SJ WorldNews - шаблон joomla Авто

ရုရှားအတွက် စီးပွားရေး ကုန်သွယ်ရေးနှင့် ကာကွယ်ရေးဆိုင်ရာ အကျိုးအမြတ်များ

Thursday, 14 November 2019 09:16 Written by  font size decrease font size decrease font size increase font size increase font size

ထွက်ပေါ်လာစေနိုင်သည့် ကမ္ဘာ့ရာသီဥတုပြောင်းလဲမှု ရုရှားနိုင်ငံသည်   အာတိတ်ဒေသရှိ ထုတ်ယူသုံးစွဲခြင်း မရှိသေးသည့် သဘာဝအရင်းအမြစ်များကို ပိုင်ဆိုင်ထားရာ ရာသီဥတု ပြောင်းလဲမှုကြောင့် စိုးရိမ်ဖွယ်ရာရှိ နေသော်လည်း စီးပွားရေးနှင့်ကုန်သွယ်ရေးအရ  အကျိုးအမြတ်များစွာ ရရှိနိုင်မည့် အလားအလာရှိနေသည်။

အကြောင်းမှာ  ရုရှားနိုင်ငံအနေဖြင့် အာတိတ်ဒေသရှိ နယ်မြေပိုင်နက်အများအပြားကို   နိုင်ငံ့စီးပွားရေး တိုးတက်လာ စေရေးနှင့် ကမ္ဘာ့နိုင်ငံရေး၊  စီးပွားရေး ဇာတ်ခုံပေါ်တွင် ထူးခြားစွာရပ်တည်နိုင်ရေး တို့အတွက် အသုံးချနိုင်မည့် အခွင့်အလမ်းများ ရှိနေခြင်းကြောင့်ပင် ဖြစ်သည်။ ရုရှားနိုင်ငံသည်    ပထဝီအနေအထားအရ အာတိတ်စက်ဝိုင်းအနီး၌ တည်ရှိနေခြင်းကြောင့် အကျိုးအမြတ်များစွာ ရရှိနိုင်မည့်  အခြေအနေတွင် ရှိနေသည်ဟု  အစ္စရေးနိုင်ငံထုတ် သတင်းစာတစ်စောင်ဖြစ်သည့်  Haaretz   သတင်းစာတွင်  ဖော်ပြထားသည်။

အဆိုပါအာတိတ်စက်ဝိုင်းအနီးတွင် ရှိသောဒေသ၌ တစ်ကမ္ဘာလုံးရှိ  သဘာဝဓာတ်ငွေ့ပမာဏ စုစုပေါင်း၏ ၃ဝ ရာခိုင် နှုန်း၊ ရေနံသိုက် ၁၃ ရာခိုင်နှုန်း တည်ရှိနေသည်ဟု ဘူမိဗေဒပညာရှင်များက ခန့်မှန်းပြောဆိုထားသည်။ ထုတ်ယူသုံးစွဲဖူးခြင်းမရှိ သေးသည့် အဆိုပါ သဘာဝ အရင်းအမြစ်များသည် ရုရှားနိုင်ငံအတွက် အဖိုးမဖြတ် နိုင်သည့် အရင်းအမြစ်များ ဖြစ်လာနိုင်သည့်အပြင် ဝင်ရိုးစွန်းဒေသများရှိ အစဉ်အေးခဲနေသည့် နက်ရှိုင်းမြေလွှာများမှာ ရာသီဥတု ပြောင်းလဲမှုကြောင့်  ရေခဲများ အရည်ပျော်လာမည် ဆိုပါက အာရှနှင့်ဥရောပတိုက်ကြား  အဓိက ကုန်သွယ်ရေးလမ်းကြောင်း တစ်ခုအဖြစ်     ထွက်ပေါ်လာနိုင်သောကြောင့် အဆိုပါ ကုန်သွယ်ရေး လမ်းကြောင်းသည်  ရုရှားနိုင်ငံအတွက်  အလားအလာကောင်း တစ်ရပ်အဖြစ်  ထွက်ပေါ်လာနိုင်သည်။

ထို့ပြင်   ပြောင်းလဲလာသည့် အပူချိန်သည် အာတိတ်ဒေသရှိ ရုရှားပိုင်နယ်မြေများ၏ ကမ်းရိုးတန်း တစ်လျှောက်၌ ရှိနေ သည့်ရေထုကို  ယခင်ထက်  အန္တရာယ် ပိုမိုဖြစ်ပေါ်စေခြင်းမရှိသောကြောင့်  ကုန်သွယ်ရေး လမ်းကြောင်းများ  ဖြစ်ပေါ် လာစေနိုင်သည်ဟု သတင်းစာတွင် ဆက်လက်ဖော်ပြထားသည်။

ထို့ကြောင့်    ဘော်တစ်ပင်လယ်နှင့် မြောက်ပင်လယ်အတွင်းရှိ ဆိပ်ကမ်းများ၊ အထူးသဖြင့် ရုရှားနိုင်ငံအတွက် ကုန်သွယ်ရေးဆိုင်ရာ အကျိုးအမြတ်များ ထွက်ပေါ်လာစေနိုင်သည်ဟု ဆိုသည်။

အကယ်၍ အာတိတ်ဒေသ၌ ရေကြောင်း ကုန်သွယ်ရေးလမ်းကြောင်းသစ်များ ထွက်ပေါ်လာမည်ဆိုပါက  လက်ရှိ  စူးအက် တူးမြောင်းမှတစ်ဆင့်  ဖြတ်သန်းနေသည့်  ကုန်ပစ္စည်းသယ်ယူပို့ဆောင်မှု သုံးပုံ၊ နှစ်ပုံ သည် အသစ်ထွက်ပေါ်လာမည့် အာတိတ်ရေကြောင်း ကုန်သွယ်ရေးလမ်းကြောင်း သစ်များထံ ရွှေ့ပြောင်းလာနိုင်ဖွယ်ရှိသည် ဟု  ကုလသမဂ္ဂအဖွဲ့မှ ၂ဝ၁၄ ခုနှစ်က ထုတ်ပြန်ခဲ့သည့် အစီရင်ခံစာတစ်စောင်တွင် ဖော်ပြခဲ့သည်ကို တွေ့ရသည်။

ထို့ပြင် အာတိတ်ဒေသရှိ  ပင်လယ်ထဲ မျောပါနေသည့် ရေခဲတောင် သို့မဟုတ် ရေခဲစိုင်ကြီးများ အရည်ပျော်လာမည် ဆိုပါက ရုရှားနိုင်ငံ၏ မြောက်ပိုင်းကမ်းရိုးတန်းများမှ အရှေ့အာရှသို့ ဆက်သွယ်သွား လာနိုင်သည့် ကုန်သွယ်ရေးလမ်းကြောင်း သစ်များ ထွက်ပေါ်လာနိုင်သည်။ ကုန်သွယ်ရေး လမ်းကြောင်းသစ်များ ထွက်ပေါ်လာပါက မြောက်မြားစွာသော တရုတ်နိုင်ငံမှ ထုတ်ကုန်ပစ္စည်းများကို ဥရောပနိုင်ငံတို့သို့ ရုရှားပိုင် အာတိတ် ရေကြောင်းကုန်သွယ်ရေး လမ်းကြောင်းမှတစ်ဆင့်   ပို့ဆောင်နိုင်မည် ဖြစ်သည်။

ထို့ပြင်   ရုရှားနိုင်ငံအနေဖြင့်လည်း ၄င်းတို့၏ ထုတ်ကုန်များကို     အဆိုပါ ရေကြောင်း ကုန်သွယ်ရေး လမ်းကြောင်းမှ တစ်ဆင့်  တခြားနိုင်ငံတို့သို့ တင်ပို့နိုင်မည့် အလားအလာရှိသည်။ ရုရှားနိုင်ငံက ထိုသို့သော   ရေကြောင်း ကုန်သွယ်ရေးလမ်းကြောင်းနှင့် ဆိပ်ကမ်းများကို ပိုင်ဆိုင် ထားခြင်းသည် ပြိုင်ဘက်အနောက်နိုင်ငံ များထက် ခေါင်းတစ်လုံး ပိုသာမည့် အခြေအနေသို့   ရောက်ရှိလာနိုင်သည့်အပြင် ကမ္ဘာလုံးဆိုင်ရာ   ကုန်သွယ်ရေးကိုပင် စိန်ခေါ်လာနိုင်မည့် အလားအလာရှိနေသည်။

ထို့ပြင် စီးပွားရေးမူဝါဒအရ ကြည့်မည် ဆိုပါက ရုရှားနိုင်ငံသည်  နိုင်ငံ၏စီးပွားရေး တိုးတက်စေရန်  ဖွံ့ဖြိုးတိုးတက်ရေး နှင့်ရင်းနှီးမြှုပ်နှံမှုဆိုင်ရာ  မဟာဗျူဟာများကိုပါ ချမှတ်လာနိုင်မည်ဖြစ်ပြီး အာတိတ်ဒေသအတွင်း ဆိပ်ကမ်းသစ်များ တည်ဆောက်ခြင်း၊   ရထားလမ်းသစ်တစ်ခု တည်ဆောက်ခြင်းနှင့်  ဂြိုဟ်တုစနစ်သုံး ရေကြောင်းသွားလာရေး စနစ်တစ်ခုဖော်ဆောင်ခြင်းအားဖြင့်   အမေရိကန်ပြည် ထောင်စုက လက်ရှိဦးဆောင်၍ အကောင်  အထည်ဖော်နေသည့်   ကုန်သွယ်ရေး ဆောင်ရွက်ချက်များနှင့် ရင်ပေါင်တန်းလာနိုင်မည် ဖြစ်သည်။

ကာကွယ်ရေးနှင့် စပ်လျဉ်း၍ ကြည့်မည် ဆိုပါကလည်း ရုရှားနိုင်ငံသည် အာတိတ်ဒေသအတွင်း  အရပ်သားပါဝင်မှုအခန်း ကဏ္ဍကို    မြှင့်တင်လျက်ရှိသည့်အပြင် စစ်ဘက်၏ ပါဝင်မှုကိုလည်း  ဆိုဗီယက် ယူနီယံကြီး ပြိုကွဲပြီးနောက်ပိုင်း  မကြုံဖူးသည့် အတိုင်းအတာအထိ  တိုးမြှင့်လာခဲ့သည်။

ရုရှားနိုင်ငံသည် ဝင်ရိုးစွန်းဖြတ်တံတား သစ်ကြီးတစ်စင်းကို   မကြာမီကတည် ဆောက်ခဲ့သည့်အပြင် ၂ဝ၂ဝ ပြည့်နှစ် နှစ် ကုန်ပိုင်းတွင် နိုင်ငံ၏ အစွမ်းထက်ဒုံးကျည် ကာကွယ်ရေးစနစ်တစ်ခုဖြစ်သည့်  S-400 ကို အာတိတ်သမုဒ္ဒရာရှိ ကမ်းရိုးတန်းတစ်လျှောက်၌ ဖြန့်ကြက်ရန် စီစဉ်ထားသည်။ထို့ကြောင့် ရာသီဥတု ပြောင်းလဲလာခြင်းကြောင့် အာတိတ်ဒေသ ပွင့်လင်းပြောင်းလဲလာခြင်းသည် ရုရှားနိုင်ငံအတွက် မဟာအခွင့်အရေး တစ်ရပ်အဖြစ် ထွက်ပေါ်လာ နိုင်သည်ဟု ဆိုနိုင်သည်။

ထို့ပြင်   ကမ္ဘာ့အပူချိန် မြင့်တက်လာခြင်းကြောင့် ၂ဝ၅ဝ   ပြည့်နှစ်ခန့်တွင် အနောက်ဥရောပနိုင်ငံများနှင့်  အိန္ဒိယ နိုင်ငံတို့၏ စိုက်ပျိုးရေး ထုတ်ကုန်ပမာဏသည် ၂ဝ၁၈ ခုနှစ်က ပမာဏထက် ၂ ဒသမ ၉ ရာခိုင်နှုန်း လျော့ကျနိုင်ဖွယ်ရှိသည်ဟု    ကုလသမဂ္ဂအစားအစာနှင့် စိုက်ပျိုးရေးအဖွဲ့ကြီးမှ ၂ဝ၁၈ ခုနှစ်က ထုတ်ပြန်သည့် အစီရင်ခံစာ တစ်စောင်တွင် ဖော်ပြခဲ့သည်။

သို့သော်  အပူချိန်မြင့်တက်လာခြင်းသည်    ရုရှားစိုက်ပျိုးရေး ကဏ္ဍအပေါ်  ဆိုးဆိုးရွားရွား   ထိခိုက်စေခြင်းမရှိသည့် အပြင် အပူချိန်ပြောင်းလဲ မြင့်တက်လာခြင်းကြောင့် ယင်းနိုင်ငံ၏ စိုက်ပျိုးရေးထုတ် ကုန်ပစ္စည်းထုတ်လုပ်မှုကို သုည ဒသမ ၉ ရာခိုင်နှုန်း မြင့်တက်လာစေမည်ဟု အစီရင်ခံစာတွင် ဖော်ပြထားသည်။

ရာသီဥတုပြောင်းလဲမှုကြောင့်  ရုရှားနိုင်ငံအတွက် အာတိတ်ဒေသမှ ထွက်ပေါ်လာမည့် အကျိုးအမြတ်များနှင့်စပ်လျဉ်း ၍ ကမ္ဘာ့နိုင်ငံ အများအပြားနှင့် မီဒီယာများကြား အဓိကထား ဆွေးနွေးစရာ ကိစ္စရပ်တစ်ခုအဖြစ် ထွက်ပေါ်လာသည်။  ဥပမာအားဖြင့် ဆိုရပါမူ   ရာသီဥတုပြောင်းလဲ လာခြင်းကြောင့်  အာတိတ်ဒေသ၌  ရေခဲများ အရည်ပျော်လာခြင်းသည် ကမ္ဘာလုံး ဆိုင်ရာလွှမ်းမိုးမှုအပေါ် ကျရောက်လာသည့် ရုရှားနိုင်ငံ၏ ခြိမ်းခြောက်မှုတစ်ရပ်အဖြစ်  တည်ရှိနေသည်ဟု အမေရိကန် စစ်ကောလိပ်မှ  ပြီးခဲ့သည့်လနှောင်းပိုင်းက ထုတ်ပြန်သည့် အစီရင်ခံစာတစ်စောင်တွင် ဖော်ပြခဲ့ပြီး အာတိတ်ဒေသအတွင်းပါဝင် မှုကို  မြှင့်တင်နိုင်ရေးနှင့်  ရုရှားနိုင်ငံ၏ ဒေသတွင်းလုပ်ဆောင်မှုများကို မျက်ခြည် မပြတ်စောင့်ကြည့်နိုင်ရေးအတွက် နော်ဝေ  နိုင်ငံကဲ့သို့သော NATO တပ်ဖွဲ့ဝင်နိုင်ငံရှိ     စစ်အခြေစိုက် စခန်းများမှတစ်ဆင့် အမေရိကန်အစိုးရက  လုပ်ဆောင်လာပြီဖြစ်သည်။

ထို့ကြောင့်   အချုပ်အားဖြင့် ဆိုရပါမူ ရာသီဥတု ပြောင်းလဲမှုကြောင့် အာတိတ်ဒေသ ပြောင်းလဲလာခြင်းသည် ရုရှားနိုင်ငံ အတွက် စီးပွားရေး၊ ကုန်သွယ်ရေးအရသာမက   ကာကွယ်ရေးဆိုင်ရာ အကျိုးအမြတ်များကို ထွက်ပေါ် လာစေနိုင်ကြောင်း သုံးသပ်ရေးသား လိုက်ရပါသည်။   

Ref: Sputnik, Haaretz

Read 45 times
Rate this item
(0 votes)
Last modified on Thursday, 14 November 2019 09:17