SJ WorldNews - шаблон joomla Авто

အပြုသဘောဆောင်သည့် လက္ခဏာရပ်ဖြင့် တိုးတက်လာသည့် ဗြိတိန်-တရုတ်ဆက်ဆံရေး

Friday, 21 February 2020 10:14 Written by  font size decrease font size decrease font size increase font size increase font size

အာရှအင်အားကြီး တရုတ်နှင့် အမေရိကန်တို့ကြား ဖြစ်ပွားနေသည့် ကုန်သွယ်ရေးတင်းမာမှု အခြေအနေမှာ မသေချာ မရေရာသည့် အခြေအနေတွင် ရှိနေစဉ် ဗြိတိန်နိုင်ငံက  တရုတ်နိုင်ငံနှင့် ဆက်ဆံရေး တိုးမြှင့်ရန် ကြိုးပမ်းလာသည်။ ဗြိတိန်ဝန်ကြီးချုပ် ဘောရစ်ဂျွန်ဆင်သည် ဖေဖော်ဝါရီ ၁၈ ရက်က တရုတ်သမ္မတရှီကျင့်ဖျင်နှင့် တယ်လီဖုန်းမှတစ်ဆင့် ဆက်သွယ်ပြောကြားခဲ့သည်။

ခေါင်းဆောင်နှစ်ဦးကြား  ထိုသို့ဆက်သွယ်ပြောဆိုရာတွင်  တရုတ်နိုင်ငံ၌  ကိုရိုနာဗိုင်းရပ်ကူးစက် ပျံ့နှံ့မှုကြောင့် လူသေဆုံးမှုအပေါ် ဝမ်းနည်းကြောင်း ဘောရစ်ဂျွန်ဆင်က   ဦးစွာပြောကြားပြီး   ဗြိတိန်နိုင်ငံအနေဖြင့် တရုတ်နိုင်ငံက လက်ရှိလုပ်ဆောင်နေသည့်    ကိုရိုနာဗိုင်းရပ်ကူးစက်မှု ထိန်းချုပ်ရေး လုပ်ဆောင်ချက်များကို ထောက်ခံကြောင်း၊ ဗြိတိန်အစိုးရ အနေဖြင့်  တရုတ်နိုင်ငံသို့  အရေးကြီးသော ဆေးဝါးကုသရေး ပစ္စည်းများ ပံ့ပိုးပေးမည် ဖြစ်ကြောင်း ဆက်လက်ပြောကြားသည်။

အလားတူ  တရုတ်အစိုးရ၏ ရောဂါထိန်းချုပ်ရေး လုပ်ဆောင်ချက်များအပေါ် ထောက်ခံခဲ့မှုအတွက် ကျေးဇူးတင်ကြောင်း  ရှီကျင့်ဖျင်က တုံ့ပြန်ပြောကြားခဲ့သည်။ နှစ်နိုင်ငံခေါင်းဆောင်များသည် နောက်ပိုင်းတွင်  ၄င်းတို့ နှစ်နိုင်ငံကြား  ပူးပေါင်းဆောင်ရွက်မည့်  အဓိကစီမံကိန်းများနှင့် စပ်လျဉ်း၍ ဆက်လက်ဆွေးနွေးခဲ့သည်။

ထို့ပြင် ဗြိတိန်-တရုတ်ဆက်ဆံရေးသည် နှစ်နိုင်ငံစလုံးအတွက် အရေးပါကြောင်း  ခေါင်းဆောင်နှစ်ဦးစလုံးက သဘောတူညီခဲ့ကြပြီး ၄င်းတို့ကြား စီးပွားရေး ပူးပေါင်းဆောင်ရွက်မှုနှင့် ရာသီဥတုပြောင်းလဲမှု ကိုထိန်းချုပ်ခြင်း စသည့် ကိစ္စရပ်များတွင် ဆက်လက်ပူးပေါင်းရန် ဆုံးဖြတ်ခဲ့ကြသည်။  ထို့ပြင်  ဗြိတိန်နှင့် တရုတ်နိုင်ငံတို့အနေဖြင့်  အနာဂတ် မျိုးဆက်သစ်များအတွက်  ကမ္ဘာကြီးကို  ကာကွယ်ပေးသင့်ကြောင်း နှစ်နိုင်ငံခေါင်းဆောင်များက     ဆက်လက် သဘောတူညီခဲ့သည်။

ဘောရစ်ဂျွန်ဆင်နှင့် ရှီကျင့်ဖျင်တို့၏ အဆိုပါ ဆက်သွယ်ပြောဆိုမှုသည် စကော့တလန်နိုင်ငံ ဂလက်စဂိုမြို့၌  ရာသီဥတု ပြောင်းလဲမှုဆိုင်ရာ  ကုလသမဂ္ဂ ဆွေးနွေးပွဲနှင့်    ဇီဝအမျိုးအစား ကွဲပြားမှုဆိုင်ရာ  ကုလသမဂ္ဂ ဆွေးနွေးပွဲ တစ်ရပ်ကို တရုတ်နိုင်ငံ၌ ယခုနှစ်အောက်တိုဘာလတွင် မကျင်းပမီ ထွက်ပေါ်လာခြင်း ဖြစ်သည်။

အလားတူ နှစ်နိုင်ငံကြား အဆင့်မြင့်ရထားလမ်း ကွန်ရက်(HS2 Network) တည်ဆောက်ရန် ကနဦး ဆွေးနွေးမှုများ လုပ်ဆောင်ခြင်း အပါအဝင် တခြားစီမံကိန်းများကိုလည်း အကောင်အထည်ဖော်ဆောင်မည်ဟု  နှစ်နိုင်ငံအစိုးရ အဖွဲ့မှ တာဝန်ရှိသူများက ထုတ်ပြန်ကြေညာခဲ့ပြီး နောက်ပိုင်းတွင် ခေါင်းဆောင်နှစ်ဦး၏ တယ်လီဖုန်းမှတစ်ဆင့် ဆွေးနွေးမှု ထွက်ပေါ်လာခြင်း ဖြစ်သည်ဟု ဆိုနိုင်သည်။    HS2 Network တစ်ခုကို ငါးနှစ်အတွင်း ကုန်ကျစရိတ်သက်သာစွာ တည်ဆောက်နိုင်သည်ဟု တရုတ်နိုင်ငံပိုင်ရထားလမ်း တည်ဆောက်ရေး ကုမ္ပဏီကြီးက ထုတ်ဖော်ပြောကြား ထားသည်။

တစ်ချိန်တည်းမှာပင်    တရုတ်နည်းပညာကုမ္ပဏီ တစ်ခုဖြစ်သည့်   HUAWEI သည် ဗြိတိန်နိုင်ငံ၌  ရင်းနှီးမြှုပ်နှံမှုများ တိုးမြှင့်လုပ်ဆောင်လျက်ရှိပြီး ၄င်းတို့၏ 5G နည်းပညာစမ်းသပ်ခန်းတစ်ခုကို လန်ဒန်မြို့၌ ပြီးခဲ့သည့်နှစ် ဒီဇင်ဘာလ အတွင်းက ဖွင့်လှစ်ခဲ့ပြီးဖြစ်သည်။ နည်းပညာစမ်းသပ်ခန်းကို ဖွင့်လှစ်ရသည့် အဓိကရည်ရွယ်ချက်မှာ 5G ဂေဟစနစ်များကို တစ်ကမ္ဘာလုံး အတိုင်းအတာဖြင့် တည်ဆောက်ရာတွင် ပူးပေါင်းဆောင်ရွက်ရန် ဖြစ်သည်။

ထို့ပြင် HUAWEI ကုမ္ပဏီအနေဖြင့် ဗြိတိန်နှင့် အိုင်ယာလန်နိုင်ငံ အတွင်းရှိ နည်းပညာကုမ္ပဏီများကို HUAWEI မိုဘိုင်းလ် ဝန်ဆောင်မှုများဆိုင်ရာ ဂေဟစနစ်အတွက် Application များ ထုတ်လုပ်ရာတွင်လည်း  အထောက်အကူ ပြုရန် စီစဉ်ထားသည်ဟု အဆိုပါကုမ္ပဏီက ယခုနှစ် ဇန်နဝါရီလအတွင်း ထုတ်ပြန်ကြေညာခဲ့သည်။ ဘောရစ်ဂျွန်ဆင်က HUA-WEI ကုမ္ပဏီကို  နိုင်ငံအတွင်း 5G ကွန်ရက်များ တည်ဆောက်ခွင့်ပြုခဲ့ခြင်းသည်   အမေရိကန်အစိုးရ အဖွဲ့၏ ဖိအားပေးမှုကို အာခံ၍ လုပ်ဆောင်ခဲ့ခြင်း ဖြစ်သည်။

အကယ်၍ဗြိတိန်အစိုးရအနေဖြင့် HUAWEI ကုမ္ပဏီအား ၄င်းတို့၏ ကွန်ရက်များကို နိုင်ငံအတွင်း တည်ဆောက် ခွင့်ပြုပါက  အမေရိကန် ပြည်ထောင်စုအနေဖြင့်  ဗြိတိန်နှင့် လုပ်ဆောင်နေသည့်  ထောက်လှမ်းရေး သတင်းအချက်အလက် အပြန်အလှန်ဖလှယ်ရေး သဘောတူညီချက်ကို ရပ်ဆိုင်းပစ်မည်ဟု အမေရိကန်သမ္မတ ဒေါ်နယ်ထရမ့်အပါအဝင် ဒုတိယသမ္မတ မိုက်ပန့်နှင့်  နိုင်ငံခြားရေးဝန်ကြီး  မိုက်ပွန်ပီယိုတို့က ခြိမ်းခြောက် ပြောကြားခဲ့သည်။

သို့ရာတွင် ခြိမ်းခြောက်မှုများ ရှိလင့်ကစား HUAWEI ကုမ္ပဏီအား ၄င်းတို့၏ကွန်ရက်များကို  နိုင်ငံအတွင်း  တည်ဆောက်ခွင့်ပြုရန် ဘောရစ်ဂျွန်ဆင်က သဘောတူခဲ့သည်။  ထို့ပြင်  ဗြိတိန်အစိုးရ၏ အဆိုပါ လုပ်ဆောင်ချက်သည် ဗြိတိန်နှင့်အမေရိကန်တို့ကြား လွတ်လပ်စွာ ကုန်သွယ်ရေး သဘောတူညီချက် ချမှတ်နိုင်ရေးအတွက် အနာဂတ်တွင် လုပ်ဆောင်မည့် စေ့စပ်ဆွေးနွေးမှုများကိုပါ ထိခိုက်စေနိုင်သည်ဟု အမေရိကန် အစိုးရက ထပ်မံခြိမ်းခြောက် ပြောဆိုခဲ့သည်။

ဗြိတိန်အစိုးရ၏    အဆိုပါ လုပ်ဆောင်ချက်သည် အလွန်ဝမ်းနည်းဖွယ်ကောင်းကြောင်း၊ ဗြိတိန်နိုင်ငံက ဥရောပသမဂ္ဂ အဖွဲ့မှ   နုတ်ထွက်ပြီးနောက်ပိုင်းတွင် အမေရိကန်ပြည်ထောင်စုအနေဖြင့် ဗြိတိန်နှင့်လွတ်လပ်စွာ    ကုန်သွယ်ရေး သဘောတူညီချက်တစ်ရပ် ချမှတ်နိုင်ရန် ဆန္ဒရှိနေကြောင်း မိုက်ပန့်က ယခုလ အစောပိုင်းတွင်  CNBC သတင်းဌာနနှင့်  ပြုလုပ်သည့် တွေ့ဆုံမေးမြန်းခန်းတစ်ခု၌ ပြောကြားခဲ့သည်။

ထို့ပြင် HUAWEI ကုမ္ပဏီ၏ နည်းပညာသည် ဗြိတိန်နိုင်ငံ၏ လုံခြုံရေးဆိုင်ရာ အကျိုးစီးပွား၊ ပုဂ္ဂလိကအကျိုးစီးပွားတို့နှင့် ကိုက်ညီမှုမရှိဟု အမေရိကန် အစိုးရက ပြောကြားထားသည်။

ဗြိတိန်အစိုးရ အနေဖြင့် နိုင်ငံအတွင်း မြန်နှုန်းမြင့် ဝိုင်ယာလက်ကွန်ရက်စနစ်များ တည်ဆောက်ရာတွင် HUAWEI ကုမ္ပဏီကို ပါဝင်စေရန် ဆန္ဒရှိနေသည်။ သို့ရာတွင် လုံခြုံရေးနှင့် သက်ဆိုင်သည့် ကွန်ရက်များနှင့်  နိုင်ငံအတွက် အရေးပါသည့် ကွန်ရက်များ တည်ဆောက်ရာတွင် HUAWEI  ကို ပါဝင်ခြင်းမရှိရန် တားမြစ်မည်ဖြစ်သည်။ လုံခြုံရေးနှင့် သက်ဆိုင်သည့် ကွန်ရက်များနှင့်  နိုင်ငံအတွက် အရေးပါသည့်ကွန်ရက်များဟု ဆိုရာတွင်    နျူကလီးယား စက်ရုံများနှင့် စစ်အခြေစိုက်စခန်းများ ပါဝင်သည်။

ဗြိတိန်နိုင်ငံက တရုတ်နိုင်ငံနှင့် ဆက်ဆံရေး တိုးမြှင့်လိုသည့် တခြားတစ်ချက်မှာ ဥရောပသမဂ္ဂအဖွဲ့မှ နုတ်ထွက် ပြီးနောက် အင်အားကြီးနိုင်ငံများ ဖြစ်သည့်  အမေရိကန်၊  တရုတ်တို့နှင့် ဆက်ဆံရေးကို ဆက်လက် ထိန်းသိမ်း လိုခြင်း ဖြစ်သည်ဟု ဆိုနိုင်သည်။

ထို့ကြောင့် ဗြိတိန်အစိုးရက ဥရောပသမဂ္ဂမှ နုတ်ထွက်ပြီးနောက်ပိုင်းတွင်  အဓိက မဟာမိတ်နိုင်ငံကြီး အဖြစ် ရပ်တည်နေခဲ့သည့် အမေရိကန်နှင့် လွတ်လပ်စွာ ကုန်သွယ်ရေး သဘောတူညီချက်တစ်ရပ် ချမှတ်ရန် ကြိုးပမ်းခဲ့သည့်အပြင် တရုတ်နိုင်ငံနှင့်လည်း အဓိကကျသည့် စီမံကိန်းများကို ပူးပေါင်းအကောင်အထည် ဖော်ဆောင်ရန် ကြိုးပမ်းခဲ့ခြင်း ဖြစ်သည်။

သို့ရာတွင် HUAWEI ကုမ္ပဏီအား ၄င်းတို့၏ကွန်ရက်များကို နိုင်ငံအတွင်း တည်ဆောက်ရန် ဗြိတိန်အစိုးရက ခွင့်ပြုခဲ့ခြင်းသည် ဗြိတိန်-တရုတ် ဆက်ဆံရေးအတွက် အပြုသဘော ဆောင်သည့် လက္ခဏာတစ်ရပ် ဖြစ်လာခဲ့သော်လည်း အမေရိကန်ပြည်ထောင်စုနှင့် ဆက်ဆံရေးတွင် အနည်းနှင့်အများဆိုသလို  ထိခိုက် စေခဲ့ကြောင်း  ရေးသားတင်ပြလိုက်ရပါသည်။    

ဇေယျဘုန်း

Ref: Sputnik

Read 33 times
Rate this item
(0 votes)
Last modified on Friday, 21 February 2020 10:15