အားကစား

AFC Cup အာဆီယံဇုန်မဲခွဲမှုအပြီး ရှမ်းယူနိုက်တက် အသင်း အုပ်စု(H)နှင့် ဟံသာဝတီ ယူနိုက်တက်အသင်း အုပ်စု(I)တွင် ကျရောက်

မြန်မာကလပ်အသင်း နှစ်သင်း ပါဝင်ယှဉ်ပြိုင်မည့် 2022 AFC Cup  အာဆီယံဇုန်ပြိုင်ပွဲ အတွက် အုပ်စုမဲခွဲမှုအပြီးတွင် ရှမ်းယူနိုက်တက် အသင်းက အုပ်စု(H)နှင့်   ဟံသာဝတီယူနိုက်တက် အသင်းက အုပ်စု(I)တွင် အသီးသီး ကျရောက်လျက်ရှိကြောင်း သိရသည်။

အဆိုပါပြိုင်ပွဲကို ၂ဝ၂၁ ခုနှစ်က ကိုဗစ်-၁၉ ရောဂါကြောင့် တစ်နှစ်ရွှေ့ဆိုင်းခဲ့ရပြီး ယခုနှစ်မှသာ ပြန်လည်ကျင်းပခြင်း ဖြစ်ကာ  ဇွန် ၂၄ ရက်မှ ၃ဝ ရက်အထိ ကျင်းပမည်ဖြစ်သည်။

၂ဝ၂၁ ကမ္ဘာ့တစ်နှစ်တာ အကောင်းဆုံးဆုများ ပေးအပ်ပွဲ အခမ်းအနားတွင် တစ်နှစ်တာ အမျိုးသားအကောင်းဆုံး ကစားသမားဆုကို မက်ဆီအား ကျော်ဖြတ်ပြီး လီဝန်ဒေါစကီး ဆွတ်ခူးရရှိ

ကမ္ဘာ့ဘောလုံးအဖွဲ့ချုပ်(FIFA)က ရွေးချယ်ချီးမြှင့်သည့် ၂ဝ၂၁ ခုနှစ်အတွက် ကမ္ဘာ့အကောင်းဆုံး ဆုများပေးအပ်ပွဲ အခမ်းအနားကို ဇန်နဝါရီ  ၁၈ ရက် နံနက်က  ဆွစ်ဇာလန်နိုင်ငံ  ဇူးရစ်မြို့၌   Video Conferencing စနစ်ဖြင့် ကျင်းပရာ ၂ဝ၂၁ တစ်နှစ်တာ အမျိုးသား အကောင်းဆုံး ကစားသမားဆုကို မက်ဆီအား ကျော်ဖြတ်ပြီး  လီဝန်ဒေါစကီးက ဆွတ်ခူးရရှိခဲ့ကြောင်း သိရသည်။

ဘာစီလိုနာအသင်းက ကွင်းလယ် ကစားသမား ဒီဂျောင်း၏ ပြောင်းရွှေ့ကြေးကို စတာလင်ပေါင် သန်း ၅ဝ သတ်မှတ်

ဘာစီလိုနာအသင်း အနေဖြင့်  အသင်းကွင်းလယ် ကစားသမား  ဒီဂျောင်းအား  ချယ်လ်ဆီး အသင်းက စတာလင်ပေါင် ၃၃ သန်းဖြင့်ကမ်းလှမ်းမှုကို ငြင်းဆို ပြီး  ပြောင်းရွှေ့ကြေးကို  စတာလင်ပေါင် သန်း ၅ဝ သတ်မှတ်ခဲ့ကြောင်း သိရသည်။

စာချုပ်သစ် ဆွေးနွေးမှုများကို ရပ်ဆိုင်းခဲ့ပြီး ယခုဘောလုံး ရာသီအကုန်တွင် ဘာစီလိုနာအသင်း တောင်ပံကစားသမား ဒမ်ဘီလီ အလွတ် ပြောင်းရွှေ့ကြေးဖြင့် ထွက်ခွာမည်

ဘာစီလိုနာအသင်း တောင်ပံကစားသမား ဒမ်ဘီ လီသည်  အသင်းနှင့်စာချုပ်သစ်ဆွေးနွေးမှုများကို ရပ်ဆိုင်းခဲ့ပြီး ယခုဘောလုံးရာသီအကုန်တွင် အသင်းမှ  အလွတ်ပြောင်းရွှေ့ကြေးဖြင့်  ထွက်ခွာမည်ဖြစ်ကြောင်း သိရသည်။

ပရီးမီးယားလိဂ်ပြိုင်ပွဲ သမိုင်းတစ်လျှောက် အလွတ်တည်ကန်ဘောမှ သွင်းဂိုးအများဆုံး ကစားသမားစာရင်းတွင်  ကာဇိုလာနှင့် အွန်နရီတို့၏ စံချိန်ကို ဝက်စ်ပရောက် လိုက်မီ

ပရီးမီးယားလိဂ်ပြိုင်ပွဲ သမိုင်းတစ်လျှောက် အလွတ်တည်ကန်ဘောမှ သွင်းဂိုးအများဆုံး ကစားသမားစာရင်းတွင် ချယ်လ်ဆီးအသင်း ကစားသမားဟောင်း ကာဇိုလာနှင့် အာဆင်နယ်အသင်း ကစားသမားဟောင်း အွန်နရီတို့ ၏စံချိန်ကို ဆောက်သမ်တန်အသင်း ကွင်းလယ်ကစားသမား ဝက်စ်ပရောက်က လိုက်မီနိုင်ခဲ့ပြီး ဒုတိယနေရာ၌ ပူးတွဲရပ်တည်ခဲ့ကြောင်း သိရသည်။

၂ဝ၂၂ အာရှဖလား အမျိုးသမီး ဘောလုံးပြိုင်ပွဲတွင်  မြန်မာနိုင်ငံမှ အမျိုးသမီး ကွင်းလယ်ဒိုင်လူကြီး ဒေါ်သိန်းသိန်းအေး တာဝန်ယူခွင့် ရရှိ

အိန္ဒိယနိုင်ငံ၌  အိမ်ရှင်အဖြစ်လက်ခံ ကျင်းပမည့် ၂ဝ၂၂ အာရှဖလား အမျိုးသမီး ဘောလုံးပြိုင်ပွဲတွင် ကွင်းလယ်ဒိုင်အဖြစ် မြန်မာနိုင်ငံမှ   အမျိုးသမီး ကွင်းလယ်ဒိုင် လူကြီး   ဒေါ်သိန်းသိန်းအေးကို   အာရှ ဘောလုံးအဖွဲ့ချုပ်မှ     တာဝန်ပေးအပ်ခဲ့ ကြောင်း မြန်မာနိုင်ငံ ဘောလုံးအဖွဲ့ချုပ်က ထုတ်ပြန်ကြေညာခဲ့သည်။

ဂျီနိုအာအသင်းက အသင်းကို ရလဒ်ကောင်းမွန်အောင် မစွမ်းဆောင်နိုင်ခဲ့သောကြောင့် နှစ်လမပြည့်မီပင် နည်းပြရှက်ချန်ကိုအား ရာထူးမှ ထုတ်ပယ်

အီတလီစီးရီးအေကလပ်    ဂျီနိုအာအသင်းက အသင်းကို ရလဒ်ကောင်းများ ရရှိအောင် စွမ်းဆောင်ပေးနိုင်ခြင်း မရှိသည့်အတွက် နည်းပြရှက်ချန်ကိုအား နှစ်လမပြည့်မီမှာပင် ရာထူးမှ ထုတ်ပယ်ခဲ့ကြောင်း သိရသည်။

အာဆင်နယ်အသင်းတွင် ကစားသမားအင်အား လုံလောက်မှု မရှိတော့သည့်အတွက် ယှဉ်ပြိုင်ကစားမည့် စပါးအသင်းနှင့် ပွဲစဉ်ကို ရွှေ့ဆိုင်းကြောင်း အတည်ပြု

အာဆင်နယ်အသင်းတွင် ကိုဗစ်-၁၉ ရောဂါကူးစက် မှု၊ ဒဏ်ရာရ ကစားသမားများနှင့် အာဖရိကဖလား ပြိုင်ပွဲအတွက်    ကစားသမား စေလွှတ်ထားမှုများကြောင့် ကစားသမားအင်အား လုံလောက်မှုမရှိတော့သည့်အတွက် စပါးအသင်းနှင့် အာဆင်နယ်အသင်းတို့ ပွဲစဉ်ကို ပရီးမီးယားလိဂ်ဘောလုံး အဖွဲ့ချုပ်က ရွှေ့ဆိုင်းခဲ့သည်ဟု အတည်ပြု ကြေညာကြောင်း သိရသည်။

၂ဝ၂၂ အာရှဖလား အမျိုးသမီး ဘောလုံးပြိုင်ပွဲအတွက် မြန်မာ့လက်ရွေးစင် အမျိုးသမီးအသင်း၏ အပြီးသတ် ကစားသမားစာရင်း ထုတ်ပြန်ခဲ့ပြီး အုပ်စုအဖွင့်ပွဲစဉ် အဖြစ် ဇန်နဝါရီ ၂၁ ရက်တွင် ဂျပန်အသင်းနှင့် ကစားရမည်

မြန်မာနိုင်ငံ ဘောလုံးအဖွဲ့ချုပ် (MFF)က ၂ဝ၂၂ အာရှဖလား အမျိုးသမီးဘောလုံး ပြိုင်ပွဲ ဝင်ရောက်ယှဉ်ပြိုင်မည့် မြန်မာ့လက်ရွေးစင် အမျိုးသမီးအသင်း၏  အပြီးသတ် ကစားသမား စာရင်းကို ထုတ်ပြန်ကြေညာ ခဲ့ပြီး အဖွင့်ပွဲစဉ်အဖြစ် အာရှထိပ်သီး ဂျပန်လက်ရွေးစင် အမျိုးသမီးအသင်းနှင့် ဇန်နဝါရီ ၂၁ ရက်တွင် စတင်ကစားရမည် ဖြစ်ကြောင်း သိရသည်။

ပရီးမီးယားလိဂ်ပြိုင်ပွဲ ၂ဝ၂၁ ခုနှစ် ဒီဇင်ဘာလ တစ်လတာ အကောင်းဆုံးဆုများကို မန်စီးတီးအသင်းမှ နည်းပြဂွါဒီယိုလာနှင့် တိုက်စစ်မှူး စတာလင်းတို့ရရှိ

ပရီးမီးယားလိဂ်ဘောလုံး အဖွဲ့ချုပ်က လစဉ်ပေးအပ် ချီးမြှင့်သည့် ၂ဝ၂၁ ခုနှစ် ဒီဇင်ဘာလအတွက် တစ်လတာ အကောင်းဆုံးဆုများကို မန်စီးတီးအသင်းမှ  နည်းပြဂွါဒီယိုလာနှင့်  တိုက်စစ်မှူး စတာလင်းတို့က ဆွတ်ခူးရရှိခဲ့ကြောင်း သိရသည်။