စာကြည့်တိုက်ဆောက်လုပ်မှုအား ကွင်းဆင်းကြည့်ရှုစစ်ဆေး
ရမည်းသင်း သြဂုတ် ၂၃
မန္တလေးတိုင်းဒေသကြီး ရမည်းသင်းမြို့နယ် အင်တိုင်းကျေးရွာ၌ စာကြည့်တိုက်အဆောက်အအုံသစ် တည်ဆောက်မှု အခြေအနေများကို စာကြည့်တိုက်ဆောက်လုပ်မှု ကြီးကြပ်ရေးကော်မတီမှ တာဝန်ရှိသူ များက ဩဂုတ်လ ၂၃ ရက် မွန်းလွဲပိုင်းတွင် ကွင်းဆင်းကြည့်ရှုစစ်ဆေးသည်။
ထိုသို့ကွင်းဆင်းကြည့်ရှုစစ်ဆေးရာတွင် ရမည်းသင်းမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးမောင်ရွှေ သိန်း၊ အဖွဲ့ဝင်ဦးဝင်းမြင့်၊ မြို့နယ်ပညာရေးမှူး ဦးမျိုးတင့်နှင့် ခရိုင်ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန ဦးစီးအရာရှိ ဒေါ်သန္တာလင်းနှင့် ကျေးရွာအုပ်ချုပ်ရေးမှူးဦးသန်းလွင်တို့က စာကြည့်တိုက်ကို သတ်မှတ်စံချိန် စံညွှန်းများနှင့်အညီ ဆောက်လုပ်ပြီးစီးမှုအခြေအနေများကို ကြည့်ရှုစစ်ဆေး၍ လိုအပ် သည်များမှာကြားသည်။
အဆိုပါစာကြည့်တိုက်ကို မြန်မာနိုင်ငံစာကြည့်တိုက်များ ဖွံ့ဖြိုးတိုးတက်ရေး ပူးပေါင်းဆောင်ရွက်မှု ကော်မတီမှ မတည်ငွေကျပ်သိန်း ၁၅၀ နှင့်ပြည်သူလူထု၏ လုပ်အား၊ ငွေအားများဖြင့် ဇူလိုင်လ ၁၀ ရက် မှ စတင်ဆောက်လုပ်ခဲ့ရာ ၉၀ ရာခိုင်နှုန်းထိ ဆောက်လုပ်ပြီးစီးပြီဖြစ်ကြောင်း သိရသည်။
တင်ဆန်းဦး