ပိုင်း ကုလသမဂ္ဂအဖွဲ့သည် ဟူသီသူပုန်အဖွဲ့နှင့် အစိုးရတပ်များကြား ဗီဒီယိုဆက်သွယ်မှုမှတစ်ဆင့် ကြားဝင်ဖျန်ဖြေရန် ကြိုးပမ်းခဲ့သည့်အပြင် ကုလသမဂ္ဂ လုံခြုံရေးေ ကာင်စီ အနေဖြင့် ယီမင်ပြည်တွင်း စစ်အတွင်းရှိ နှစ်ဖက်အဖွဲ့အစည်းများကြား ချမှတ်ထားသော အပစ်အခတ်ရပ်စဲရေး သဘောတူညီချက်ကို အတည်ပြုရန် ဒီဇင်ဘာ ၂၁ ရက်က မဲခွဲဆုံးဖြတ်ခဲ့သည်ကို တွေ့ရသည်။ ယီမင် ပဋိပက္ခနှင့် စပ်လျဉ်း၍ လုံခြုံရေးကောင်စီသည် ပြီးခဲ့သည့် ရက်ပိုင်းအတွင်းက အပြင်းအထန် ဆွေးနွေးခဲ့ ကြပြီး အပစ်အခတ်ရပ်စဲရေးနှင့် ပတ်သက်၍ ဗြိတိန်နိုင်ငံက မူကြမ်းတစ်ရပ် တင်သွင်းခဲ့သည်။

အဆိုပါမူကြမ်းအရ ကုလသမဂ္ဂ အတွင်းရေးမှူးချုပ် အန်တိုနီယိုဂူတာရက်စ် အနေဖြင့်ဟူသီနှင့် အစိုးရတပ်များကြား ချမှတ်နိုင်ခဲ့သည့် အပစ်အခတ်ရပ်စဲရေး သဘောတူညီချက်ကို လိုက်နာ စေရေး အထောက်အပံ့ပြုရန်၊ အ ဆင်ပြေချောမွေ့စေရန်နှင့် စောင့်ကြည့်ရန်တို့အတွက် အဖွဲ့ တစ်ဖွဲ့ကို ယီမင်သို့ စေလွှတ်နိုင်မည်ဖြစ်သည်။ အကယ်၍ ကုလသမဂ္ဂ အနေဖြင့် အဆိုပါအဖွဲ့ ကို ယီမင်သို့ စေလွှတ်နိုင်ပြီဆိုပါက ယီမင်နိုင်ငံ၏ အခြေအနေမှာ အတော်အတန် ကောင်းမွန် လာမည်ဟုယူဆရပြီး အပစ်အခတ်ရပ်စဲရေးကို မလိုလားသည့် ပြည်ပနိုင်ငံများ၏ အဖျက် အမှောင့်လုပ်ဆောင်မှုများကိုပါ စောင့်ကြည့်နိုင်မည် ဖြစ်ကြောင်း ရေးသားတင်ပြလိုက်ရပါသည်။ ဇေယျထွန်း

Read 127 times
Rate this item
(0 votes)
ကေတု

Latest from ကေတု