ဗန်းမော်နှင့် ဒဂုံမြို့သစ်(မြောက်ပိုင်း)မြို့နယ်တို့တွင် မူးယစ်ဆေးဝါးများဖမ်းဆီးရမိ
နေပြည်တော် ဇူလိုင် ၁
မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှတပ်ဖွဲ့ဝင်များပါဝင်သော ပူးပေါင်း အဖွဲ့သည် ဇွန်လ ၃၀ ရက် ညနေ ၃ နာရီတွင် ဗန်းမော်မြို့၊ နောင်ခိုရပ်ကွက် သကြားစက်လမ်းကြားတွင် မစန်းစန်းဌေး မောင်းနှင်လာသည့် မော်တော်ဆိုင်ကယ် ကို ရပ်တန့်စစ်ဆေးရှာဖွေရာ စိတ်ကြွ ရူးသွပ်ဆေးပြား ၉၅၀ ကိုလည်းကောင်း၊ ကွင်းဆက် အရ ညနေ ၃ နာရီခွဲတွင် ဗန်းမော်မြို့၊ နောင်ခိုရပ်ကွက်ရှိ နှင်းအောင်၏နေအိမ်ကို ဝင်ရောက်ရှာဖွေရာ စိတ်ကြွရူးသွပ်ဆေးပြား ၅၅၁၀ ကိုလည်းကောင်း၊ ထိုနေ့ မွန်းလွဲ ၁၂ နာရီခွဲတွင် ဒဂုံမြို့သစ်(မြောက်ပိုင်း) မြို့နယ်၊ (၃၅)ရပ်ကွက်၊ သခင်မြလမ်းရှိ ထက်အောင်(ခ)ပါကြီး၏ နေအိမ်ကို ဝင်ရောက် ရှာဖွေရာ စိတ်ကြွရူးသွပ်ဆေးပြား ၁၆၀၀ သိမ်းဆည်းရမိခဲ့သဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေ သောဆေးဝါးများဆိုင်ရာဥပဒေအရ အရေး ယူထားကြောင်း သိရသည်။