ကျန်းမာရေး

ကျန်းမာရေးဝန်ကြီးဌာန၏ အသိပေး ကြေညာချက်

မြေပုံမြို့နယ်ရှိ တိုက်ပွဲရှောင်စခန်း ၁၁ ခု၌ ကိုဗစ်-၁၉ ရောဂါ ကာကွယ်ဆေး Sinovac ပထမအကြိမ် ထိုးနှံလျက်ရှိ

မြေပုံ  စက်တင်ဘာ  ၂

ရခိုင်ပြည်နယ် မြောက်ဦးခရိုင် မြေပုံမြို့နယ်ရှိ    တိုက်ပွဲရှောင်စခန်း ၁၁ ခု၌ ကိုဗစ်-၁၉ရောဂါကာကွယ်ဆေး Sinovac  ပထမအကြိမ် ထိုးနှံခြင်းကို ယနေ့နံနက် ၉ နာရီမှ  စတင်ကာ  သတ်မှတ်စုရပ်များ၌   တစ်ပြိုင်တည်း ထိုးနှံပေးလျက်ရှိသည်။

မြန်မာသင်္ဘောသား ၅ဝဝဝ အား ကိုဗစ်-၁၉ ရောဂါ ကာကွယ်ဆေးထိုးနှံ

ရန်ကုန်  စက်တင်ဘာ ၂                                          

တရုတ်ကုန်သည်များ အသင်းနှင့်  မီးပြတိုက် လူမှုကူညီရေး အသင်းတို့ပူးပေါင်း၍ မြန်မာသင်္ဘောသားဦးရေ ၅ဝဝဝ အား ပထမအကြိမ် ကိုဗစ်-၁၉ ရောဂါ ကာကွယ်ဆေးကို စက်တင်ဘာ ၁ ရက်မှစ၍ သတ်မှတ်နေရာတို့တွင် ထိုးနှံပေးနေကြောင်း သိရသည်။

ကိုဗစ်-၁၉ ရောဂါပိုးတွေ့ လူနာသစ် ၃၄၅၉ ဦး ထပ်တိုး

နေပြည်တော်  စက်တင်ဘာ  ၂ 

ကျန်းမာရေးဝန်ကြီးဌာန အနေဖြင့် ကိုဗစ်-၁၉  သံသယလူနာများ၊   ဓာတ်ခွဲအတည်ပြုလူနာနှင့် အနီးကပ် ထိတွေ့ခဲ့သူများနှင့် အသွားအလာ ကန့်သတ်ထားရှိသူများအား ကိုဗစ်-၁၉ ရောဂါ ရှိ၊ မရှိ ဓာတ်ခွဲစမ်းသပ်စစ်ဆေးခြင်းအား ပုံမှန်ဆောင်ရွက်လျက်ရှိရာ (၁-၉-၂ဝ၂၁)ရက် ည ၈ နာရီမှ (၂-၉-၂ဝ၂၁)ရက် ည ၈ နာရီအတွင်း  ဓာတ်ခွဲနမူနာ စုစုပေါင်း ၃၅၂၄၈ ခုအား စစ်ဆေးပြီးစီးခဲ့ရာ  ကိုဗစ်-၁၉ ရောဂါ ဓာတ်ခွဲ အတည်ပြုလူနာသစ် ၃၄၅၉ ဦး တွေ့ရှိရသည်။

တိုင်းရင်းဆေးကို ကိုဗစ်-၁၉ ရောဂါအား ကာကွယ်၊ ကုသရေးလုပ်ငန်းများတွင် အသုံးပြုရန်နှင့် ပတ်သက်၍ သုတေသနလုပ်ငန်းများ ဆောင်ရွက်နိုင်ရေး ညှိနှိုင်းအစည်းအဝေး ကျင်းပ

နေပြည်တော်  စက်တင်ဘာ  ၂

တိုင်းရင်းဆေးကို ကိုဗစ်-၁၉ ရောဂါအား ကာကွယ်၊ ကုသရေး လုပ်ငန်းများတွင် အသုံး ပြုရန်နှင့် ပတ်သက်၍ သုတေသနလုပ်ငန်းများ ဆောင်ရွက်နိုင်ရေးဆိုင်ရာ ညှိနှိုင်း အစည်းအဝေးကို ယမန်နေ့ မွန်းလွဲ ၂ နာရီ က ကျန်းမာရေး ဝန်ကြီးဌာန COVID-19 Central Command Center  ခန်းမ၌ ကျင်းပသည်။

ငှက်ဖျားရောဂါကြောင့် ကမ္ဘာတစ်ဝန်းသေဆုံးရတဲ့ ပမာဏဟာ ကမ္ဘာတစ်ဝန်းနေ့စဉ်ကလေးငယ် ၈၀၀ သေဆုံးနေရတယ်လို့ဆို ပါတယ်။ ၂၀၁၉ ခုနှစ် ဧပြီ ၂၃ရက်ကစပြီး  ငှက်ဖျားကာကွယ်ဆေးကို (RTS-S/ASOT) ကမ္ဘာ့ငှက်ဖျားအဓိကသေကျေနေတဲ့ မာလာဝီ၊ ဂါနာတို့မှာ  တိုက်ကျွေးခဲ့တယ်။  ကင်ညာနိုင်ငံက ငှက်ဖျားရောဂါကာကွယ်ဆေး (RTS-S) ကို ၂၀၁၉ ခုနှစ် စက်တင်ဘာ ၂၃ ရက်က စတင်ခဲ့တဲ့ တတိယမြောက်နိုင်ငံဖြစ်လာပါတယ်။

မျူဆိုတဲ့  (μ)  ဒီသင်္ကေတလေးဟာ ဂရိအက္ခရာတွေထဲမှာတော့ ၁၂ လုံးမြောက်အက္ခရာဖြစ်ပါတယ်။  အခုတော့  ကမ္ဘာ့ကျန်းမာရေး အဖွဲ့က အလေးအနက်ထားစောင့်ကြည့်နေရတဲ့ ဗီဇပြောင်း ကိုဗစ်-၁၉ ရောဂါပိုးအဖြစ် အမည်တပ်ခံလိုက်ရပါပြီ။

မျူဗီဇပြောင်း ကိုဗစ်-၁၉ ရောဂါပိုးကို ဇန်နဝါရီလတုန်းက ကိုလံဘီယာနိုင်ငံမှာ စတင်တွေ့ရှိတာဖြစ်ပြီး သူ့ရဲ့သိပ္ပံနာမည်ကိုတော့ B.1.621 လို့ခေါ်ပါတယ်။ လက်ရှိမှာတော့ တောင်အမေရိကနဲ့ဥရောပမှာ ကြိုကြားကြိုကြားကူးစက်ပျံ့နှံ့နေတာကိုတွေ့ရပါတယ်။

နေပြည်တော်   စက်တင်ဘာ   ၁

ကျန်းမာရေးဝန်ကြီးဌာနအနေဖြင့် ကိုဗစ်-၁၉  သံသယလူနာများ၊  ဓာတ်ခွဲအတည်ပြုလူနာနှင့် အနီးကပ်ထိတွေ့ခဲ့သူများနှင့် အသွားအလာကန့်သတ်ထားရှိသူများအား ကိုဗစ်-၁၉ ရောဂါ ရှိ၊ မရှိ ဓာတ်ခွဲစမ်းသပ်စစ်ဆေးခြင်းအား ပုံမှန်ဆောင်ရွက်လျက်ရှိရာ (၃၁-၈-၂၀၂၁)ရက် ည ၈ နာရီမှ (၁-၉-၂၀၂၁)ရက် ည ၈ နာရီအတွင်း  ဓာတ်ခွဲနမူနာစုစုပေါင်း ၃၉၄၆၁ ခုအားစစ်ဆေးပြီးစီးခဲ့ရာ ကိုဗစ်-၁၉ ရောဂါ ဓာတ်ခွဲအတည်ပြုလူနာသစ် ၃၃၅၈ ဦးတွေ့ရှိရသည်။

ကိုဗစ်-၁၉ ရောဂါပိုးတွေ့ လူနာသစ် ၃၃၉၉ ဦး ထပ်တိုး

နေပြည်တော်  သြဂုတ်  ၃၁

ကျန်းမာရေးဝန်ကြီးဌာန အနေဖြင့် ကိုဗစ်-၁၉  သံသယလူနာများ၊   ဓာတ်ခွဲအတည်ပြုလူနာနှင့် အနီးကပ် ထိတွေ့ခဲ့သူများနှင့် အသွားအလာ ကန့်သတ်ထားရှိသူများအား ကိုဗစ်-၁၉ ရောဂါ ရှိ၊ မရှိ ဓာတ်ခွဲစမ်းသပ်စစ်ဆေးခြင်းအား ပုံမှန်ဆောင်ရွက်လျက်ရှိရာ (၃ဝ-၈-၂ဝ၂၁)ရက် ည ၈ နာရီမှ (၃၁-၈-၂ဝ၂၁)ရက် ည ၈ နာရီအတွင်း  ဓာတ်ခွဲနမူနာ စုစုပေါင်း ၃၉၂၈၉ ခုအား စစ်ဆေးပြီးစီးခဲ့ရာ  ကိုဗစ်-၁၉ ရောဂါ ဓာတ်ခွဲအတည်ပြု လူနာသစ် ၃၃၉၉ ဦး တွေ့ရှိရသည်။

ရှမ်းပြည်နယ်(မြောက်ပိုင်း) လားရှိုးခရိုင် ကွမ်းလုံမြို့တွင် ပထမအကြိမ် ကိုဗစ်-၁၉ ရောဂါကာကွယ်ဆေးထိုးနှံပြီးသူများအား  ဒုတိယအကြိမ်  ကာကွယ်ဆေးထိုးနှံခြင်းကို ကွမ်းလုံမြို့  အခြေခံပညာအထက်တန်းကျောင်းနှင့်  ကိုးကန့်စာပေနှင့် ယဉ်ကျေးမှု ခန်းမတို့၌ သြဂုတ် ၃ဝ ရက် နံနက်ပိုင်းတွင် ဆက်လက် ထိုးနှံပေးကြောင်း သိရသည်။