လွိုင်လင်မြို့နယ် ပင်လုံမြို့တွင် ငွေကျပ်သိန်း ၂၆၀၀ ကျော်တန်ဖိုးရှိ မူးယစ်ဆေးဝါးများဖမ်းဆီးရမိ
နေပြည်တော် ဩဂုတ် ၂၇
ဩဂုတ်လ ၂၄ ရက် ညနေ ၃ နာရီ ၁၀ မိနစ်က မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်း အဖွဲ့သည် လွိုင်လင်မြို့နယ် ပင်လုံမြို့ ပန်မုန့်ကျေးရွာအုပ်စု ပေါင်းလိုင်ကျေးရွာအနီး တွင် စိုင်းဝေလင်းအောင် မောင်းနှင်ပြီး စိုင်းလွင်ဖြိုး လိုက်ပါလာသည့် TOYOTA CROWN အမျိုးအစား မော်တော်ယာဉ်ကို ရပ်တန့်စစ်ဆေးရှာဖွေရာ ၎င်းတို့ထံမှ စိတ်ပြောင်းဆေးဝါးများ ဖြစ်သည့် Happy Water ၂ ဒသမ ၃ ကီလို၊ ကက်တမင်း သုည ဒသမ ၈ ကီလိုနှင့် အဆင့်နိမ့်ဘိန်း သုည ဒသမ ၀၀၅ ကီလို သိမ်းဆည်းရမိခဲ့သဖြင့် စိုင်းဝေလင်းအောင် (၃၃)နှစ်နှင့် စိုင်းလွင်ဖြိုး (၁၉) နှစ်တို့အား မူးယစ်ဆေးဝါးနှင့် စိတ်ကို ပြောင်းလဲစေသောဆေးဝါးများ ဆိုင်ရာဥပဒေအရ အရေးယူထားကြောင်း သတင်းရရှိသည်။