အခန်းဆက်ဝတ္ထုရှည်

ငယ်ဘဝ

Submitted by cincdsmanager on Sun, 09/06/2020 - 11:23

ယမန်နေ့မှအဆက်

အလှူအဝင်နေ့နှင့်ရှင်လောင်းလှည့်ပွဲ အလှူအဝင်နေ့ရောက်ပြီ။ ဒေါ်လေးတို့အိမ်ရှေ့မှာ နန်းတော်ကြီးတစ်ခု ပေါ်လာသလို မဏ္ဍပ်ကြီးမှာ ရွှေရောင်တောက်နေသည်။ ရွာသားတို့ လုပ်အားပေးပြီး ဆောက်ထားသည့် မဏ္ဍပ်အကြမ်းကို ပန်းချီဆရာက သူ၏ ရွှေရောင်ပန်းချီကား ချပ်များနှင့် အလှဆင်လိုက်ခြင်းဖြစ်သည်။ မဏ္ဍပ်ဘေးတွင် ထမင်းကျွေးရုံနှစ်ရုံရှိသည်။ ချက်ကြပြုတ်ကြ၊ လုပ်ကြကိုင်ကြ၊ စားကြသောက်ကြနှင့် စည်ကားနေသည်။

ငယ်ဘဝ

Submitted by admin_webportal on Sat, 09/05/2020 - 12:01

ယမန်နေ့မှအဆက်

ဖိတ်စာများသည် အဖေကြီးကိုယ်တိုင် မန္တလေးသို့သွားအပ်ခဲ့ခြင်းဖြစ်သည်။ အလှူတွင်ပါရမည်ထင်ပြီး ဝမ်းသာပျော်ရွှင်နေသော မောင်ငြိမ်းချမ်းကို မပြောရက်၍ မပြောခဲ့ခြင်းဖြစ်လိမ့်မည်။ ယနေ့တော့ ပြော သင့်သောအချိန်လည်းကျပြီ။ တိုက်ရိုက်လည်း မပြောချင်၍ ဖိတ်စာအဖတ်ခိုင်းပြီး အသိပေးခြင်း ဖြစ်သည်ဟု မောင်ငြိမ်းချမ်းနားလည်လိုက်ပါသည်။

''ဒီကောင် ဘယ်နှတန်းလဲ...'' လူကြီးတစ်ယောက်က အဖေကြီးကိုမေးသည်။

ငယ်ဘဝ

Submitted by admin_webportal on Fri, 09/04/2020 - 10:46

ယမန်နေ့မှအဆက်

ကြေးစည်သံကြား၍ ထင်ပါ၏။ ညနေပိုင်းမှာ လှအောင်ရောက်လာသည်။

''ဟေ့ကောင်လှအောင်...ငါလည်း  မြင်းကြီး စီးရတော့မှာပါကွ''

မောင်ငြိမ်းချမ်းက လှအောင်ကိုပြန်ကြွားသည်။ လှအောင် အလှူပြီးကတည်းက လှအောင်ကြွားသမျှ မောင်ငြိမ်းချမ်း နားထောင်ခဲ့ရသည်။ ခုတော့ ကိုယ့်အလှည့်ရောက်ပြီဟု မောင်ငြိမ်းချမ်း ဝမ်းသာနေသည်။

''မြင်းက လန့်တတ်တယ်နော်...လန့်ရင် လိမ့်ကျနေဦးမယ်''

လှအောင်အတွေ့အကြုံ ရှိထားသူအနေနှင့် ပြန်ကြွားရင်း သတိပေးသည်။

''လန့်ရင်မြင်းဇက်ကြိုးကို ငါတင်းတင်း ဆွဲထားမှာပေါ့ကွ''

မောင်ငြိမ်းချမ်းက အားကျမခံပြန်ပြောသည်။

ငယ်ဘဝ

Submitted by admin_webportal on Thu, 09/03/2020 - 08:49

ယမန်နေ့မှအဆက်

''အေး...အဲဒါဟုတ်သားပဲ။ မင်းဒေါ်လေးတို့ လှူဖြစ်ရင် ငါ့မြေးကို ထည့်ပေးဖို့ အဖေကြီးပြောပေးမယ်''

အဖေကြီး၏ လေသံမှာ ဝမ်းသာအားရဖြစ်သည်။

အမေကြီးလည်း ဝမ်းသာသွားဟန်တူပါသည်။

''လှူဖြစ်မှာပါ...လှူဖြစ်အောင်...နှမ်းတွေကောင်းပါစေလို့ငါ့မြေးကလည်း ဆုတောင်းပေးပေါ့...''

''ဟုတ်ကဲ့...''

မောင်ငြိမ်းချမ်း ဝမ်းသာသွားသည်။  ရှင်လောင်း ဖြစ်တော့မည်။ မြင်းကြီးစီးရတော့မည် ဟူသော အတွေးနှင့် ပျော်သွားသည်။