အခန်းဆက်ဝတ္ထုရှည်

ယမန်နေ့မှအဆက်

ဝေသည် ရိုးသားဖြူစင်သည်။ သူ့အလိုသို့ လိုက်လျောသည်။ သူ့စိတ်ကြိုက်ကို လေးစားသည်။ စိတ်ညစ်စရာမျိုး မလုပ်တတ်။ စိတ်နာစကားမျိုး မပြောတတ်။ သူ့စနစ်အတိုင်းလိုက်၍ မယွင်းမတိမ်းအောင် နေတတ်ထိုင်တတ်သဖြင့် ဘယ်လောက် စိတ်ချမ်းသာရသနည်း။ လိမ္မာလှတဲ့ဝေ။ ဆွေမျိုးတွေ မြှောက်ပေး၍သာ သည်လိုဖြစ်ရသည်။ နွားချေးပုံထဲမှ ပေါက်သောကြာပန်းကလေး...။

ဦးစောဟန်မှာ  ဆွေမျိုးတွေသိအောင် ဝေ့အပေါ်တွင် အရေးမစိုက်သလို ဟန်လုပ်ပြနေသော်လည်း သူ့ဟန်မှာ မျောက်မီးခဲထိုင်နေသော သူ့အဖြစ်ကို အကာအကွယ်မပြုနိုင်ချေ။