ချောင်းသာကမ်းခြေသို့ ဇန်နဝါရီလအတွင်း ပြည်တွင်းပြည်ပခရီးသွားဧည့်သည် ၄၄၀၀၀ ကျော် လာရောက်လည်ပတ်
နေပြည်တော် ၂၀၂၄ ဖေဖော်ဝါရီ ၅ ရက်
ဧရာဝတီတိုင်းဒေသကြီး ချောင်းသာမြို့ ရှိ ချောင်းသာကမ်းခြေသို့ ဇန်နဝါရီလ အတွင်း ပြည်တွင်းပြည်ပခရီးသွားဧည့် သည် ၄၄၀၀၀ ကျော် လာရောက်လည် ပတ်ခဲ့ကြောင်း သိရသည်။ ချောင်းသာကမ်းခြေသို့ ခရီးသွားဧည့် သည်ဝင်ရောက်မှုမှာ ကိုဗစ်-၁၉ ရောဂါ ကူးစက်မှုလျော့နည်းလာသည့်နောက်ပိုင်း တစ်လထက်တစ်လ၊ တစ်နှစ်ထက်တစ်နှစ် ပိုမိုများပြားလာခြင်းဖြစ်ပြီး ဇန်နဝါရီလ အတွင်း ခရီးသွားဧည့်သည်ဝင်ရောက်မှုမှာ ပြည်တွင်းခရီးသွားဧည့်သည် ၄၄၃၉၀ ဦး နှင့် နိုင်ငံခြားခရီးသွားဧည့်သည် ၁၉၅ ဦး စုစုပေါင်း ၄၄၅၈၅ ဦးရှိသည်။ ပွင့်လင်းရာသီရောက်လာပြီဆိုတော့ ခရီးသွားဧည့်သည်တွေလည်း အရင်ထက် ပိုလာကြတယ်။ ကျွန်တော်တို့ဆီမှာ ဧည့်သည်ပြတ်တယ်ဆိုတာ မရှိသလောက် ပါပဲ။ သင်္ကြန်ကာလဆိုရင် တစ်မြို့လုံးမှာ ရှိတဲ့ ဟိုတယ်တွေ၊ တည်းခိုခန်းတွေ အပြည့်ဝင်ရောက်မှုရှိပါတယ်။ ဒါပေမဲ့ ဧည့်သည်တွေအတွက် ကျွန်တော်တို့ ကမ်းခြေမှာရှိတဲ့ ဟိုတယ်တွေနဲ့တည်းခိုခန်း တွေ၊ ဒေသထွက်ကုန်အရောင်းဆိုင်တွေ၊ စားသောက်ဆိုင်တွေကို ကြိုတင်ပြင်ဆင် ထားလို့ အားလုံးအဆင်ပြေကြပါတယ် ဟု ဟိုတယ်နှင့်ခရီးသွားညွှန်ကြားမှုဦးစီး ဌာန ချောင်းသာရုံးခွဲမှ တာဝန်ရှိသူတစ်ဦး ကပြောသည်။ ချောင်းသာကမ်းခြေသို့ ပြည်တွင်းပြည်ပ ခရီးသွားဧည့်သည်များ ဝင်ရောက်မှုရှိသော် လည်း ပြည်တွင်းခရီးသွားများ ပိုမိုလာ ရောက်မှုရှိကြောင်း၊ ယင်းကမ်းခြေသည် တစ်မိုင်ခွဲခန့်အရှည်ရှိပြီး မိသားစုအဖွဲ့များ၊ ရုံးအဖွဲ့များ၊ ကုမ္ပဏီများမှ အစုအဖွဲ့များ ဖြင့် လာရောက်လည်ပတ်မှုများကြောင်း သိရသည်။ ချောင်းသာကမ်းခြေသန့်ရှင်းသာယာ ရေးအတွက် ကမ်းခြေတွင် စျေးရောင်းချ သည့်စျေးသည်များအား သတ်မှတ်နေရာ များ၌ စနစ်တကျခင်းကျင်းရောင်းချရန်၊ စွန့်ပစ်အမှိုက်များကို စနစ်တကျစွန့်ပစ်ရန် နှင့် ခရီးသွားဧည့်သည်များ အေးချမ်းပျော် ရွှင်စွာအနားယူအပန်းဖြေနိုင်ရန် ကမ်းခြေ စည်းကမ်းထိန်းသိမ်းရေးအဖွဲ့က ကွင်းဆင်း ကြပ်မတ်ဆောင်ရွက်လျက်ရှိသည်။ ထို့ အတူ စျေးသည်များ၊ ခရီးသွားများ၏စွန့် ပစ်အမှိုက်များကို သိမ်းဆည်းရန် သက် ဆိုင်ရာမှ လစာပေး၍ ခန့်အပ်ထားမှုများ လည်းရှိကြောင်း သိရသည်။