၂ဝ၂၄ ခုနှစ် တတိယသုံးလပတ် တရုတ်-မြန်မာမီဒီယာတွေ့ဆုံပွဲကျင်းပ

၂ဝ၂၄ ခုနှစ် တတိယသုံးလပတ် တရုတ်-မြန်မာမီဒီယာတွေ့ဆုံပွဲကျင်းပ

ရန်ကုန်  ဩဂုတ်  ၃၀

၂ဝ၂၄ ခုနှစ် တတိယသုံးလပတ် တရုတ်-မြန်မာမီဒီယာတွေ့ဆုံပွဲကို ယနေ့ညနေ ၃ နာရီတွင် ရန်ကုန်တိုင်းဒေသကြီး အလုံမြို့နယ်ရှိ  ရန်ကုန်တရုတ်ယဉ်ကျေးမှု စင်တာ၌ကျင်းပရာ မြန်မာနိုင်ငံဆိုင်ရာ  တရုတ်နိုင်ငံသံအမတ်ကြီး     Ms. Ma Jia၊ တရုတ်သံရုံးမှ သံအမတ်ကြီးနှင့်တာဝန်ရှိ သူများ၊ မြန်မာနိုင်ငံ သတင်းမီဒီယာကောင်စီ ဥက္ကဋ္ဌ ဦးအုန်းမောင်(မြင်းမူမောင်နိုင်မိုး)နှင့် သတင်းမီဒီယာများမှ တာဝန်ရှိသူများ တက်ရောက်ခဲ့ကြသည်။

ရှေးဦးစွာ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး Ms. Ma Jia က အဖွင့်အမှာစကားပြောကြားရာတွင်  ဆွေမျိုးပေါက်ဖော် ချစ်ကြည်ရေးသံယောဇဉ်ကို လက်ဆင့်ကမ်း၍ တရုတ်-မြန်မာချစ်ကြည်ရင်းနှီးမှုကို    တိုးမြှင့်သွားရန်မျှော်လင့်ကြောင်း၊  တရုတ်ကွန်မြူနစ်ပါတီဗဟိုကော်မတီ၊ နိုင်ငံရေးရာ ဗျူရိုအဖွဲ့ဝင်နှင့် နိုင်ငံခြားရေးဝန်ကြီး  Mr.  Wang Yi  က မြန်မာနိုင်ငံကို  ခရီးစဉ်လာရောက်ပြီး မြန်မာနိုင်ငံ အကြီးအကဲတို့ တွေ့ဆုံဆွေးနွေးခဲ့ကြောင်း၊ နှစ်ဦးနှစ်ဖက်က ချစ်ခင်ရင်းနှီးစွာ နက်နက်ရှိုင်းရှိုင်း ကူးလူးဖလှယ်ခဲ့ကြပြီး   တရုတ်မြန်မာနှစ်ဦးနှစ်ဖက်၏ ကောင်းမွန်စွာနိုင်ငံရေးအရ အပြန်အလှန်ယုံကြည်မှုနှင့်   နက်ရှိုင်းလှသည့် ဆွေမျိုးပေါက်ဖော်ချစ်ကြည်ရေးသံယောဇဉ်ကို    ပေါ်လွင်စေခဲ့ကြောင်း   ပြောကြားသည်။

ယင်းနောက်   မီဒီယာတွေ့ဆုံပွဲကို ဆက်လက်ကျင်းပရာ တက်ရောက်လာကြသည့်  သတင်းမီဒီယာများက  နှစ်နိုင်ငံ ချစ်ကြည်ရေးနှင့်ပတ်သက်ပြီး နည်းပညာများကူညီပေးရေး၊ စိုက်ပျိုးမွေးမြူရေး လုပ်ငန်းများ  တိုးတက်စေရေးအတွက် ပူးပေါင်းဆောင်ရွက်မှုနှင့် လူမှုယဉ်ကျေးမှု၊ လန်ချန်း-မဲခေါင်   ပူးပေါင်းဆောင်ရွက်ရေး ဆိုင်ရာကိစ္စရပ်များကို ဆွေးနွေးခဲ့ကြရာ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီးက ပြန်လည် ဖြေကြားခဲ့ကြောင်း  သိရသည်။              

        သတင်း-လင်းခန့်

ဓာတ်ပုံ-သိန်းဝင်း