ရခိုင်ရှိ လျှပ်စစ်ဓာတ်အားပေးစက်ရုံများကို တပ်မတော်မှ လက်နက်ကြီးဖြင့် ပစ်ခတ်မှုကြောင့် မြို့နယ်တချို့ လျှပ်စစ်မီး ပြတ်တောက်နေ သည်ဟု သတင်းတု၊ သတင်းမှားများ ထုတ်လွှင့် လျက်ရှိ

 

ရခိုင်ရှိ လျှပ်စစ်ဓာတ်အားပေးစက်ရုံများကို တပ်မတော်မှ လက်နက်ကြီးဖြင့် ပစ်ခတ်မှုကြောင့် မြို့နယ်တချို့ လျှပ်စစ်မီး ပြတ်တောက်နေ သည်ဟု သတင်းတု၊ သတင်းမှားများ ထုတ်လွှင့် လျက်ရှိ

 

နေပြည်တော်၊ ဇန်နဝါရီ ၇ ရက်

    ရခိုင်ပြည်နယ် မြို့နယ်အချို့ရှိ လျှပ်စစ်ဓာတ်အားပေးစက်ရုံများကို တပ်မှ လက်နက်ကြီးဖြင့် ပစ်ခတ်ခြင်းများကြောင့် မြောက်ဦး၊ မင်းပြား၊ မြေပုံနှင့် ရမ်းဗြဲ စသည့်မြို့နယ်များတွင် လျှပ်စစ်မီးပြတ်တောက်လျှက်ရှိနေသည်ဟု သတင်းတု၊ သတင်းမှားများကို လူမှုကွန်ရက် စာမျက်နှာတွင် ရေးသားဖြန့်ဝေလျက်ရှိသည်ကို တွေ့ရှိရသည်။

    အဆိုပါသတင်းနှင့်ပတ်သက်၍ ရခိုင်ပြည်နယ်အတွင်းရှိ လျှပ်စစ်ဓာတ်အားပေး စက်ရုံများကို တပ်မတော်မှ လက်နက်ကြီးဖြင့် ပစ်ခတ်တိုက်ခိုက်မှုမရှိကြောင်း၊  AA သောင်းကျန်း သူအဖွဲ့မှ တပ်မတော်၏ တပ်၊ စခန်း ရှိရာနေရာများသို့ အဝေးမှ လက်နက်ကြီးများဖြင့် ပစ်ခတ်တိုက်ခိုက်ခြင်း၊ Drone များအသုံးပြု တိုက်ခိုက်ခြင်းများကြောင့် လျှပ်စစ် ဓာတ်အားပေးစက်ရုံများပေါ်သို့ လက်နက်ကြီးများ ကျရောက်ပေါက်ကွဲကာ လျှပ်စစ်ဓာတ်အား ပြတ်တောက်မှုများရှိကြောင်း သိရှိရပါသည်။

    သို့ဖြစ်ပါ၍ အကြမ်းဖက်အားပေး ပြည်ဖျက်မီဒီယာများမှ ကောလာဟလ သတင်းများကို နေ့စဉ်ထုတ်လွှင့်လျက်ရှိပြီး တပ်မတော်အပေါ် ပြည်သူများ အထင်အမြင်လွဲမှား စေရန်အတွက် သတင်းမှားများ ဖန်တီးရေးသား ဖြန့်ဝေနေခြင်း သာဖြစ်ကြောင်း သတင်းရရှိသည်။