စစ်တက္ကသိုလ်၊ အဆင့်မြင့်စာပေပညာ ဗဟိုဌာနတွင် သိပ္ပံနှင့် နည်းပညာဆိုင်ရာ ဖွံ့ဖြိုးတိုးတက်ရေး ကွန်ဖရင့်(၂ဝ၂၁) ကျင်းပ

စစ်တက္ကသိုလ်၊ အဆင့်မြင့်စာပေပညာ ဗဟိုဌာနတွင် သိပ္ပံနှင့် နည်းပညာဆိုင်ရာ ဖွံ့ဖြိုးတိုးတက်ရေး ကွန်ဖရင့်(၂ဝ၂၁) ကျင်းပ

နေပြည်တော် အောက်တိုဘာ  ၂၆

တပ်မတော်အနေဖြင့် သိပ္ပံနှင့်နည်းပညာဆိုင်ရာများ အထောက်အကူပြုနိုင်ရန်နှင့် လူ့စွမ်းအား အရင်းအမြစ် ဖွံ့ဖြိုးတိုးတက်ရန် ရည်ရွယ်၍  သိပ္ပံနှင့် နည်းပညာဆိုင်ရာ ဖွံ့ဖြိုးတိုးတက်ရေး ကွန်ဖရင့်(၂ဝ၂၁) Conference   on  Science   and Technology Development-2021 (CSTD-2021)  ဖွင့်ပွဲအခမ်းအနားကို ယနေ့နံနက်ပိုင်းတွင် ပြင်ဦးလွင်တပ်နယ်၊ စစ်တက္ကသိုလ်၊ အဆင့်မြင့်စာပေ ပညာဗဟို ဌာန၊ ၅ ထပ် စာသင်ဆောင်ရှိ Multifunction Hall  ၌ ကိုဗစ် -၁၉ ကူးစက်ရောဂါစည်းကမ်း သတ်မှတ်ချက်များနှင့်အညီ စတင်ကျင်းပ ပြုလုပ်သည်။

အဆိုပါကွန်ဖရင့်သို့    တပ်မတော်လေ့ကျင့်ရေး အရာရှိချုပ် ဒုတိယဗိုလ်ချုပ်ကြီး ဇော်မျိုးတင်၊ တပ်မတော်တက္ကသိုလ်များမှ ကျောင်းအုပ်ကြီးများ၊ ပါမောက္ခချုပ်များနှင့် အရာရှိများ၊ အရပ်ဘက် တက္ကသိုလ်များမှ ပါမောက္ခများ၊    တပ်နယ်မှ မဟာဘွဲ့နှင့် ပါရဂူဘွဲ့သင်တန်း တက်ရောက်နေသော သင်တန်းသား အရာရှိများနှင့် ဗိုလ်လောင်းများ တက်ရောက်ကြပြီး ကိုယ်တိုင်လာရောက် စာတမ်းမဖတ်ကြားနိုင်သော Keynote Speaker  များ၊ အရပ်ဘက်တက္ကသိုလ်များမှ ပါမောက္ခချုပ်များနှင့် ပါမောက္ခများလည်း Video Conferencing  ဖြင့် တက်ရောက်ကြသည်။

ဦးစွာ   တပ်မတော်လေ့ကျင့်ရေး အရာရှိချုပ်က အဖွင့်အမှာစကား ပြောကြားပြီး အခမ်းအနားသို့ တက်ရောက်လာသူများနှင့်အတူ တင်သွင်းခင်းကျင်း ပြသထားသည့် သိပ္ပံနှင့်နည်းပညာဆိုင်ရာ ပိုစတာ ၂၃ စောင်ကို လှည့်လည်ကြည့်ရှုရာ ပိုစတာရှင်များမှ ရှင်းလင်း တင်ပြကြသည်။

ထို့နောက် ဖိတ်ကြားထားသော ပါမောက္ခများ၏ စာတမ်း ၂ စောင်၊ သိပ္ပံနှင့်နည်းပညာဆိုင်ရာ သုတေသနစာတမ်း ၅၄ စောင်၊  စုစုပေါင်း ၅၆ စောင်အား ဖတ်ကြားခဲ့သည်။

အဆိုပါ  သိပ္ပံနှင့်နည်းပညာဆိုင်ရာ ဖွံ့ဖြိုးတိုးတက်ရေး ကွန်ဖရင့်(၂ဝ၂၁)ကို အောက်တိုဘာ ၂၇ ရက်အထိ ကျင်းပသွားမည်ဖြစ်ပြီး ဖိတ်ကြားထားသော ုနပညသအန ှစနေုနမ စာတမ်း ၂ စောင်၊ အထူးစာတမ်း ၆ စောင် အပါအဝင် စုစုပေါင်းစာတမ်း ၅ဝ စောင်ကို ဆက်လက်ဖတ်ကြား သွားမည်ဖြစ်ကြောင်း၊ အကောင်းဆုံးစာတမ်း ၆ ဆုနှင့် အကောင်းဆုံးပိုစတာဆု ၂ ဆု ချီးမြှင့်သွားမည်ဖြစ်ကြောင်း    သတင်းရရှိသည်။