မာရဝိဇယဗုဒ္ဓရုပ်ပွားတော်မြတ်ကြီးအား သာသနာရေးနှင့် ယဉ်ကျေးမှုဝန်ကြီးဌာနမှ လှူဒါန်းသော Kiosk တစ်လုံး၊ ကြေးမောင်းတစ်လုံးနှင့် သံမောင်းတစ်လုံး ပေးအပ်လှူဒါန်းပွဲ အခမ်းအနားသို့ ပြည်ထောင်စုဝန်ကြီး ဦးတင်ဦးလွင် တက်ရောက်

မာရဝိဇယဗုဒ္ဓရုပ်ပွားတော်မြတ်ကြီးအား သာသနာရေးနှင့် ယဉ်ကျေးမှုဝန်ကြီးဌာနမှ လှူဒါန်းသော Kiosk တစ်လုံး၊ ကြေးမောင်းတစ်လုံးနှင့် သံမောင်းတစ်လုံး ပေးအပ်လှူဒါန်းပွဲ အခမ်းအနားသို့ ပြည်ထောင်စုဝန်ကြီး ဦးတင်ဦးလွင် တက်ရောက်

 နေပြည်တော်   ဇူလိုင်  ၉

    သာသနာရေးနှင့် ယဉ်ကျေးမှုဝန်ကြီးဌာနက ၄၃ လက်မ Kiosk တစ်လုံး၊ ၁၈ လက်မသံမောင်းတစ်လုံးနှင့် ၁ ဒသမ ၅ ပိဿာ ကြေးမောင်းတစ်လုံးတို့အား မာရ၀ိဇယဗုဒ္ဓရုပ်ပွားတော်မြတ်ကြီး ဂေါပကအဖွဲ့ထံ ပေးအပ်လှူဒါန်းပွဲ အခမ်းအနားကို ယနေ့နံနက် ၉  နာရီတွင် နေပြည်တော် ဒက္ခိဏသီရိမြို့နယ်ရှိ     မာရဝိဇယဗုဒ္ဓဥယျာဉ်တော် ရှင်းလင်းဆောင်၌ ကျင်းပသည်။

အခမ်းအနားသို့  သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးတင်ဦးလွင်၊ ဒုတိယဝန်ကြီး ဦးအေးထွန်း၊ ဒုတိယဝန်ကြီး  ဒေါ်နုမြဇံ၊   အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ကြသည်။

ဦးစွာ ပြည်ထောင်စုဝန်ကြီးက Kiosk တစ်လုံးနှင့် မောင်းနှစ်လုံး လှူဒါန်းရခြင်းနှင့်ပတ်သက်၍  ရှင်းလင်းပြောကြားရာတွင် သာသနာရေးနှင့် ယဉ်ကျေးမှုဝန်ကြီးဌာနက မာရဝိဇယ ဗုဒ္ဓရုပ်ပွားတော်မြတ်ကြီးအား ဘုရားဖူးပြည်သူများ ကြည့်ရှုလေ့လာနိုင်ရန်နှင့်  မာရဝိဇယဗုဒ္ဓ ရုပ်ပွားတော်မြတ်ကြီး အား နိုင်ငံတကာအဆင့်မီ  Digital ခေတ်မီနည်းစနစ်များဖြင့်ပြသနိုင်ခြင်းဖြင့် ပြည်သူလူထုနှင့် ကမ္ဘာလှည့်ခရီးသွားများ ဖူးမြော်ကြည်ညိုနိုင်ရေးအတွက်  ၄၃  လက်မ Kiosk  တစ်လုံးအား လှူဒါန်းရခြင်းဖြစ်ကြောင်း၊ မသိုးသင်္ကန်းရက်လုပ် လှူဒါန်းရာတွင် ရက်ကန်းပြိုင်ပွဲ၌ အသုံးပြုရန်အတွက် ၁၈ လက်မ  သံမောင်းတစ်လုံးနှင့် ၁ ဒသမ ၅ ပိဿာရှိ ကြေးမောင်းတစ်လုံးတို့အား လှူဒါန်းခြင်းဖြစ်ကြောင်း ပြောကြားသည်။