နေပြည်တော်၊ သြဂုတ် - ၂၁
ကျောင်းဖွင့်ချိန်တွင် ကျောင်းသား၊ ကျောင်းသူများ ကျန်းမာပျော်ရွှင်စွာပညာသင်ကြား နိုင်ရေးနှင့် ပတ်ဝန်းကျင်သန့်ရှင်းသာယာလှပရေးအတွက် ယနေ့တွင် ပဲခူးတိုင်းဒေသကြီး၊ ရေတာရှည်မြို့၊ သာဂရကျေးရွာအုပ်စု၊ ဒေဝသာစည်ကျေးရွာ၊ အခြေခံပညာအလယ်တန်း ကျောင်းခွဲနှင့် ကျောက်ကြီးမြို့နယ်၊ သဲကုန်းကျေးရွာ၊ အခြေခံပညာမူလတန်းကျောင်းတို့၌ တောင်ပိုင်းတိုင်းစစ်ဌာနချုပ်၊ ရေတာရှည်တပ်နယ် နှင့် ကျောက်ကြီးတပ်နယ်တို့မှ တပ်မတော်သားများက ကျောင်းဝင်း အတွင်း၊ အပြင်ရှိ ချုံနွယ်ပေါင်းမြက်များ ခုတ်ထွင်ရှင်းလင်းခြင်း၊ အမှိုက်များရှင်းလင်းခြင်း၊ စာသင်ခုံနှင့် ပရိဘောဂများ နေရာချထားပေးခြင်းစသည့် သန့်ရှင်းရေး လုပ်ငန်းများ အသီးသီးဆောင်ရွက်ပေးခဲ့ကြောင်း သတင်းရရှိသည်။