ပုဂံရှေးဟောင်းယဉ်ကျေးမှုနယ်မြေ ရေကန်များတူးဖော်နေမှု ဒုတိယဝန်ကြီး ဦးမြင့်စိုး ကြည့်ရှုအားပေး
နေပြည်တော် စက်တင်ဘာ ၇
နိုင်ငံတော်အကြီးအကဲ၏ လမ်းညွှန်ချက်အရ ပုဂံရှေးဟောင်းယဉ်ကျေးမှု နယ်မြေအတွင်းရှိ ရှေးဟောင်း ရေကန် ၉၁ ကန် ပြန်လည်တူးဖော်ရေးတွင် သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာနအနေဖြင့် လည်း ရေကန်နှစ်ကန် ပါဝင်လှူဒါန်းတူးဖော်ပေးလျက်ရှိရာ ဒုတိယဝန်ကြီး ဦးမြင့်စိုးသည် တာဝန် ရှိသူများနှင့်အတူ ယနေ့နံနက်ပိုင်းတွင် တူရွင်းတိုင်ကျေးရွာအနီးရှိ ကန်အမှတ်-၀၅၉ ပအိန်းကန် တူးဖော် နေမှုကို ကြည့်ရှုစစ်ဆေးသည်။
ဆက်လက်၍ ဒုတိယဝန်ကြီးသည် ကျေးလက်လမ်း ဖွံ့ဖြိုးရေးဦးစီးဌာန၏ ၂၀၂၄-၂၀၂၅ ဘဏ္ဍာနှစ် တိုင်းဒေသကြီး ခွင့်ပြုရန်ပုံငွေဖြင့် ဆောင်ရွက်ခဲ့သော ကုန်းတန်းကြီးကျေးရွာအဝင်လမ်း အရှည် ၄ ဖာလုံ ကွန်ကရစ်ခင်းခြင်း လုပ်ငန်းဆောင်ရွက်ပြီးစီးမှုကိုလည်းကောင်း၊ ၂၀၂၄-၂၀၂၅ ဘဏ္ဍာနှစ်အတွင်း ပြည်ထောင်စု ခွင့်ပြုရန်ပုံငွေဖြင့် ဆက်လက်ဆောင်ရွက်ပေးမည့် လမ်းအရှည် ၁ မိုင် ကွန်ကရစ်ခင်းခြင်း လုပ်ငန်းအတွက် အောက်ခံမြေပြုပြင်နေမှုနှင့် ရေကျော်တည်ဆောက်မည့်နေရာများကိုလည်းကောင်း ကြည့်ရှုစစ်ဆေးပြီး လိုအပ်သည်များ ညှိနှိုင်းပေါင်းစပ်ဆောင်ရွက်ပေးသည်။
ထို့နောက် ကုန်းတန်းကြီးကျေးရွာ၌ ကုန်းတန်းကြီး စိုက်ပျိုးထုတ်လုပ်ရေး သမဝါယမအသင်း၊ သန့်စင်ကြယ်စိုက်ပျိုးရေးနှင့် အထွေထွေ စီးပွားရေးသမဝါယမအသင်း၊ ဖျောက်ဆိပ်ကင်စိုက်ပျိုးရေးနှင့် အထွေထွေစီးပွားရေး သမဝါယမအသင်းတို့မှ အသင်းသား၊ အသင်းသူများနှင့် တွေ့ဆုံအမှာစကား ပြောကြားပြီး အသင်းသားတောင်သူများ၏ တင်ပြချက်များအပေါ် ညှိနှိုင်းပေါင်းစပ် ဆောင်ရွက်ပေး သည်။
ယင်းနောက် ပုဂံရှေးဟောင်းယဉ်ကျေးမှု နယ်မြေအတွင်းရှိ ရှေးဟောင်းရေကန်များနှင့် အထင်ကရ နေရာများသို့ သွားလာမှု လွယ်ကူချောမွေ့စေရေးအတွက် နိုင်ငံတော်အကြီးအကဲ၏ လမ်းညွှန်ချက်အရ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာနက ပြုပြင်ဖောက်လုပ်ပေးလျက်ရှိသည့် လမ်းကိုးလမ်း တွင် ပါဝင်သော အရှေ့ဖွားစောကျေးရွာမှ ဇယဝေရီကန်သို့ သွားသည့် လမ်းဂျင်းကျောက်ခင်းထားမှု၊ ပေ ၅၂၄၀ ၌ မြေသားထု ၂ ပေ တင်၍ သိပ်သည်းမှု (Compaction) ရရှိအောင် ဆောင်ရွက်ထားရှိမှု၊ပေ ၁၅၀ ကွန်ကရစ်ရေကျော် စတင်တည်ဆောက်နေမှုတို့ကို ကြည့်ရှုစစ်ဆေးကာ လိုအပ်သည်များ မှာကြားပြီး ဇယဝေရီကန်တွင် မိုးရေစုဆောင်းရရှိမှုနှင့် ကန်ပတ်ဝန်းကျင် သစ်ပင်စိုက်ပျိုးထားရှိမှုတို့ကို ကြည့်ရှု သည်။
ဆက်လက်ပြီး သူဌေးကန်ကျေးရွာ၌ အသေးစားစက်မှုလက်မှုလုပ်ငန်းဦးစီးဌာနက ဖွင့်လှစ် သင်ကြားနေ သည့် အခြေခံစက်ချုပ် သင်တန်းဆင်းပွဲသို့ တက်ရောက်အမှာစကားပြောကြားပြီး သင်တန်းသူများ အတွက် အပ်ချုပ်စက်များ ထောက်ပံ့ပေးအပ်ကာ ၎င်းတို့ချုပ်လုပ်ထားသော သင်တန်းဆင်း လက်ရာများ ကို လည်းကောင်း၊ မင်းနန်သူကျေးရွာ အဝင်လမ်းတွင် အရှည်ပေ ၂၀ ကွန်ကရစ် ရေကျော် တည်ဆောက် နေမှုနှင့် ကတ္တရာခင်းရန်အတွက် ပစ္စည်းစုဆောင်းနေမှုတို့ကိုလည်းကောင်း၊ မင်းနန်သူ ကျေးရွာတွင်း လမ်းများ ဂျင်းကျောက်ခင်းခြင်း လုပ်ငန်းဆောင် ရွက်နေမှုကိုလည်းကောင်း၊ သမဝါယမနှင့် ကျေးလက် ဖွံ့ဖြိုးရေးဝန်ကြီးဌာနက တူးဖော်ပေးခဲ့သော မြေနဲလေးကျေးရွာအနီးရှိ ကန်အမှတ်-၀၆၁ တူးဖော် ပြီးစီးမှုနှင့် ရေစတင်ဝင်ရောက်မှု အခြေအနေကိုလည်းကောင်း ကြည့်ရှုစစ်ဆေးသည်။
မွန်းလွဲပိုင်းတွင် ညောင်ဦးမြို့နယ်သမဝါယမအသင်းစုပိုင် အနော်ရထာဆီစက်နှင့် အာဆီယံကျေးလက် ဒေသ ဖွံ့ဖြိုးရေးနှင့် ဆင်းရဲမှုပပျောက် ရေးအစီအစဉ်အရ ချိတ်ဆက်ထားသော ခေတ်မီစံပြ ကျေးရွာ သုံးရွာအနက် ခရီးသွားကဏ္ဍဖြင့် ချိတ်ဆက်ထားသည့် မြင်းကပါစံပြကျေးရွာ ၌ ကျေးရွာတွင်းလမ်းများ ဂျင်းကျောက်ခင်းနေမှု၊ ရေနုတ်မြောင်းများ အုတ်ရိုးစီနေမှုနှင့် Slab Culvert ၁၀ စင်း တည်ဆောက် နေမှုတို့ကို လှည့်လည်ကြည့်ရှုစစ်ဆေးပြီး လိုအပ်သည်များ ညှိနှိုင်းပေါင်းစပ်ဆောင်ရွက်ပေးသည်။
ထို့နောက် ဒုတိယဝန်ကြီးသည် လောကနန္ဒာ စေတီတော်မြတ်ကြီးကို သွားရောက်ဖူးမြော်ကြည်ညို၍ မဉ္ဇူသကနတ်ပန်းမှ ရေချိုးဆပ်ပြာ၊ လက်ဖက်ခြောက်၊ ယို၊ အလှဆီ၊ ခေါင်းလျှော်ရည် စသည့်တန်ဖိုးမြှင့် ထုတ်ကုန်များ ထုတ်လုပ်ရောင်းချနေသော ဒေသခံဈေးသည်များနှင့် တွေ့ဆုံအားပေး စကားပြောကြား ကာ ပုဂံမြို့သစ်ရှိ ဦးဘငြိမ်း၏ ယွန်းထည်လုပ်ငန်းသို့ သွားရောက်ကြည့်ရှုလေ့လာခဲ့ကြောင်း သတင်း ရရှိသည်။
(၅၀၀)