ချောင်းဆုံမြို့နယ်ရှိ ယာယီနေရပ်စွန့်ခွာသူများအား ကျေးရွာတည်ငြိမ်အေးချမ်းပြီဖြစ်ကြောင်း အသိပေး
ချောင်းဆုံ မေ ၉
မွန်ပြည်နယ် ချောင်းဆုံမြို့နယ်ရှိ ဘုန်းတော်ကြီးကျောင်းများတွင် ဓမ္မသတ်ကျေးရွာမှ လာရောက် နေထိုင်ကြသည့် ယာယီနေရပ်စွန့်ခွာသူများ၏ ကျေးရွာတည်ငြိမ်အေးချမ်းပြီး နေအိမ်များ အကောင်း အတိုင်းကျန်ရှိနေကြောင်း အသိပေးခြင်းကို ယနေ့နံနက်ပိုင်းတွင် မုဒွန်းကျေးရွာ နတ်ရေတွင်း ဘုန်းတော် ကြီးကျောင်း၊ တောင်စွန်းကျေးရွာ သဒ္ဓမ္မဓဇဘုန်းတော်ကြီးကျောင်း၊ ရွာလွတ်ကျေးရွာ မဟာဝိဟာရ ဘုန်းတော်ကြီးကျောင်းနှင့် ကလော့ကျေးရွာ အောင်သိဒ္နိမွန်ကျောင်းတို့၌ တာဝန်ရှိသူများက ကွင်းဆင်း အသိပေးကြသည်။
အဆိုပါ ယာယီနေရပ်စွန့်ခွာသူများအား အသိပေးခြင်းကို မြို့နယ်စီမံအုပ်ချုပ်ရေး အဖွဲ့(ဥက္ကဋ္ဌ) ဦးဇော်နိုင်ဝင်းနှင့် အဖွဲ့ဝင်များ၊ သက်ဆိုင်ရာဌာနမှ တာဝန်ရှိသူများက သွားရောက်ဆောင်ရွက်ကြပြီး မြို့နယ်စီမံအုပ်ချုပ်ရေးအဖွဲ့(ဥက္ကဋ္ဌ)က ယာယီနေရပ်စွန့်ခွာ လာရောက်နေထိုင်သူများအနေဖြင့် ၎င်းတို့ ၏ ကျေးရွာများ လုံခြုံအေးချမ်းသွားပြီ ဖြစ်ကြောင်း၊ ကျေးရွာများအတွင်း နေအိမ်များ အကောင်းအတိုင်း ကျန်ရှိနေသည့် မိသားစုများအနေဖြင့် စိတ်အေးချမ်းသာစွာ နေထိုင်နိုင်ပြီဖြစ်ကြောင်း၊ မိမိတို့နေရပ်သို့ ပြန်လည် ပြောင်းရွှေ့နေထိုင်ရန်အတွက် လိုအပ်သည့် အကူအညီများဆောင်ရွက်ပေးမည်ဖြစ်ကြောင်း ပြောကြားခဲ့ကြောင်း သိရသည်။
မြို့နယ်(ပြန်/ဆက်)