ဟစ်ဇဘိုလာပြောက်ကျားအဖွဲ့က အစ္စရေးမြောက်ပိုင်းသို့ ဒုံးကျည်များဖြင့်တိုက်ခိုက်
လက်ဘနွန်နိုင်ငံအရှေ့ပိုင်းသို့ အစ္စရေး ကတိုက်ခိုက်မှုကို လက်တုံ့ပြန်သည့်အနေဖြင့် ဟစ်ဇဘိုလာ ပြောက်ကျားအဖွဲ့က မေလ ၁၆ ရက်တွင် အစ္စရေးနိုင်ငံမြောက်ပိုင်းသို့ ဒုံးကျည်များဖြင့် တိုက်ခိုက်ခဲ့ကြောင်း လက်ဘနွန် သတင်းအရင်းအမြစ်များက ပြောသည်။
အစ္စရေးစစ်ဘက်သည် ဂိုလန်ကုန်းမြင့်ဒေသနှင့် ဂါလိလဲရှိ ဇာရစ်ဒေသသို့ မေလ ၁၅ ရက် ညပိုင်းက လေကြောင်းမှတိုက်ခိုက်ခဲ့ခြင်း ဖြစ်သည်။
ဟစ်ဇဘိုလာပြောက်ကျားအဖွဲ့က ပစ်ခတ်လိုက်သည့် ဒုံးကျည်အများအပြားကို အစ္စရေးလေကြောင်းရန်တပ်ဖွဲ့က အောင်မြင်စွာကြားဖြတ်တားဆီးနိုင်ခဲ့ကြောင်း၊ ယင်းတိုက်ခိုက်မှုအတွင်း ထိခိုက်ဒဏ်ရာ ရရှိမှုမရှိခဲ့ကြောင်း အစ္စရေးစစ်ဘက်က ထုတ်ပြန်သည့် ကြေညာချက်တွင်ဖော်ပြသည်။ ယင်းနောက်တွင် အစ္စရေးတပ်များက လက်ဘနွန်တောင်ပိုင်းသို့ ထပ်မံတိုက်ခိုက်ခဲ့ကြောင်း သိရသည်။
လက်ဘနွန်နှင့် အစ္စရေးတို့ကြား တင်းမာမှုများသည် ၂၀၂၃ ခုနှစ် အောက်တိုဘာလ ၈ ရက်မှစ၍ မြင့်တက်လာခြင်းဖြစ်ပြီး နှစ်ဖက်အကြား အပြန်အလှန်တိုက်ခိုက်မှုများ လုပ်ဆောင်လျက်ရှိကြောင်း သိရသည်။
Ref:Xinhua