(၇၉)နှစ်မြောက်တပ်မတော်နေ့ကို ကြိုဆိုဂုဏ်ပြုသောအားဖြင့် ထန်းတပင်မြို့နယ်တရားရုံး အဆောက်အဦသစ်ဖွင့်ပွဲပြုလုပ်

 

(၇၉)နှစ်မြောက်တပ်မတော်နေ့ကို ကြိုဆိုဂုဏ်ပြုသောအားဖြင့် ထန်းတပင်မြို့နယ်တရားရုံး အဆောက်အဦသစ်ဖွင့်ပွဲပြုလုပ်

 

နေပြည်တော်၊ ၂၀၂၄ ခုနှစ်၊ မတ် - ၂၀

(၇၉)နှစ်မြောက်တပ်မတော်နေ့ကို ကြိုဆိုဂုဏ်ပြုသောအားဖြင့် ရန်ကုန် တိုင်းဒေသကြီး၊ ထန်းတပင်မြို့နယ်၊ အမှတ်(၂)ရပ်ကွက်၊ ဘုရင့်နောင်လမ်းနှင့် ဗိုလ်ချုပ် လမ်းထောင့်ရှိ တရားရုံး အဆောက်အဦသစ်ဖွင့်ပွဲကို ယနေ့ နံနက်ပိုင်းတွင် အဆိုပါ တရားရုံးအဆောက်အဦသစ်၌ပြုလုပ်ရာ တိုင်းဒေသကြီး ဝန်ကြီးချုပ် ဦးစိုးသိန်း၊ ရန်ကုန်တိုင်းစစ်ဌာနချုပ် တိုင်းမှူး ဗိုလ်ချုပ် ဇော်ဟိန်း၊ တိုင်းဒေသကြီး တရား လွှတ်တော် တရားသူကြီးချုပ်၊ အစိုးရအဖွဲ့ဝင် ဝန်ကြီးများ၊ တာဝန်ရှိသူများနှင့် ဖိတ်ကြားထားသူများတက်ရောက်ကြသည်။

ဦးစွာ တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများက အခမ်းအနားကို ဖဲကြိုးဖြတ်ဖွင့်လှစ်ပေးပြီး မြို့နယ် တရားရုံးအဆောက်အဦသစ် ဆိုင်းဘုတ်ကို စက်ခလုပ်နှိပ်ဖွင့်လှစ်ပေးကာ ကမ္ပည်းမော်ကွန်းအား အမွှေးနံ့သာ ရည်များ ပက်ဖျန်းကြသည်။ ထို့နောက် အဆိုပါရုံး အစည်းအဝေးခန်းမ၌ တာဝန် ရှိသူများက အဆောက်အဦသစ်နှင့် ပတ်သက်၍ ရှင်းလင်းတင်ပြကြပြီး  စာရွက် စာတမ်းများကို လွှဲပြောင်းပေးအပ်ရာ မြို့နယ်တရားရုံးတရားသူကြီးက ကျေးဇူးတင် စကားပြန်လည်ပြောကြားသည်။ ယင်းနောက် တိုင်းဒေသကြီးဝန်ကြီးချုပ် တိုင်းမှူးနှင့် တာဝန်ရှိသူများက တရားရုံးသစ်အတွင်း လှည့်လည်ကြည့်ရှု စစ်ဆေးခဲ့ကြောင်း သတင်းရရှိသည်။