မုန်း၍မဟူSubmitted by admin_webportal on Sat, 05/08/2021 - 12:03ယမန်နေ့မှအဆက် ဝေမှာ ရောဂါတွေးလိုက်၊ ကို့တွေးလိုက်ဖြင့် ဘယ်ဘက်ကမှ မချမ်းသာပေ။ ကုသလို့ ပျောက်ပါ့မလား ဟူသောအတွေးကို ကြာရှည်စွာတွေးမနေရတော့ပေ။ ဖြစ်ချင်ရာဖြစ် စိတ်လျှော့ခြင်းဖြင့် အတွေးရပ်လိုက်သည်။ ဝေသည် ဗြောင်းဆန်အောင် စိတ်လှုပ်ရှားနေပြီးနောက် သိပ်ကိုစိတ်ထိခိုက်လာသည်။ စိတ်ထိခိုက်လွန်း၍ စိတ်ကိုမထိန်းနိုင်အောင် လွတ်နေသည့်အဆုံးတွင် သက်သာမှုမှီတွယ်စရာလေးတစ်ခု ရှာရသွားလေ၏။  |
မုန်း၍မဟူSubmitted by admin_webportal on Fri, 05/07/2021 - 12:22ယမန်နေ့မှအဆက် ဝေသည်အသံထွက်အောင်ရယ်လေ၏။ ကို၏ အချစ်ရောင်လျှမ်းနေသောမျက်လုံးများကို ရွှင်လန်းစွာရယ် ပြုံးကြည့်ရင်း ''ကိုရေ၊ မနက်စာစားကြစို့နော်'' ဟုဆိုလိုက်သည်။ ကိုသည် ဝေ့ကိုဖက်လျက်အိမ်ထဲသို့ ခေါ်သွင်းလာသည်။ ဝေ့ရင်မှာခုန်နေလိုက်၊ ရပ်သွားလိုက် မြန်ချည်တစ်လှည့်၊ လေးလေးတစ်လှည့်ခုန်ချင်သလို ခုန်နေလေသည်။ လက်ဖက်ရည်စားပွဲတွင် သူထိုင်နေကျနေရာကိုပင် ယောင်မှားလျက်တလွဲထိုင်မိသည်။ ကိုကမှားထိုင်တာ မြင်ဟန်သိဟန်မရှိ၊ ဝေရွှင်ပျနေတာ ရင်ထဲချမ်းသာလှ သဖြင့် စည်းတွေကမ်းတွေကို မေ့နေဟန်ရှိသည်။  |
မုန်း၍မဟူSubmitted by admin_webportal on Thu, 05/06/2021 - 12:38ယမန်နေ့မှအဆက် ဝေသည် မျက်လုံးကလေးပြူးသွားကာ စိုးရိမ်ကြီးစွာဖြင့် ''အစ်ကိုကြီး ဒီစကားတွေ ဟိုလျှောက် ဒီလျှောက် ပြောမနေနဲ့ အဖမ်းခံရမယ်၊ တော်...တော်''ဟု ဆိုလိုက်သည်။ ကိုနေဦးမှာ အသံခပ်အုပ်အုပ် ရယ်လိုက်ကာ''ဘယ့်နှယ် ဘိုကော အိပ်ရာက မထသေးဘူးလား''ဟု မေးသည်။ ''ထပြီလား မသိဘူး၊ ဒါထက် မေမေ့ဆီကို ဆန်ပို့ပြီးပြီလား'' ''ပို့လိုက်ပြီ၊ ဆန်တစ်အိတ်၊ ဆီတစ်ပုံး၊ နင် မယ်အေးနဲ့ ပေးခိုင်းလိုက်တဲ့ငွေ သုံးဆယ်နဲ့ ပေါင်း ငွေက ရှစ်ဆယ်ကျပ် တင်ပို့လိုက်တယ်''  |
မုန်း၍မဟူSubmitted by admin_webportal on Wed, 05/05/2021 - 14:27ယမန်နေ့မှအဆက် ကို ဂရုစိုက်ပုံ၊ ဆေးတိုက်ပုံ၊ အစာကျွေးပုံများမှာ ထပ်နေသဖြင့် စောစောပိုင်းလောက် မဖတ်ရတော့ပေ။ ထားထားမှာ ကလေးပျက်သွားသည် သိကတည်းက ဝေ့အတွက် စိတ်မကောင်းဖြစ်မိသည်။ ဝေ၌ အဖော်ရှိစေချင်သည်။ ဝေ့ဘဝကို စိုပြည်လာနိုင်စရာရှာလျှင် ထားထားမှာ ကလေးသာလျှင် စဉ်းစားမိသည်။  |
မုန်း၍မဟူSubmitted by admin_webportal on Tue, 05/04/2021 - 10:15ယမန်နေ့မှအဆက် ဝေမှာ ပျော့နေလေသည်။ အသက်ဖုတ်လှိုက်ဖုတ်လှိုက် ရှူကာမောနေ၏။ ခေါင်းရင်းမီးတိုင်မှ မီးရောင်ဖျော့ဖျော့သည် ဝေ့မျက်နှာတစ်ခြမ်းကို အရောင်လွှမ်းထားသည်။ ဆံပင်များ ဖွာကြဲကာ မျက်နှာပေါ်သို့ အုပ်ကျနေသော ဆရာဝန်သည် သက်ပြင်းကြီးများ ချလိုက်ကာ ဦးစောဟန်ကို လှမ်းကြည့်လိုက်သည်။ ဦးစောဟန်မှာ အသည်းတဖိုဖိုနှင့် ဆရာဝန်ကို စိုးရွံ့စွာကြည့်လိုက်သည်။ ''ကိစ္စမရှိပါဘူး၊ စိတ်ချရပါပြီ''  |
မုန်း၍မဟူSubmitted by admin_webportal on Mon, 05/03/2021 - 10:50ယမန်နေ့မှအဆက် ဝေသည် လေတိုက်ကြမ်း၍ အတော်အေးလာသည်ကို သတိထားမိကာ''ပြန်စို့ ကိုရယ်...မိုးချုပ်တော့မယ်''ဟုပြောလိုက်သည်။ ကိုသည် ဝေ၏ပခုံးကိုဆွဲလှည့်လျက် ဝင်လုဆဲနေရောင်ထဲ၌ ဝေ့မျက်နှာကို ကြည့်လိုက်သည်။ ဝေ၏မျက်နှာမှာ ဖြူရော်ရော်ဖြစ်နေသလားဟု အောက်မေ့ရသည်။ ဟိုစဉ်ကလို နီနီတွေးတွေး သွေးရောင်များ မဖြန်းတော့။ နားထင်ရိုးကလေးများ ပေါ်နေပြီး မျက်နှာသွယ်ကျနေ၏။ မျက်ကွင်းမှာ ညိုနေကာ မျက်လုံးအကြည့်သည် စိမ်းလဲ့လဲ့ခပ်မှေးမှေးတွေ့ရသည်။  |
မုန်း၍မဟူSubmitted by admin_webportal on Sun, 05/02/2021 - 18:49ယမန်နေ့မှအဆက် “ဝေ နေ့ခင်းဘက်က အိပ်ပျော်ရဲ့လားဟင်” ဦးစောဟန်သည် အလုပ်ကပြန်တိုင်း နေ့လယ် အိပ်၊ မအိပ်မျက်နှာကိုကြည့်ပြီး မေးတတ်သည်။ မျက်လုံး ကလေးအစ်မို့လျက် မျက်နှာလေးလန်းနေမှ အိပ်တာကိုစိတ်ချသည်။ “အိပ်တာပဲ၊ အိပ်လို့မပျော်ဘူး ကိုရယ်၊ အိပ်လို့မပျော်တာနဲ့ ကြီးတော်သက်လာတော့ အောက်ဆင်းပြီး စကားပြောနေတယ်”  |
မုန်း၍မဟူSubmitted by admin_webportal on Sat, 05/01/2021 - 14:34ယမန်နေ့မှအဆက်  |
မုန်း၍မဟူSubmitted by admin_webportal on Fri, 04/30/2021 - 14:48ယမန်နေ့မှအဆက်''မထသေးဘူး၊ ညက သုံးနာရီလောက်မှအိပ်တယ်၊အစ်မမြင်ရင် ဘယ်လောက်များ ဝမ်းသာလိုက်မလဲ၊ ညကလိုက်ခေါ်မလို့ သေတ္တာတောင်ပြင်ခိုင်းပြီးပြီ''ဝေ၏မျက်လုံးထဲ၌ မျက်ရည်တွေဝဲလာသည်။ နီးရာဆိုဖာတွင် ဝင်ထိုင်လျက် ကိုယ်ကလေးကို နောက်သို့ဖြည်းဖြည်း ကပ်မှီနေလိုက်သည်။မောင်မြသည် ပစ္စည်းများကို အတွင်းသို့ အသံမကြားအောင် သယ်သွင်းနေ၏။ ညကအိပ်ပျက်သော်လည်း ပေါ့ပါးဖျတ်လတ်နေသည်။ |
မုန်း၍မဟူSubmitted by admin_webportal on Thu, 04/29/2021 - 13:07ယမန်နေ့မှအဆက် အတန်ကြာမှ သူ့ကိုယ်ကြီးကို ပက်လက်ကုလားထိုင်မှ ဆွဲ၍ ထူသည်။ မတ်လာသော ကိုယ်ကြီးမှာ ရှေ့သို့ထိုးသွားမှန်းသိ၍ အသာထိန်းလိုက်ရာ ရုတ်တရက်မထိန်းနိုင်ဘဲ နှစ်လှမ်း၊ သုံးလှမ်းရှေ့ထိုးသွားကာ ယိမ်းယိုင်သွားပြီးမှ ထိန်းလို့ရလေ၏။ ခြေကို မြဲမြဲရပ်ပြီးမှ ခါးက ပလေကတ်ပုဆိုးကို ပြင်ဝတ်သည်။ ခေါင်းကြီးမှာ အောက်စိုက်လျက် အခန်းထဲ၌ အသည်းကွဲသော အကြည့်နှင့် ဟိုလှည့်သည်လှည့် ကြည့်လေ၏။ ''မောင်မြ...'' သူ့အသံမဟုတ်သော အသံကြီးနှင့် ခေါ်လေ၏။  |