နေပြည်တော် စက်တင်ဘာ ၂၉
ကျောင်းဖွင့်ချိန်တွင် ကျောင်းသား၊ ကျောင်းသူများ ကျန်းမာပျော်ရွှင်စွာပညာ သင်ကြားနိုင်ရေးနှင့် ပတ်ဝန်းကျင်သန့်ရှင်း သာယာလှပရေးအတွက် ယနေ့တွင် ပဲခူးတိုင်းဒေသကြီး၊ ပဲခူးမြို့နယ်၊ ဘောနတ်ကြီးကျေးရွာ၊ အခြေခံပညာ အထက်တန်းကျောင်း၊ကျောက်ကြီးမြို့နယ်၊ ညောင်တန်းကျေးရွာ၊ အခြေခံပညာမူလတန်းလွန်ကျောင်း၊ လိန်ပင်ကျေးရွာ၊ အလင်းရောင်ဘုန်းတော်ကြီး ကျောင်းနှင့် တောပုကျေးရွာဘုန်းတော်ကြီး ကျောင်းတို့၌ တောင်ပိုင်းတိုင်းစစ်ဌာနချုပ်၊ တပ်နယ်အသီးသီးမှ နယ်မြေခံတပ်မတော်သားများက ကျောင်းဝင်းများအတွင်း/အပြင်ရှိ ချုံနွယ်ပေါင်းမြက်များ ခုတ်ထွင်ရှင်းလင်းခြင်း၊ အမှိုက်များရှင်းလင်းခြင်း၊ စာသင်ခုံနှင့်ပရိဘောဂများ နေရာချထားပေးခြင်း စသည့်သန့်ရှင်းရေး လုပ်ငန်းများ ဆောင်ရွက်ပေးခဲ့ကြောင်း သတင်းရရှိသည်။