ဘဝနတ်ထံပျံလွန်တော်မူခဲ့သည့် လွိုင်လင်မြို့၊ ရတနာစည်ကျောင်းတိုက် ဦးစီးပဓာန နာယက ဆရာတော်၏ ရုပ်ကလာပ်တော်အား သွားရောက်ဖူးမြော်၊ အန္တိမအဂ္ဂိဈာပန အတွက် အလှူငွေများ ဆက်ကပ်လှူဒါန်း
နေပြည်တော်၊ ဧပြီ - ၁၁
၂၀၂၂ ခုနှစ်၊ ဧပြီလ ၁၀ ရက်တွင် ဘဝနတ်ထံပျံလွန်တော်မူခဲ့သည့် သက်တော်(၇၇)နှစ်၊ ဝါတော်(၅၇)ဝါရှိ ရှမ်းပြည်နယ်(တောင်ပိုင်း)၊ လွိုင်လင်မြို့၊ ရတနာ စည်ကျောင်းတိုက်ဦးစီးပဓာန နာယကဆရာတော် နိုင်ငံတော်ဗဟိုသံဃာ့ဝန်ဆောင် အဂ္ဂမဟာသဒ္ဓမ္မဇောတိကဓဇ ဘဒ္ဒန္တသီလာနန္ဒ ၏ ရုပ်ကလာပ်တော်အား ယနေ့ နံနက်ပိုင်းတွင် အရှေ့အလယ်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် လှမိုးနှင့် တာဝန်ရှိသူများက အဆိုပါကျောင်းတိုက် ၌ သွားရောက်ဖူးမြော်ကြည်ညိုသည်။
ထို့နောက် တိုင်းမှူးနှင့်အဖွဲ့ဝင်များသည် လွိုင်လင်မြို့၊ ဓာတ်တော်ကျောင်းတိုက် ဆရာတော် အဂ္ဂမဟာပဏ္ဍိတ ဘဒ္ဒန္တဒေါက်တာ ပညာနန္ဒထံ အန္တိမအဂ္ဂိဈာပန အခမ်းအနားအတွက် အစီအစဉ်များကို လျှောက်ထား၍ အလှူငွေများ ဆက်ကပ် လှူဒါန်းခဲ့ကြောင်း သတင်းရရှိသည်။