နေပြည်တော် ဇွန် ၃ဝ
ကျန်းမာရေးနှင့် အားကစားဝန်ကြီးဌာနက ယနေ့ည ၈ နာရီတွင် COVID-19 ရောဂါစောင့်ကြပ်ကြည့်ရှုမှုနှင့် ပတ်သက်၍ သတင်းထုတ်ပြန်ချက်အရ ယနေ့ဓာတ်ခွဲအဖြေများ၌ COVID-19 ရောဂါပိုးတွေ့ လူနာသစ် ၁၅၈ဝ ဦးနှင့် သေဆုံးသူ ၁၄ ဦး ရှိကြောင်း သိရသည်။
(၂၉-၆-၂ဝ၂၁)ရက် ည ၈ နာရီမှ (၃ဝ-၆-၂ဝ၂၁)ရက် ည ၈ နာရီအတွင်း ဓာတ်ခွဲနမူနာ စုစုပေါင်း ၇၉၂၄ ခုအား စစ်ဆေးပြီးစီးခဲ့ရာ COVID-19ရောဂါဓာတ်ခွဲ အတည်ပြု လူနာသစ် ၁၅၈ဝ ဦးတွေ့ရှိရသည်။
သို့ဖြစ်ပါ၍ ယနေ့အထိ ဓာတ်ခွဲနမူနာ စုစုပေါင်း ၂၇၃၄၃၂၆ ခုအား စစ်ဆေးခဲ့ပြီး COVID-19 ဓာတ်ခွဲအတည်ပြု လူနာ စုစုပေါင်း ၁၅၇၂၇၇ ဦးရှိပြီဖြစ်သည်။
ယနေ့တွင် ဆေးရုံဆင်းခွင့်ရရှိသူ ၄၅၁ ဦး ဖြစ်သဖြင့် ယနေ့အထိ စုစုပေါင်း ၁၃၆၄၄၃ ဦး ဆေးရုံမှဆင်းခွင့် ရရှိပြီးဖြစ်သည်။
COVID-19 ရောဂါဖြင့် ထပ်မံသေဆုံးသူ ၁၄ ဦးရှိသဖြင့် ယနေ့အထိ သေဆုံးသူ စုစုပေါင်း ၃၃၃၄ ဦးရှိကြောင်း ကျန်းမာရေးနှင့် အားကစားဝန်ကြီးဌာနက သတင်း ထုတ်ပြန်ထားကြောင်း သိရသည်။