SJ WorldNews - шаблон joomla Авто

အနောက်ပစိဖိတ်တွင် အမေရိကန်၏ လွှမ်းမိုးမှုကို ဖယ်ရှားပြီး ရေတပ်အင်အားကြီး နိုင်ငံအဖြစ် ရပ်တည်ရန် ကြိုးပမ်းလာသည့်တရုတ်

Friday, 03 January 2020 10:45 Written by  font size decrease font size decrease font size increase font size increase font size

တရုတ်နိုင်ငံသည် အမေရိကန်ပြည်ထောင်စုနှင့် သမုဒ္ဒရာများတွင် ရင်ပေါင်တန်းနိုင်ရန် ၎င်းင်းတို့၏ ရေတပ်အင်အားကို   အလျင်အမြန် တိုးချဲ့လျက်ရှိသည်။အင်ဒို-ပစိဖိတ်ဒေသ လွှမ်းမိုးမှုချဲ့ထွင်နိုင်ရန်နှင့် သမုဒ္ဒရာနှစ်ခု မဟာဗျူဟာ (Two Oceans Strategy)ကို ဖော်ဆောင်သည့် အနေဖြင့် ဒီဇင်ဘာလအတွင်းက ရေတပ် စစ်သင်္ဘောခြောက်စင်း တပ်တော်ဝင်နိုင်ခဲ့သည်။ တပ်တော်ဝင်ရေယာဉ်များတွင်  056A   အတန်းအစား  ဒုံးကျည်တပ်

ကော်ဗက်ရေယာဉ်နှစ်စင်း၊ 052D အတန်းအစား ပဲ့ထိန်းဒုံး ကျည်တပ် ဖျက်သင်္ဘော နှစ်စင်း၊ 055  အတန်းအစား ပဲ့ထိန်းဒုံးကျည်တပ် ဖျက်သင်္ဘောတစ်စင်းနှင့် ရှန် တုန်းလေယာဉ်တင် သင်္ဘောတစ်စင်းတို့ ပါဝင်သည်။

ယခုတပ်တော်ဝင်ခဲ့သည့် ရေယာဉ်များအပါအ၀င် တရုတ်ရေတပ်သည် လက်ရှိတွင် စစ်ရေယာဉ်အစင်း ၃၀၀ ခန့် ပိုင်ဆိုင်ထားသောကြောင့် အမေရိကန်ရေတပ်နှင့် နှိုင်းယှဉ်မည်ဆိုပါက ၁၀ စင်း ပိုမိုများပြားလျက်ရှိသည်။ ထို့ကြောင့် တရုတ် ရေတပ်၏ အခြေအနေမှာ မကြာမီကာလများအတွင်း တည်ငြိမ်နေခဲ့သော်လည်း စစ်ရေယာဉ်များ၏ အရည်အသွေး ပိုမိုတိုးတက်ကောင်းမွန်လာသည်ဟု  စင်ကာပူနိုင်ငံ နန်ယန်းနည်းပညာ တက္ကသိုလ်ရှိ အက်စရာဂျာရက်သန် နိုင်ငံတကာ လေ့လာမှုကျောင်းမှ သုတေသီကောလင်းခိုက သုံးသပ်ပြောသည်။

တရုတ်ရေတပ်က တပ်တော်ဝင်ခဲ့သည့် ဖျက်သင်္ဘောအသစ်များသည် ယခင်က ရေတပ်တွင် အသုံးပြုခဲ့သည့် စစ်ရေယာဉ်ဟောင်းများထက် ပိုမိုကြီးမားသည့်အပြင် စွမ်းဆောင်ရည်မှာလည်း ပိုမိုကောင်းမွန်သည်။  ထို့ပြင်  အဆိုပါ စစ်ရေယာဉ်များကို  ပင်လယ်ရေပြာ စစ်ဆင်ရေးအတွက် ရည်ရွယ်၍  တပ်တော်ဝင်ခဲ့ခြင်းဖြစ်သောကြောင့် ရေယာဉ်တိုင်းတွင် ဒုံးကျည်များ တပ်ဆင်ထားသည်။အလားတူ ရှန်တုန်း လေယာဉ်တင် သင်္ဘောသည် အလေးချိန် အားဖြင့် တန်ချိန် ၇၀၀၀၀ ရှိသောကြောင့် ဗြိတိန်တော်ဝင်ရေတပ်၌   အသုံးပြုနေသည့် HMS Queen Elizabeth နှင့် မတိမ်းမယိမ်း အခြေအနေတွင်  ရှိနေပြီး အမေရိကန်ပြည်ထောင်စု၏ လေယာဉ်တင် သင်္ဘောများပြီးလျှင် အကြီးဆုံး လေယာဉ် တင်သင်္ဘောဖြစ်လာသည်။ အလားတူ 055  အတန်းအစား ပဲ့ထိန်းဒုံးကျည်တပ် ဖျက် သင်္ဘောမှာ ကမ္ဘာပေါ်တွင် အကြီးမားဆုံး ဖျက်သင်္ဘော တစ်စင်းဖြစ်ပြီး အလေးချိန်အားဖြင့် တန်ချိန် ၁၂၀၀၀ ရှိသည်။ အရွယ်အစား အနည်းငယ်သေးငယ်သည့် 052D အတန်းအစား ပဲ့ထိန်းဒုံးကျည်တပ် ဖျက်သင်္ဘောများကို ဒုံးကျည်ပစ်အားအတွက် သာမက လေကြောင်းရန် ကာကွယ်ရေးနှင့် ရေငုပ်သင်္ဘော ရှင်းလင်းရေးစစ်ပွဲအတွက် ရည်ရွယ်၍ တပ်တော် ၀င်ခဲ့ခြင်းဖြစ်သည်။

သို့ရာတွင် တရုတ်ရေတပ်နှင့် အမေရိကန်ရေတပ်တို့၏ ဖွဲ့စည်းလှုပ်ရှားပုံကို လေ့လာမည်ဆိုပါက ကွဲပြားနေသည်ကို တွေ့ရမည်ဖြစ်သည်။ အမေရိကန်ရေတပ်သည်  လက်ရှိတွင်  နှစ်ဒါဇင်နီးပါးခန့်ရှိသော လေယာဉ်တင်သင်္ဘောများ၊ ရဟတ်ယာဉ်တင် ကမ်းထိုးရေယာဉ် အမျိုးမျိုးနှင့် တခြားပင်လယ်ပြာ စစ်ဆင်ရေး ရေယာဉ်များကို အသုံးပြုလျက်ရှိသည်။ တခြားတစ်ဖက်တွင် တရုတ်ရေတပ်ရှိ ရေယာဉ်သုံးပုံ တစ်ပုံမှာ ပင်လယ်ကမ်းနီးဒေသ ကင်းလှည့်ရာ၌ အသုံးပြုသည့် ဒုံးကျည်တပ်စစ်ရေ ယာဉ်ငယ်များ ဖြစ်သည်။ အဆိုပါကွာခြားချက်ကို တရုတ်စစ်ဘက်မှ မူဝါဒချမှတ်သူများက ကောင်းစွာ သဘောပေါက်ထားပြီး အနာဂတ်ကာလတွင်   လေယာဉ်တင် သင်္ဘောများ    ပိုင်ဆိုင်နိုင်ရေးအတွက် အကောင်အထည် ဖော်ဆောင်လျက်ရှိသည်။ ထို့ကြောင့် တရုတ်နိုင်ငံသည် ၎င်းင်းတို့၏ တတိယမြောက် လေယာဉ်တင် သင်္ဘောတစ်စင်းကို စတင် တည်ဆောက်နေပြီဖြစ်သည်။  အဆိုပါလေယာဉ်တင် သင်္ဘောသစ်၏ ဒီဇိုင်းသည် လက်ရှိအသုံးပြုနေသည့် လျှောင်းနင်၊ မကြာမီက တပ်တော်ဝင်ခဲ့သည့်  ရှန်တုန်း တို့နှင့်မတူဘဲ  လုံးဝကွဲပြား ခြားနားမည်ဟု  သတင်းများ ထွက်ပေါ်နေသည်။ တရုတ်နိုင်ငံသည်   အဆိုပါလေယာဉ်တင် သင်္ဘော တည်ဆောက်ခြင်းကို  ၂၀၂၂ ခုနှစ်တွင် အပြီးသတ် လုပ်ဆောင်မည်ဖြစ်သည်။

တရုတ်နိုင်ငံ၌     သမ္မတရှီကျင့်ဖျင် အာဏာရပြီးချိန်မှစ၍ အစိုးရသည် နိုင်ငံ၏ လက်နက်ကိုင်တပ်ဖွဲ့ အင်အား တောင့်တင်း စေရေးအတွက် အဓိက ဦးစားပေးလုပ်ငန်းစဉ် တစ်ရပ်အဖြစ်   လုပ်ဆောင်ခဲ့သည်။

ထိုသို့လုပ်ဆောင်ရာ၌ လက်နက်ကိုင်တပ်ဖွဲ့များတွင် လိုအပ်သည့် စစ်လက်နက်နည်း ပညာများ ဖော်ထုတ်ခြင်း၊ လက်နက်ပစ္စည်းများ တီထွင်ထုတ်လုပ်ခြင်း စသည်တို့ကို တစိုက်မတ်မတ် လုပ်ဆောင်လာခဲ့သည်။လက်နက်ကိုင် တပ်ဖွဲ့များ၏ စစ်ဆင်ရေး စွမ်းရည် တိုးတက်လာစေရန်လည်း စစ်ရေးလေ့ကျင့်မှုများကို  မှန်မှန်လုပ်ဆောင်ခဲ့သည်။ တောင်တရုတ် ပင်လယ်ပြင်အတွင်း ၂၀၁၈ ခုနှစ် ဧပြီ ၁၂ ရက်က စတင်ကျင်းပခဲ့သည့် ရေတပ်စစ်ရေး လေ့ကျင့်မှု အခမ်းအနားသို့ သမ္မတရှီကျင့်ဖျင် တက်ရောက်ခဲ့သည်။ အဆိုပါရေတပ်စစ်ရေး လေ့ကျင့်မှုတွင် လေယာဉ်တင် သင်္ဘောအုပ်စု ပါဝင်ပြီး စစ်ရေး လေ့ကျင့်မှုကို အမေရိကန်ပြည်ထောင်စုနှင့် တင်းမာမှုများ ဖြစ်ပေါ်နေစဉ် တရုတ်နိုင်ငံက အင်အားပြသသည့် အနေဖြင့် လုပ်ဆောင်ခဲ့ခြင်းဖြစ်သည်။ အဆိုပါ ရေတပ် စစ်ရေး လေ့ကျင့်မှုအတွင်း တရုတ်စစ်သည် ၁၀၀၀၀ ဦး၊ စစ်ရေယာဉ် ၄၈ စင်း၊ တိုက်လေယာဉ် ၇၆ စင်း ပါဝင်ခဲ့သည်ဟု တရုတ်ကာကွယ်ရေး ၀န်ကြီးဌာနက ထုတ်ဖော်ပြောကြားခဲ့သည်။  စစ်ရေးလေ့ကျင့်မှု အခမ်းအနားသို့ သမ္မတရှီကျင့်ဖျင်က စစ်ယူနီဖောင်း ၀တ်ဆင်ကာ   တက်ရောက်ခဲ့ပြီး တရုတ်ရေတပ်ကို ကမ္ဘာ့အဆင့်မီရေတပ် (World-Class Navy) အဖြစ်သို့   တက်လှမ်းနိုင်ရေး ကြိုးပမ်းရန် ပြောကြားခဲ့သည်။  တရုတ်နိုင်ငံသည်  ၂၁  ရာစု အလယ်ပိုင်း တွင် သမုဒ်္ဒရာ၌ ရေတပ်အင်အားဖြင့် လွှမ်းမိုးနိုင်သည့်  ရေတပ်ကြီး  (Two Ocean Maritime Power)) ဖြစ်လာရေး ပစိဖိတ်နှင့် အိနိ်္ဒယသမုဒ္ဒရာနှစ်ခုစလုံးကို လွှမ်းမိုးရန် ရည်မှန်းချက်ထား လုပ်ဆောင်လျက်ရှိ သည်။

တရုတ်အစိုးရသည်   ရေတပ်အဆင့် မြှင့်တင်ခြင်းကို  ၁၉၉၀  ပြည့်နှစ်များမှစ၍ အကြမ်းဖျင်းအားဖြင့် ၂၅ နှစ်ကြာ လုပ်ဆောင်ခဲ့သောကြောင့်  ယခုအခါ တရုတ်ရေတပ်သည် ခံ့ညားသည့် ရေတပ်အဖြစ်သို့  ရောက်ရှိ လာသည့်အပြင်  ပစိဖိတ် သမုဒ္ဒရာ အနောက်ပိုင်း၊ အိနိ်္ဒယသမုဒ္ဒရာနှင့် ဥရောပ အနီးတစ်ဝိုက်ရှိ ရေပြင်များအပါအ၀င် ကမ်းဝေးရေပြင်၌ အင်အားပြသခြင်းကို  တိုးမြှင့်လုပ်ဆောင် လာနိုင်ခဲ့သည်ဟု အမေရိကန်ကွန်ဂရက် သုတေသနဌာနမှ ဒီဇင်ဘာ ၂၀  ရက်က ထုတ်ပြန်သည့် အစီရင်ခံစာ၌ ဖော်ပြထားသည်။ ထို့ပြင် အာရေဗျပင်လယ်၌ ပြီးခဲ့သည့်နှစ်ကုန်ပိုင်းက  ရုရှား၊  အီရန်တို့နှင့်  ပူးတွဲစစ်ရေး လေ့ကျင့်မှုများ လုပ်ဆောင်မှုအပေါ် အမေရိကန်အစိုးရက အနီးကပ် စောင့်ကြည့်လျက် ရှိသည်။ တရုတ်-ရုရှား-အီရန် သုံးနိုင်ငံ ပူးတွဲ စစ်ရေးလေ့ကျင့်မှုတွင် ပင်လယ်ဓားပြတိုက် ဖျက်ရေး ကင်းလှည့်မှုများ၊ ကုန်တင်ရေယာဉ်များကို အန္တရာယ်များသော ရေပြင်အတွင်း အစောင့်အရှောက်အဖြစ် လိုက်ပါခြင်း စသည့် လေ့ကျင့်မှုများ ပါဝင်သည်။

ထို့ကြောင့် ရေတပ်အဆင့်မြှင့်တင်ခြင်း အပါအ၀င် တရုတ်နိုင်ငံက အကောင် အထည်ဖော်နေသည့် လက်နက်ကိုင်တပ်ဖွဲ့ အဆင့်မြှင့်တင်ရေး အစီအစဉ်သည် တရုတ် တိုင်ပေအရေး   အင်အားသုံး ဖြေရှင်းနိုင်ရေးအတွက်   လိုအပ်သည့်  စစ်ရေးစွမ်း ဆောင်ရည်ကို တိုးမြှင့်ရန်၊  အနီးတစ်ဝိုက်ရှိ  ရေပြင်များ အထူးသဖြင့် တောင်တရုတ် ပင်လယ်ပြင်တွင် နိုင်ငံ၏ လွှမ်းမိုးမှုကိုတိုးချဲ့ရန်၊ ကုန်တင်သင်္ဘောများ သွားလာမောင်း နှင်နိုင်ရေးအတွက် နိုင်ငံ၏ ရေကြောင်းဆက်သွယ်ရေး လမ်းကြောင်းများ၊  တရုတ်နှင့် ပါရှန်းပင်လယ်ကွေ့ တို့ကို ချိတ်ဆက်ပေးထားသည့်  ပင်လယ်ရေပြင်ကို  ကာကွယ် စောင့်ရှောက်ရန်နှင့်  အနောက်ပစိဖိတ်တွင် အမေရိကန်၏ လွှမ်းမိုးမှုကို ဖယ်ရှားပြီး တရုတ်နိုင်ငံက ဒေသတွင်း ရေတပ်အင်အားကြီးနိုင်ငံနှင့် ကမ္ဘာ့အင်အားကြီး နိုင်ငံအဖြစ် ရပ်တည်နိုင်ရေး ရည်ရွယ် လုပ်ဆောင်နေခြင်းဖြစ်ကြောင်း ရေးသား တင်ပြလိုက်ရပါ သည်။    

ဇေယျဘုန်း

(Ref: The Guardian, Sputnik)

Read 23 times
Rate this item
(0 votes)
Last modified on Friday, 03 January 2020 10:47