အခန်းဆက်ဝတ္ထုရှည်

ယမန်နေ့မှအဆက်

မုန်း၍မဟူ(ဂျာနယ်ကျော် မမလေး)

ဝေေ၀နှင့်ဦးဘိုးသိန်းမှာ ဦးစောဟန်ကိုင်မည့်ဇွန်းကို စောင့်ကြည့်နေစဉ် ကိုနေဦးသည် စွပ်ပြုတ်သောက်မည့် ဇွန်းဝိုင်းဝိုင်းကို ကောက်မယူဘဲထမင်းစားဇွန်းရိုးရိုးကို ကောက်ယူလိုက်သည်။ဝေေ၀သည် ဦးစောဟန်ကဲ့သို့ ဇွန်းဝိုင်းဝိုင်းကိုကောက်ယူကာ “အစ်ကိုကြီး မှားနေပြီ” ဟု မျက်နှာအမ်းအမ်းနှင့်လှမ်းကြည့်လိုက်သည်။ကိုနေဦးက သူ့အမှားကိုသူ သတိပြုမပြုတော့ မသိ။ မှားမှားမှန်မှန် အရေးမစိုက်ဟန်နှင့်ခပ်သောက်နေခြင်းကို တွေ့မြင်ရလေသည်။