ပို့ကုန်တိုးမြှင့်ရေးလုပ်ငန်းများ ဆောင်ရွက်လျက်ရှိ

ပို့ကုန်တိုးမြှင့်ရေးလုပ်ငန်းများ ဆောင်ရွက်လျက်ရှိ

နေပြည်တော်  မေ  ၈

နိုင်ငံတော်အနေဖြင့် နိုင်ငံ့စီးပွားရေး ဖွံ့ဖြိုးတိုးတက်စေရန်အတွက် ပို့ကုန်မြှင့်တင်ရေးလုပ်ငန်းများကို အလေးပေး ဆောင်ရွက်လျက်ရှိရာ အစိုးရ-ပုဂ္ဂလိက ပူးပေါင်းဆောင်ရွက်မှုအနေဖြင့် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနနှင့် ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှု လက်မှုလုပ်ငန်းရှင်များ အသင်းချုပ်(UMFCCI)တို့ ပူးပေါင်းစီစဉ်၍ ပို့ကုန်တိုးမြှင့်ရေးလုပ်ငန်းများ ဆောင်ရွက်လျက်ရှိရာ ယနေ့တွင် Wilamar (Wilamar International port Terminal) ဆိပ်ကမ်းမှ ပြောင်းဖူးစေ့တန်ချိန် ၆၀၀၀၊ Yangon International Gateway Terminal (YIGT) ဆိပ်ကမ်းမှ  ပဲတန်ချိန် ၉၄၀၀ တင်ပို့ခဲ့သည်။

ထို့ပြင် အေးရှားဝေါဆိပ်ကမ်း (AW-PT-3) မှ ကုန်သေတ္တာသင်္ဘောတစ်စင်း ရေထွက်ကုန်၊ ဆန်၊ ပဲ၊ ချုပ်ပြီး အထည်၊ သစ်တောထွက်၊ သကြား၊ နှမ်း၊ အထွေထွေကုန်ပစ္စည်းများ၊ ပြောင်း၊ ရော်ဘာတို့ တင်ဆောင် ထွက်ခွာသွားသည်။ အလားတူ မြန်မာ့စက်မှု ဆိပ်ကမ်း(MIP-4)၊ အေးရှားဝေါဆိပ်ကမ်း(AWPT-3)မှ သင်္ဘောသုံးစင်းပေါ်သို့ ပို့ကုန်ရေထွက်ပစ္စည်း၊ ဆန်၊ ပဲများ တင်ဆောင်လျက်ရှိသည်။ 

ဆက်လက်၍ မေလ ၁၀ ရက်တွင် ဆူးလေဆိပ်ကမ်း (SPW) မှ ပြောင်းဖူးစေ့တန်ချိန် ၇၁၉၀၀ နှင့် ဆန်တန်ချိန် ၆၀၀၀၊ သီလဝါ အပြည်ပြည်ဆိုင်ရာဆိပ်ကမ်း (MITT-5) မှ ပြောင်းဖူးစေ့တန်ချိန် ၂၇၅၀၀၊ မြန်မာ့စက်မှုဆိပ်ကမ်း(MIP-2)မှ ပြောင်းဖူးစေ့တန်ချိန် ၂၇၅၀၀၊ အလုံအပြည်ပြည်ဆိုင်ရာ ဆိပ်ကမ်း (AIPT)မှ ပြောင်းဖူးစေ့ တန်ချိန် ၅၅၆၀၀ ၊ ယခင်ဗိုလ်အောင်ကျော်ဆိပ်ကမ်း (The Myanmar Terminal- TMT)မှ ပြောင်းဖူးစေ့တန်ချိန် ၂၉၅၀၀၊ မင်းထက်မင်းဆိပ်ကမ်း(MHM)မှ ပြောင်းဖူးစေ့ တန်ချိန်  ၅၄၀၀၊  Wilamar  (Wilamar Inter-national port Terminal) ဆိပ်ကမ်းမှ ဆန်တန်ချိန် ၄၈၅၀၊ ရွှေမဲဆိပ်ကမ်း (SMJ)ဆိပ်ကမ်းမှ ပြောင်းဖူးစေ့တန်ချိန် ၂၇၀၀ တို့ကို ဆက်လက်တင်ပို့သွားမည်ဖြစ်ကြောင်း သိရသည်။                       

(သတင်းစဉ်)