စစ်ကိုင်း၊ ရေတာရှည်နှင့်နောင်ချိုမြို့နယ်တို့တွင် မူးယစ်ဆေးဝါးများ ဖမ်းဆီးရမိ
နေပြည်တော် ဇွန် ၂၁
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဇွန်လ ၁၉ ရက် ညနေ
၅ နာရီတွင် စစ်ကိုင်းမြို့၊ တကောင်းရပ်ကွက်၊ ရတနာပုံတံတားအနီးတွင် မိုးသူရမောင်းနှင်ပြီး ပြည့်စုံအောင်နှင့် ဇင်မင်းထွန်းတို့ လိုက်ပါလာသည့် EXPRESS ခရီးသည်တင်မော်တော်ယာဉ်ကို ရပ်တန့် စစ်ဆေးရှာဖွေရာ ဘိန်းစိမ်း ၂၈ ကီလိုကိုလည်းကောင်း၊ ထိုနေ့ ည ၉ နာရီခွဲတွင် ရေတာရှည်မြို့နယ်၊ ရေနီမြို့၊ အမှတ်(၁) ရပ်ကွက်အနီးတွင် ကျော်မြင့်မောင်းနှင်ပြီး ခန့်စည်သူကျော်(ခ)စည်သူနှင့် မမို့မို့မြတ် တို့လိုက်ပါလာသည့် TOYOT A MARK II အမျိုးအစားမော်တော်ယာဉ်ကို ရပ်တန့်စစ်ဆေးရှာဖွေရာ စိတ်ကြွရူးသွပ်ဆေးပြား ၄၅၆၀၀၀ ကိုလည်းကောင်း၊ ယင်းနေ့ ညနေ ၄ နာရီ ၄၅ မိနစ်တွင် နောင်ချိုမြို့၊ ပါဟတ်ရပ်ကွက်၊ အိုရီယမ်တယ်တိုးဂိတ် အနီးတွင် TOYOTA WISH အမျိုးအစား ခရီးသည်တင်မော်တော်ယာဉ်ကို ရပ်တန့်စစ်ဆေးရှာဖွေရာ စိတ်ပြောင်း ဆေးဝါးများ ဖြစ်သည့် Happy Water သုည ဒသမ ၉၆ ကီလို၊ အက်တက်စီဆေးပြား ၄၅၀ သိမ်းဆည်းရမိခဲ့သဖြင့် ၎င်းတို့အား မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သိရသည်။