အားကစား

အီဂျစ်အသင်းကို ပယ်နယ်တီ အဆုံးအဖြတ်ဖြင့် အနိုင်ရရှိပြီးနောက် ဆီနီဂေါအသင်း ၂၀၂၂ ကမ္ဘာ့ဖလားပြိုင်ပွဲ ဝင်ခွင့်ရရှိ

၂၀၂၂ ကမ္ဘာ့ဖလားပြိုင်ပွဲ ခြေစစ်ပွဲရှုံးထွက်အဆင့် ပွဲစဉ်အဖြစ်  ဆီနီဂေါအသင်းနှင့်  အီဂျစ်အသင်းတို့ ဒုတိယအကျော့ ယှဉ်ပြိုင်ကစားရာ ဆီနီဂေါအသင်းက  ပယ်နယ်တီ အဆုံးအဖြတ်ဖြင့်   အနိုင်ရရှိပြီးနောက် ကာတာနိုင်ငံ၌ ကျင်းပမည့် ၂၀၂၂ ကမ္ဘာ့ဖလားပြိုင်ပွဲ သို့ ဝင်ခွင့်ရရှိခဲ့ကြောင်း သိရသည်။

ရန်ကုန်  မတ်  ၂၈

သီရိလင်္ကာနိုင်ငံ၌ ပုံနှိပ်စက္ကူပြတ်လပ်မှုကြောင့်  စာသင်ကျောင်း အသီးသီးမှ သန်းပေါင်းများစွာသော  ကျောင်းသားများ စာမေးပွဲဖြေဆိုမှုကို ဖျက်သိမ်းလိုက်ရကြောင်း တာဝန်ရှိသူများက မတ် ၁၉ ရက်တွင် ပြောသည်။

လီဗာပူးအသင်းနည်းပြ  ကလော့ကအသင်းမှ တောင်ပံခံစစ်ကစားသမား အာနိုးအနေဖြင့် တံကောက် ကြောဒဏ်ရာကြောင့် ဧပြီလဆန်းပိုင်းအထိ  အနားယူရဖွယ်ရှိကြောင်း အတည်ပြုပြောကြားသည်။

ယူရိုပါလိဂ်ပြိုင်ပွဲ ကွာတားဖိုင်နယ်အဆင့်အတွက် မဲခွဲမှုအပြီးတွင် ချန်ပီယံဆုအတွက် ရေပန်းစားနေသည့်    ဘာစီလိုနာအသင်းနှင့် ဝက်စ်ဟမ်းအသင်းတို့ ပွဲစဉ်ဇယားအရ ဆီမီးဖိုင်နယ်အဆင့်တွင် ထိပ်တိုက်တွေ့ဆုံ ဖွယ်ရှိနေကြောင်း သိရသည်။

ချယ်လ်ဆီးအသင်း ပရိသတ်များအတွက် လက်မှတ်ရောင်းချခွင့် ရရှိနိုင်ရေး ပိတ်ဆို့အရေးယူမှုဆိုင်ရာ ဌာနခွဲရုံးနှင့် ဒုတိယအကြိမ် ဆွေးနွေးမှုများ ပြုလုပ်ရန်ပြင်ဆင်

လက်ရှိတွင် ကန့်သတ်ထိန်းချုပ်မှုများကြောင့် အခက်ကြုံနေရသည့် ချယ်လ်ဆီး အသင်းသည် လာမည့်ပွဲစဉ်များတွင် အသင်းပရိသတ်များ အတွက် လက်မှတ်ရောင်းချခွင့် ပြန်လည်ရရှိနိုင်ရေး ပိတ်ဆို့ အရေးယူမှုဆိုင်ရာ ဌာနခွဲရုံး(OFSI)နှင့်   ဒုတိယအကြိမ် ဆွေးနွေးမှုများ ပြုလုပ်ရန် ပြင်ဆင်နေကြောင်း သိရသည်။

ပီအက်စ်ဂျီအသင်းက နည်းပြပိုချက်တီနိုနေရာ၌ အစားထိုးမည့် နည်းပြများ စာရင်းတွင် ဇီဒန်းနှင့်အတူ စပါးအသင်းနည်းပြ ကွန်တီနှင့် အာဆင်နယ်အသင်း နည်းပြ အာတီတာတို့လည်း ပါဝင်လာ

ပီအက်စ်ဂျီအသင်းက  ယခုဘောလုံးရာသီ အကုန်တွင် နည်းပြပိုချက်တီနိုနေရာ၌ အစားထိုးရန် ပြင်ဆင်နေပြီး  လက်ရှိလျာထားသည့် နည်းပြများစာရင်းတွင် ရီးယဲလ်မက်ဒရစ်အသင်း နည်းပြဟောင်း ဇီဒန်းနှင့်အတူ လက်ရှိ စပါးအသင်း နည်းပြကွန်တီနှင့် အာဆင်နယ် အသင်းနည်းပြ အာတီတာတို့လည်း ပါဝင်လာကြောင်း သိရသည်။

(၃၁) ကြိမ်မြောက် အရှေ့တောင်အာရှ အားကစားပြိုင်ပွဲအတွက် မြန်မာ့လက်ရွေးစင် ယူ-၂၂ အသင်း စခန်းသွင်း လေ့ကျင့်နေ

ဗီယက်နမ်နိုင်ငံက  အိမ်ရှင်အဖြစ် လက်ခံကျင်းပမည့် (၃၁)  ကြိမ်မြောက် အရှေ့တောင်အာရှ   အားကစားပြိုင်ပွဲ (ဆီးဂိမ်း)  အတွက်  မြန်မာ့လက်ရွေးစင် ယူ-၂၂  အသင်းအနေဖြင့်  စခန်းသွင်း လေ့ကျင့်မှုများကို ရန်ကုန်မြို့၌  ပြုလုပ်လျက်ရှိကြောင်း  သိရသည်။

နိုင်ငံတကာ ဘောလုံးသမိုင်းတစ်လျှောက် ကလပ်အသင်းနှင့် နိုင်ငံအသင်းအတွက် သွင်းဂိုးအများဆုံး ကစားသမားအဖြစ် စီရော်နယ်ဒို စံချိန်သစ်တင်

မန်ယူအသင်းဝါရင့် တိုက်စစ်မှူး   စီရော်နယ်ဒိုသည် မန်ယူအသင်းနှင့် စပါးအသင်းတို့ ကစားသည့် ပရီးမီးယားလိဂ်ပွဲစဉ်တွင်    အသင်းအတွက် ဟက်ထရစ်သွင်းဂိုး သွင်းယူနိုင်ပြီးနောက်    ကမ္ဘာ့ဘောလုံး သမိုင်းတစ်လျှောက်  ကလပ်အသင်းနှင့်  နိုင်ငံအသင်းအတွက် သွင်းဂိုးအများဆုံး ကစားသမားအဖြစ်  စံချိန်သစ်တင်နိုင်ခဲ့ကြောင်း သိရသည်။

ပရီးမီးယားလိဂ် သမိုင်းတစ်လျှောက် ဘောလုံးရာသီ လေးရာသီတွင် သွင်းဂိုး ၂ဝ နှင့်အထက် သွင်းယူနိုင်သည့် ခြောက်ဦးမြောက် ကစားသမားအဖြစ် လီဗာပူးအသင်း တိုက်စစ်မှူး ဆာလက်ချ်စံချိန် မှတ်တမ်းရရှိ

လီဗာပူးအသင်း တိုက်စစ်မှူး  ဆာလက်ချ်သည် ဘရိုက်တန်အသင်းနှင့် ကစားသည့်ပွဲစဉ်တွင် အသင်း အတွက်  သွင်းဂိုးတစ်ဂိုး သွင်းယူနိုင်ပြီးနောက် ပရီးမီးယားလိဂ် သမိုင်းတစ်လျှောက်   ဘောလုံးရာသီ လေးရာသီတွင် သွင်းဂိုး ၂ဝ နှင့်အထက် သွင်းယူနိုင်သည့်   ကစားသမားအဖြစ်    စံချိန်မှတ်တမ်း ရရှိခဲ့ကြောင်း သိရသည်။