အခန်းဆက်ဝတ္ထုရှည်

ယမန်နေ့မှအဆက်

အခု လူတိုင်းကို အချိုးကျနို့ဆီနဲ့ သကြားထုတ်ပေးနေတယ်။ သောက်တဲ့လူက သောက်တယ်။ကလေးတိုက်တဲ့သူက   တိုက်တယ်။ ရောင်းစားတဲ့သူက ရောင်းစားတယ်။ ဒါတွေကို မင်းတို့ ထုတ်မပေးတော့ဘူး။ တို့ ကင်တင်းဆိုင်တစ်ခုဖွင့်မယ်။ လက်ဖက်ရည်၊ကော်ဖီ၊ ဆေးလိပ်ရောင်းမယ်။ ကော်ဖီသောက်ချင်ရင် အိမ်မှာမသောက်နဲ့၊ ဆိုင်မှာသောက်။ တစ်ခွက်တစ်မတ်။

အခု ဒေါ်ညွန့်ကော်ဖီဆိုင်လည်း မရှိတော့ဘူး''

''ဟုတ်တယ် ဆရာကြီး၊ ဒါ ကောင်းတယ်ဆရာကြီး''

ယမန်နေ့မှအဆက်

ယမန်နေ့မှအဆက်

 သောင်းဒန်၊ စောသာအေး၊ လှမင်းတို့ တကုန်းကုန်းတွက်ကြရသည်။ ဦးဆောင်သူမှာကား သောင်းဒန်ပင်ဖြစ်သည်။

''မသိရင် မေးကြ။  ငါပြတာကို သေသေချာချာ မှတ်ထား။ ငါလည်း ဒီလိုပဲ ပညာသင်ခဲ့ရတာပဲ။ ရွှေပြည်ကြီး တံတားတုန်းက ဦးလှစိုးဆီက ပညာတွေကို မေးမြန်းပြီးရလိုက်တာပဲ။   ဦးလှစိုးဆိုတာက  အမ်အက်စီအင်ဂျင်နီယာ။ ဂဏန်းတွက်တာလည်း တော်တယ်။

ဦးနှောက်ကလည်း ထက်တယ်''

''အခု အဲဒီ ဦးလှစိုးဘယ်ရောက်နေသလဲ''

''နိုင်ငံခြားသွားပြီး အလုပ်လုပ်နေတယ်''

''နှမြောစရာကောင်းလိုက်တာ  ဆရာကြီးရယ်''

ယမန်နေ့မှအဆက်

““အထူးတင်းကျပ်ဖို့ကတော့ မူးယစ်သောက်စားပြီး ရမ်းကားတာ၊ ဆဲရေးကြိမ်းမောင်းတာ၊ ဒါက နံပါတ်တစ်၊ နံပါတ်နှစ်က ယောကျ်ား၊ မိန်းမ ဆက်ဆံရေး၊လူပျိုတွေ ည ၇ နာရီကျော်ရင် အိမ်ထောင်သည်ဆောင်ကို မသွားရဘူး။ ဖိုမဆက်ဆံရေး ကိစ္စမှာ အပြစ်ကျူးလွန်ရင် သည်းမခံနိုင်ဘူး။ အလုပ်ထုတ်ပစ်မယ်။

တို့ဌာနမှာ အလုပ်မရနိုင်အောင်  စာရေးတင်မယ်။

အပျို လူပျိုလွတ်လွတ်လပ်လပ် ချစ်ကြိုက်တာ အကြောင်းမဟုတ်ဘူး။ မလွတ်မလပ်သူများ သားမယား ကျူးလွန်တာမျိုး သည်းမခံနိုင်ဘူး။