ဟင်္သာတမြို့တွင် အကြမ်းဖက်အဖွဲ့များအား ထောက်ပံ့သည်ဟုအကြောင်းပြ၍ မြိုခံ ၁၅ ဦး ကို ဖမ်းဆီးထားကြောင်း သတင်းတု သတင်းမှားများ ဖြန့်ဝေလျက်ရှိ

 

ဟင်္သာတမြို့တွင် အကြမ်းဖက်အဖွဲ့များအား ထောက်ပံ့သည်ဟုအကြောင်းပြ၍ မြိုခံ ၁၅ ဦး ကို ဖမ်းဆီးထားကြောင်း သတင်းတု သတင်းမှားများ ဖြန့်ဝေလျက်ရှိ

နေပြည်တော်၊ ဒီဇင်ဘာ ၂၉ ရက်

ဧရာဝတီတိုင်းဒေသကြီး၊ ဟင်္သာတမြို့တွင် အကြမ်းဖက်အဖွဲ့များအား ထောက်ပံ့သည်ဟု အကြောင်းပြချက်ဖြင့် မြို့ခံပြည်သူ ၁၅ ဦးအား ဖမ်းဆီးထားကြောင်း မဟုတ် မမှန်သတင်းများကို အကြမ်းဖက်အားပေးမီဒီယာတစ်ခုဖြစ်သည့် Ayeyarwaddy Times မှ လူမှုကွန်ရက်စာမျက်နှာတွင် ရေးသားဖြန့်ဝေလျက်ရှိသည်ကိုတွေ့ရှိရသည်။

အဆိုပါသတင်းနှင့်ပတ်သက်၍ မြို့နယ်အုပ်ချုပ်ရေးဆိုင်ရာ တာဝန်ရှိသူတစ်ဦး၏ ပြောကြားချက်အရ ဟင်္သာတမြို့အတွင်း ဒေသခံပြည်သူများ အေးချမ်းစွာနေထိုင်နိုင်ရေး အတွက် လိုအပ်သောလုံခြုံရေးဆိုင်ရာ စစ်ဆေးခြင်းလုပ်ငန်းများကို ပုံမှန်ဆောင်ရွက်လျက် ရှိရာ အကြမ်းဖက်အဖွဲ့ဝင်များနှင့် အကြမ်းဖက်အားပေး ထောက်ပံ့ကူညီသူများကိုသာ ဥပဒေနှင့်အညီ ဖော်ထုတ်အရေးယူခြင်းများ ဆောင်ရွက်လျက်ရှိပြီး အပြစ်မဲ့ဒေသခံ ပြည်သူ ၁၅ ဦးကို ဖမ်းဆီးထားသည်ဆိုသည့်သတင်းမှာ မှန်ကန်မှုမရှိကြောင်းနှင့် လုပ်ကြံရေးသား သည့်သတင်းအမှားသာဖြစ်ကြောင်း  သိရှိရသည်။

အကြမ်းဖက်အားပေးသည့် တရားမဝင်ပြည်ဖျက်မီဒီယာများအနေဖြင့် မြေပြင်တွင် ဖြစ်ပေါ်လျက်ရှိသည့် သတင်းအကြောင်းအရာများကို  အခြေခံ၍ သတင်းတု၊ သတင်း မှားများကို ပြည်သူများ စိုးရိမ်ထိတ်လန့်စေရန်နှင့် တည်ငြိမ်အေးချမ်းမှုပျက်ပြားစေရန် ရည်ရွယ်၍ အကြမ်းဖက်လုပ်ရပ်များကို အားပေးသည့် သတင်းများဖန်တီးကာ လှုမှုကွန်ရက် စာမျက်နှာများတွင် ရေးသားဖြန့်ဝေနေခြင်းသာဖြစ်ကြောင်း သတင်းရရှိသည်။