မိုးလေဝသသတင်း

ဆောင်းရာသီ ကာလအတွင်း ဖြစ်ပေါ်လာနိုင်သည့် လာနီညာအခြေအနေ

နေပြည်တော်  ဒီဇင်ဘာ  ၁

အီကွေတာအနီးရှိ အပူပိုင်းပစိဖိတ်သမုဒ္ဒရာ (Tropical Pacific  Ocean) ၏ ပင်လယ်ရေ မျက်နှာပြင် အပူချိန်နှင့် လေထု ဖြစ်စဉ်များအရ လက်ရှိတွင် အားအသင့််အတင့် ရှိသော လာနီညာ အခြေအနေသို့ ရောက်ရှိနေသည်။ နိုင်ငံတကာ မိုးလေဝသဌာနများ၏ သင်္ချာပုံစံပြု မော်ဒယ်များ ခန့်မှန်းချက်အရ ဆောင်းရာ သီကာလ များဖြစ် သည့် ဒီဇင်ဘာလ၊ ဇန်နဝါရီလနှင့် ဖေဖော်ဝါရီလတို့တွင် အားအသင့်အတင့်မှ  အားကောင်းသော  လာနီညာ အဆင့်သို့ ရောက်ရှိနိုင်သည်ဟု ခန့်မှန်းရသည်။

မုန်တိုင်းငယ်၏ လက်ရှိ အခြေအနေကို အဝါရောင် အဆင့်ဟု သတ်မှတ်

နေပြည်တော်  နိုဝင်ဘာ  ၃ဝ

ယနေ့ညနေ ၅ နာရီခွဲအချိန် တိုင်းထွာချက်များအရ ဘင်္ဂလားပင်လယ်အော် အရှေ့တောင်ပိုင်းတွင်ဖြစ်ပေါ် နေသော မုန်တိုင်းငယ် (Depression) သည် အနောက်- အနောက်မြောက်ဘက်သို့ ရွေ့လျားခဲ့ပြီး သီရိလင်္ကာ နိုင်ငံ  ထရီ ကို မာလီ D(Trincomalee) မြို့၏ အရှေ့- အရှေ့တောင်ဘက် ရေမိုင် ၃၇ဝ မိုင်ခန့်နှင့် အိန္ဒိယ နိုင်ငံ  ကန်ညာ ကူမာရီ (Kanyakumari) မြို့၏  အရှေ့ဘက် ရေမိုင် ၅၈၅ မိုင်ခန့်အကွာ ပင်လယ်ပြင်ကို ဗဟိုပြု နေသည်။

မုန်တိုင်းငယ် (Depression)၏ လက်ရှိအခြေအနေမှာ မြန်မာနိုင်ငံဘက်သို့ ဦးတည် ရွေ့လျားမည့် အခြေ အနေမရှိပါသဖြင့် အဝါရောင်အဆင့်ဟု သတ်မှတ်သည်။

ဆိုင်ကလုန်းမုန်တိုင်း နီဗာ ၏လက်ရှိအခြေအနေကို အဝါရောင်အဆင့်ဟုသတ်မှတ်

နေပြည်တော် နိုဝင်ဘာ ၂၄

ယနေ့ညနေ ၅ နာရီခွဲအချိန် တိုင်းထွာချက်များအရ ဘင်္ဂလားပင်လယ်အော်အနောက်တောင်ပိုင်းတွင် ဖြစ်ပေါ်နေသောဆိုင်ကလုန်းမုန်တိုင်း (Cyclonic Storm) “နီဗာ” (NIVAR)သည် အနောက်ဘက်သို့ ရွေ့လျားခဲ့ပြီး အိန္ဒိယနိုင်ငံ ပူဒူချယ်ရီ (Puducherry) မြို့၏ အရှေ့-အရှေ့တောင်ဘက် ရေမိုင် ၂၀၀  မိုင်ခန့်နှင့် ချင်းနိုင်(Chennai)မြို့၏ တောင်-အရှေ့တောင်ဘက် ရေမိုင် ၂၃၀ မိုင်ခန့်အကွာ ပင်လယ်ပြင်ကို ဗဟိုပြုနေ သည်။

လေဖိအားနည်း ရပ်ဝန်း ဆက်လက် တည်ရှိနေ

နေပြည်တော် အောက်တိုဘာ ၃၁

ယနေ့ည ၆ နာရီခွဲအချိန် တိုင်းထွာချက်များအရ ဘင်္ဂလားပင်လယ်အော်  အရှေ့အလယ်ပိုင်း (မြန်မာ့ ကမ်းလွန်) တွင် ဖြစ်ပေါ်နေသော လေဖိအားနည်း ရပ်ဝန်းသည်  ဆက်လက်တည်ရှိနေသည်။ အဆိုပါလေဖိအားနည်းရပ်ဝန်း သည် နောက် ၄၈ နာရီအတွင်း ဘင်္ဂလား ဒေ့ရှ်ကမ်းခြေသို့  ရွေ့လျားနိုင်သည်ဟု ခန့်မှန်းရသည်။         (မိုး/ဇလ)

ကုန်းတွင်းမုန်တိုင်းငယ်၏ အရှိန်ကြောင့် နေရာကွက်၍ မိုးကြီးခြင်းများ ဖြစ်ပေါ်နိုင်

နေပြည်တော် အောက်တိုဘာ ၂၃
ယနေ့ညနေ ၅ နာရီခွဲအချိန်တိုင်းထွာချက်များအရ အိန္ဒိယနိုင်ငံ၊ အနောက်ဘင်္ဂလားပြည်နယ်နှင့် ယင်းနှင့် ဆက်စပ် လျက်ရှိသော ဘင်္ဂလားဒေ့ရှ်နိုင်ငံ ကမ်းခြေကို ဆာဂါ (Sagar) ကျွန်းနှင့် ခီပူပါရာ (Khepupara) မြို့အကြားမှ ဖြတ်ကျော်ဝင်ရောက်ခဲ့သော မုန်တိုင်းငယ် (Depression) သည် ကုန်းတွင်းမုန်တိုင်းငယ် (Land Depression) အဖြစ် ရောက်ရှိခဲ့ပြီး မြောက်- အရှေ့မြောက်ဘက်သို့ ဆက်လက်ရွေ့လျားကာ နောက် ၂၄ နာရီအတွင်း ဘင်္ဂလားဒေ့ရှ်နိုင်ငံပေါ်တွင် လေဖိအားနည်းရပ်ဝန်း (Low Pressure Area) အဖြစ် အားလျော့ သွားမည်ဟု ခန့်မှန်းရသည်။

လေဖိအားနည်း ရပ်ဝန်း ဆက်လက်တည်ရှိနေ

နေပြည်တော် အောက်တိုဘာ ၃

ယနေ့ည ၆နာရီခွဲအချိန် တိုင်းထွာချက်များအရ  ဘင်္ဂလားပင်လယ်အော် အနောက်မြောက်ပိုင်းနှင့် ယင်းနှင့် ဆက်စပ်လျက်ရှိသော အိန္ဒိယနိုင်ငံ သြရိဿပြည်နယ် ကမ်းခြေတို့တွင် ဖြစ်ပေါ်နေသော လေဖိအားနည်း ရပ်ဝန်း သည် ဆက်လက် တည်ရှိနေကြောင်း မိုးလေဝသနှင့် ဇလဗေဒ ညွှန်ကြားမှု ဦးစီးဌာနက သတင်းထုတ်ပြန် ထားသည်။   

လေဖိအားနည်း ရပ်ဝန်း တစ်ခုဖြစ်ပေါ်နိုင်

နေပြည်တော်  သြဂုတ်  ၁၈

ယနေ့မွန်းလွဲ ၁ နာရီခွဲ အချိန် တိုင်းထွာချက်များ အရ ဘင်္ဂလားပင်လယ်အော် မြောက်ပိုင်းတွင် နောက် ၂၄ နာရီ အတွင်း လေဖိအားနည်း ရပ်ဝန်းတစ်ခု ဖြစ်ပေါ်နိုင်သည်ဟု ခန့်မှန်းရသည်။ 

(မိုး/ဇလ)

လေဖိအားနည်းရပ်ဝန်း တစ်ခုဖြစ်ပေါ်နိုင်

နေပြည်တော်  သြဂုတ်  ၁၆

ယနေ့မွန်းလွဲ ၁ နာရီခွဲအချိန် တိုင်းထွာ ချက်များအရ ဘင်္ဂလားပင်လယ်အော် မြောက်ပိုင်း၌ သြဂုတ် ၁၉ ရက်တွင် လေဖိအားနည်းရပ်ဝန်းတစ်ခုဖြစ်ပေါ်နိုင် သည်ဟု ခန့်မှန်းရသည်။     (မိုး/ဇလ)

လေဖိအားနည်း ရပ်ဝန်း ဆက်လက်တည်ရှိနေ

နေပြည်တော် သြဂုတ် ၉

ယနေ့ည ၆ နာရီခွဲအချိန်တိုင်းထွာ ချက်များအရ  ဘင်္ဂလားပင်လယ်အော် အနောက်မြောက်ပိုင်း (အိန္ဒိယနိုင်ငံ  သြရိဿ ပြည်နယ် မြောက်ပိုင်းကမ်းလွန်- အနောက်ဘင်္ဂလား ပြည်နယ်ကမ်းခြေ) တို့တွင် ဖြစ်ပေါ်နေသော လေဖိအား နည်း ရပ်ဝန်းသည် ဆက်လက်တည်ရှိနေကြောင်း မိုးလေဝသနှင့်ဇလဗေဒညွှန်ကြားမှုဦးစီး ဌာနက သတင်း ထုတ်ပြန်ထားသည်။

မိုးရွာသွန်းမှုကြောင့် ကောလင်းမြို့ ရပ်ကွက်သုံးခုအတွင်း ရေဝင်ရောက်

မိုးရွာသွန်းမှုကြောင့် ကောလင်းမြို့ ရပ်ကွက်သုံးခုအတွင်း ရေဝင်ရောက်