တရားမဝင်သစ်များ ဖမ်းဆီးရမိ
နေပြည်တော် အောက်တိုဘာ ၂၅
သယံဇာတနှင့် သဘာဝ ပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီး ဌာနသည် တရားမဝင် သစ်နှင့် သစ်တောထွက် ပစ္စည်းများ ရှာဖွေဖော်ထုတ် ဖမ်းဆီးရေးအား ပြည်သူပူးပေါင်း ပါဝင်မှုဖြင့် လူထုအခြေပြု စောင့်ကြပ်ကြည့်ရှု သတင်းပို့စနစ်(Com-munity Monitoring and Reporting System-CMRS) အပါအဝင် နည်းလမ်းမျိုးစုံဖြင့် အကောင်အထည်ဖော် ဆောင်ရွက်လျက်ရှိရာ ၂ဝ၂၁ ခုနှစ် အောက်တိုဘာ ၁၁ ရက်မှ ၁၇ ရက်အထိ နေပြည်တော် ကောင်စီနယ်မြေ တိုင်းဒေသကြီး/ပြည်နယ် သစ်တောဦးစီးဌာနများမှ ပေးပို့လာသော စာရင်းများအရ တရားမဝင်ကျွန်း ၇၅ ဒသမ ၉၇၇၇ တန်၊ သစ်မာ ၁ဝ ဒသမ ၃၇၅၇ တန်၊ အခြား ၂၉ ဒသမ ၆၄၇၇ တန် စုစုပေါင်း ၁၁၆ ဒသမ ဝဝ၁၁ တန်၊ တရားခံ ၄၅ ဦး၊ ယာဉ်/ယန္တရား ၁၈ စီး ဖမ်းဆီးရမိခဲ့သည်။
ဖမ်းဆီးရမိမှုများအနက် အများဆုံး ဖမ်းဆီးရမိမှုမှာ အောက်တိုဘာ ၁၅ ရက်တွင် ရှမ်းပြည်နယ် လွိုင်လင်ခရိုင် လွိုင်လင်မြို့နယ် နမ့်စန်ဘိနယ် နမ့်တိန်းချောင်းအနီးမှ တရားမဝင် ကျွန်းသစ်/ခွဲသား ၉၁၇ လုံး/ချောင်း ၁၇ ဒသမ ၅၃၄၂ တန်၊ လုံးပတ် ၃ ပေအောက် ကျွန်းသစ် ၃၄ လုံး ၂ ဒသမ ၅၈ဝဝ တန်တို့အား ပိုင်ရှင်မဲ့ ဖမ်းဆီးရမိခဲ့ကြောင်း သစ်တော ဦးစီးဌာနမှ သိရသည်။