ကျန်းမာရေးနှင့်လမ်းလျှောက်ခြင်း

ကျန်းမာရေးနှင့်လမ်းလျှောက်ခြင်း

ခုလို ကိုဗစ်ကပ်ရောဂါကာလမှာ ပန်းခြံတွေ၊ ကစားကွင်းတွေပိတ်ထားလို့ အားကစားမလုပ်ဖြစ်ဘူး ဆင်ခြေပေးမယ့် အစား   အလွယ် တကူလုပ်နိုင်တဲ့ လမ်းလျှောက်ခြင်းကို နေ့စဉ်လုပ်ဆောင်ပေးသင့်ပါတယ်။ လူတိုင်းဟာ ကိုယ်အလေးချိန်ထိန်းသိမ်းဖို့လိုအပ်ပြီး ကယ်လိုရီ လျှော့စား၊ ပိုနေတဲ့ကယ်လိုရီတွေ ခန္ဓာကိုယ်ထဲ “အဆီ” အဖြစ် မစုဆောင်းနိုင်အောင် နေ့စဉ် အားကစားတစ်ခုခုကို ချွေးထွက်အောင် လုပ်ပေးသင့်ပါတယ်။ နေ့စဉ်နာရီဝက်မှတစ်နာရီအားကစားတစ်ခုခု၊ ဥပမာ-အပြေး၊ လမ်းလျှောက်ခြင်း၊ ရွရွပြေး ခြင်း၊ စက်ဘီးစီးခြင်း၊ ရေကူးခြင်းတို့ လုပ်နိုင်ပါတယ်။

၂၁ ရာစုမှာ လူတို့ရဲ့နေထိုင်မှုပုံစံပြောင်းလဲလာပြီး အထိုင်များလာတာနဲ့အမျှ လူတွေအဝလွန်လာကြတယ်။ သည့်အတွက် ကိုဗစ် ရောဂါ ဖြစ်နေတဲ့ကာလမှာ လူတိုင်းအလွယ်တကူလုပ်နိုင်တဲ့ လမ်းလျှောက်ခြင်းပြုသင့်ပါတယ်။ လူသားတို့မှာ ငွေပိုငွေလျှံရှိလာရင် စုဆောင်းရမယ့်အစား    အစားကောင်း ကောင်းစားလာကြတယ်။ အဆီ၊ အဆိမ့်၊ အငန်ကဲတဲ့၊ ကယ်လိုရီများတဲ့ အစားအစာတွေဟာ လေ့ကျင့်ခန်းမလုပ်ရင် အဆီအဖြစ်စုဆောင်းကာ လူကိုဝလာစေပါတယ်။ နေ့စဉ်အသီးအရွက်နဲ့ အသားကို မျှတအောင် စားသင့်ပါ တယ်။ သောက်ရေသန့် ၂ လီတာသောက်ပေးသင့်တယ်။ အဆီလျှော့စားသင့်တယ်။ နေ့စဉ်နာရီဝက်မှ တစ်နာရီအားကစားတစ်ခုခု၊ ဥပမာ လမ်းလျှောက်ခြင်းက ကိုယ်အလေးချိန်လွယ်ကူစွာလျှော့ချနိုင်မယ့် စံနှုန်းဖြစ်ကာ မှန်ကန်တဲ့လမ်းကြောင်းလည်း ဖြစ်ပါတယ်။

(၁)အဆီလျှော့စားခြင်း။ အဆီလျှော့စား ခြင်းဟာ ကယ်လိုရီမြင့်တဲ့အစားအစာ ရှောင်ကြဉ်နိုင်အောင် အကြံပြုထားတာ ပဲဖြစ်တယ်။

(           က        )           ပျားရည်။ ပျားရည်တစ်ဇွန်းမှာ  ၆၄  ကယ်လိုရီပဲပါဝင်ပါတယ်။ လတ်ဆတ်တဲ့သစ်သီး တစ်ခုခုစား သုံးပြီးရင် ပျားရည်တစ်ဇွန်းသောက်ပေးသင့်ပါတယ်။ အစာကိုကြေစေပြီး ဝမ်းမီးကောင်းစေပါတယ်။

(           ခ          )           ဥများ။ ကြက်ဥပြုတ်တစ်လုံးဟာ ၇၀ ကယ်လိုရီရှိတယ်။ အဆီလျှော့ချင်ရင် အကာစား နိုင်ပါတယ်။

(           ဂ          )           မလိုင်ထုတ်ထားတဲ့ နို့နှင့်နို့ထွက်ပစ္စည်း။ မလိုင်ထုတ်ထားတဲ့ ထောပတ်တစ် အောင်စမှာ ၃၉  ကယ်လိုရီ ပါဝင်ပါတယ်။ သစ်သီး၊ လတ် ဆတ်တဲ့ဟင်းသီးဟင်းရွက်တို့နဲ့အတူ တွဲဖက်စားသောက်နိုင်ပါတယ်။

(           ဃ        )           အညိုရောင်ချောကလက်။ အညိုရောင် ချောကလက်တစ်အောင်စမှာ ၁၆၈ ကယ်လိုရီ ပါဝင်ပါတယ်။  အမျှင်ပါတဲ့ အစားအစာ၊ ဟင်းသီးဟင်းရွက်၊ သစ်သီးတို့နဲ့ တွဲဖက်စားသင့်ပါတယ်။

(           င          )           အသား။ နီနီရဲရဲအသားတစ်အောင်စမှာ ၆၀ ကယ်လိုရီသာ ပါဝင်တယ်။ အဆီမပါတဲ့နီနီရဲရဲ အသား တစ်ခွက်နဲ့ ဟင်းသီးဟင်းရွက် များများစားပေးနိုင်ပါတယ်။ နေ့စဉ်အသားဟင်း တစ်နပ်မစားနိုင်ရင် တစ်ပတ်မှာ အသားဟင်း ၂-၃ နပ် ချက်စားသင့်ပါတယ်။ ပဲအမျိုးမျိုးကို အသား(အစား)စားသောက်နိုင်ပါတယ်။

(           စ          )           အဆီကျစေတဲ့ အစာများစားပေးသင့်ပါတယ်။ ဟင်းသီး ဟင်းရွက်နဲ့သစ်သီး၊ စွပ်ပြုတ်ရည် တစ်ခွက်ဟာ တန်ဖိုးနည်းပေမယ့်  ကယ်လိုရီပါဝင်မှု နည်းတာကြောင့် အဆီကျစေ နိုင်ပါတယ်။

(၂)မလိုင်အပြည့်ကယ်လိုရီမြင့်တဲ့အစားအစာများ၊ မလိုင်ပါတဲ့ နို့နှင့်နို့ထွက်ပစ္စည်း ရှောင်သင့်တယ်။ ရေခဲမုန့်တစ်ဇွန်းဟာ ကယ်လိုရီမြင့်တဲ့၊ မလိုင်ပါတဲ့အစားအစာပဲ ဖြစ်တယ်။ ရေခဲမုန့်အစား ဆလတ်ရွက်နဲ့မလိုင်ထုတ်ထားတဲ့ ထောပတ် စားပေး သင့်ပါတယ်။

(၃)နံနက်စာစားပြီး ရေများများသောက်ခြင်း။   နံနက်စာ  စားပြီးရင်  အချိုရည် သောက်တတ်ပါတယ်။ အချိုရည်မှာ ပါဝါသကြား၊   ဓာတုဗေဒဆိုးဆေး၊ ဆိုဒါ၊ ဆိုဒီယမ်ဘိုင်ကာဗွန်နိတ် ဖိသိပ်သွင်းထားလို့ အချိုရည်အစား ရိုးရိုးသောက် ရေသန့်သာ သောက်သင့်ပါ တယ်။ အမေရိကန်ပြည်သူတစ်ယောက်ဟာ နေ့စဉ်အချိုရည်သောက်တာကနေ ၂၄၅ ကယ်လိုရီပိုနေတာကြောင့် အစိုးရက အချိုရည်၊ အချိုဘူးတွေ ဈေးကွက်ထဲကနေဖယ်ထုတ်နေပြီး ကျောင်းတွေမှာလည်း ဖယ်ရှားနေပြီဖြစ်တယ်။ အချိုရည်ကြောင့် တစ်နှစ်မှာ အနည်းဆုံးကယ်လိုရီ ၉၀၀၀၀ ပိုနေပြီး ၂၅ ပေါင်အလေးချိန် တက်လာနေတယ်။ အလေးချိန်လျှော့စေချင်ရင် အချိုရည်လုံးဝ မသောက်ဘဲ ရေသန့်သောက်သင့်တယ်။

(၄)တစ်ပတ်အတွင်းသွားရမယ့် ခရီးစဉ် ကြိုရေးဆွဲခြင်း။ အစာမှန်သမျှ နှုတ်ခမ်းက အဆက်မပြတ်စားတာမျိုးရှောင်ကာ တစ်ပတ် တစ်ခါ ခရီးထွက်ဖို့ ခရီးစဉ်ကြိုပြီး ရေးဆွဲထားသင့်ပါတယ်။ ခရီးတစ်ခုသွားတိုင်း နေ့စဉ်စားနေကျအစာထက် လိုအပ်တဲ့ ကယ်လိုရီထက် ၁၅ ရာခိုင်နှုန်းလျှော့ စားသင့်ပါတယ်။

(၅) Speedometer တစ်ခုဝယ်ပြီး ခါးမှာချိတ်ကာ နေ့စဉ်ကိုက် ၁၀၀၀ လမ်း လျှောက်ပါ။ စပီဒိုမီတာက ဘယ်လောက် အကွာအဝေး ရောက်ကြောင်း အချက်ပေး လိမ့်မယ်။  အလေးချိန်ပုံမှန်ရှိစေချင်သူများ နေ့စဉ်ကိုက် ၂၀၀၀-၃၀၀၀ လျှောက်ဖို့ (သို့) နာရီဝက်မှ တစ်နာရီလမ်းလျှောက်ဖို့လိုပါတယ်။

(၆)စားနေကျအစာဟာ  လိုအပ်တဲ့ ကယ်လိုရီထက် ၁၀ ရာခိုင်နှုန်းပိုများနေ တယ်ထင်ခြင်း။ အစာပုံစံမှာ လိုအပ်တာထက် ကယ်လိုရီ ၁၀ ရာခိုင်နှုန်း ပိုစားနေတယ်ထင်မြင်ခြင်းဟာ နေ့စဉ် ၁၇၀ ကယ်လိုရီလျှော့စားမိစေပြီး အလေးချိန်လျှော့ချပစ်နိုင်ပါတယ်။ ညနေစာ မစားဘဲနေတာထက် ဟင်းသီးဟင်းရွက်သုပ်တစ်ခွက်၊ စွပ်ပြုတ်တစ်ခွက် ထမင်း ၁၂ ဇွန်းစားပေးခြင်းက အစာအိမ်ကို သက်သာစေနိုင်ပါတယ်။

(၇)လမ်းလျှောက်ခြင်း။ “ဒျုတက္ကသိုလ်”တွေ့ရှိချက်မှာ  နေ့စဉ်  ၃၀-၄၅  မိနစ်လမ်းလျှောက်ရင် အလေးချိန်လျော့လာကာ အဝလွန်ခြင်း ကာကွယ်ပေးတယ်ဆိုတယ်။အားကစားလုပ်ရင် အဆီလျော့တယ်။ နေ့စဉ် ၃၀၀ ကယ်လိုရီကုန်ခန်းအောင် ၃ မိုင် လောက်  နေ့စဉ်လမ်းလျှောက်ပေးသင့်တယ်လို့ ညွှန်ထားတယ်။

(၈)နေ့စဉ်အစာသုံးနပ်အစား အကြိမ်များများစားခြင်း။ အစာကြီး သုံးနပ်အစားအကြိမ်များများစားခြင်းဟာ အစာပါဝင်မှုနည်းပြီး     ကယ်လိုရီလျော့ကျစေကာ အလေးချိန်ပုံမှန်ဖြစ်စေပါတယ်။ ရေပို သောက်သင့်တယ်။

(၉)လူမှုကွန်ရက်မှ ခန္ဓာကိုယ်အလေးချိန်လျှော့လိုသူများအဖွဲ့နဲ့ ဆက်သွယ်သင့်တယ်။ ခန္ဓာကိုယ်အလေးချိန်ချလို သူများရဲ့ အကြံ ဉာဏ်ရနိုင်တယ်။

(၁၀) ကော်လံပြာအလုပ်သမားလို ကျင့်သင့်တယ်။ ကော်လံပြာအလုပ်သမားဟာ အမြဲတမ်း လမ်းလျှောက်နေရပါတယ်။ သူတို့လို တစ်ပတ်မှာ ၂-၃ ရက်လောက် လုပ်နိုင်ရင် ခန္ဓာကိုယ်အလေးချိန်ကျစေပါတယ်။       

Ref: Internet

ဒေါက်တာလွင်သန့်