ပြည်မြို့နှင့် ရွှေတောင်မြို့တို့ရှိ ကျေးရွာများမှ လေဘေးသင့်ပြည်သူများအတွက် ထောက်ပံ့ငွေနှင့် အိမ်ဆောက်ပစ္စည်းများ ပေးအပ်

ပြည်မြို့နှင့် ရွှေတောင်မြို့တို့ရှိ ကျေးရွာများမှ လေဘေးသင့်ပြည်သူများအတွက် ထောက်ပံ့ငွေနှင့် အိမ်ဆောက်ပစ္စည်းများ ပေးအပ်

နေပြည်တော်၊ ၂၀၂၄ မေ ၁၁

ပဲခူးတိုင်းဒေသကြီး၊ ပြည်မြို့နှင့် ရွှေတောင်မြို့တို့၌ မေလ ၉ ရက် ညနေ ၅ နာရီခွဲ ခန့်တွင် လေပြင်းတိုက်ခတ်မှုဖြစ်ပွားခဲ့ပြီး ပြည်မြို့နယ်အတွင်းရှိ ကျေးရွာအုပ်စု ၄ စုမှ လူနေအိမ် ၁၄ လုံး၊ ဘုန်းတော်ကြီး ၁ ကျောင်းတို့၌ အမိုးအကာလန်ခြင်းများ ဖြစ်ပွားခဲ့ပြီး  ရွှေတောင်မြို့နယ်အတွင်းရှိ ကျေးရွာ အုပ်စု ၂၃ စုမှ လူနေအိမ် ၄၁ လုံး ပြိုကျပျက်စီးကာ လူနေအိမ် ၂၁၀ လုံးနှင့် ဘုန်းတော်ကြီးကျောင်း ၅ ကျောင်းတို့၌ အမိုးအကာလန် ပျက်စီး ခြင်းဖြစ်ပေါ်ခဲ့သည်။

အဆိုပါ လေပြင်းတိုက်ခတ်မှုကြောင့် ပျက်စီးမှုများဖြစ်ပေါ်ခဲ့သည့်နေရာများသို့ တောင်ပိုင်းတိုင်းစစ်ဌာနချုပ်မှ နယ်မြေခံတပ်မတော်သားများက မြန်မာနိုင်ငံရဲတပ်ဖွဲ့ဝင်များ၊ ဌာနဆိုင်ရာ ဝန်ထမ်းများ ၊ ဒေသခံပြည်သူများနှင့် ပူးပေါင်း၍ ပြန်လည်ပြုပြင်ပေး ခြင်းလုပ်ငန်းများ ဆောင်ရွက်ပေးသည်။      

ထိုသို့ဆောင်ရွက်ပေးနေမှုများကို တိုင်းစစ်ဌာနချုပ်မှ တာဝန်ရှိသူများက  သွားရောက်ကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးကာ လေဘေးသင့်အိမ်ထောင်စုများအတွက် ထောက်ပံ့ငွေ ၁၄၂ သိန်းကျော်နှင့် ကယ်ဆယ်ရေး ပစ္စည်း ၁၇ မျိုး ပါပုံ ၄၁ ပုံးနှင့် အိမ်ဆောက်ပစ္စည်းများ ထောက်ပံ့ပေးအပ်ခဲ့ကြောင်း သတင်းရရှိသည်။