စီးပွားရေး

လိမ္မော်သီးများ လှိုင်လှိုင်ထွက်ရှိလာပြီး ဈေးကောင်းရရှိကာ ရောင်းအားကောင်း

ရှမ်းပြည်နယ်(မြောက်ပိုင်း) လားရှိုးမြို့    မြို့မဈေးကြီးရှိ သစ်သီးဝလံအရောင်းဆိုင်တို့၌ နမ့်ပေါင်နှင့် မိုင်းရယ်ဒေသတို့မှ စိုက်ပျိုးထားသည့် လိမ္မော်သီးများ ခရစ္စမတ်ကာလအတွင်း ဈေးကွက်သို့ လှိုင်လှိုင်ထွက်ရှိလာပြီး ဈေးကောင်းရရှိကာ ရောင်းအားကောင်းမွန်လျက် ရှိကြောင်း သစ်သီးဝလံ အရောင်းဆိုင်များမှ သိရသည်။

ပူတာအိုဒေသထွက် ဂရိတ်ဖရုသီးကို တန်ဖိုးမြှင့် ထုတ်ကုန်အမယ်များ ထုတ်လုပ်ပါက ဈေးကွက် အလားအလာကောင်းသော သီးနှံဖြစ်

ကချင်ပြည်နယ်  ပူတာအိုဒေသမှ ထွက်ရှိသည့် ဂရိတ်ဖရုသီးကို တန်ဖိုးမြှင့် ထုတ်ကုန်အမယ်များအဖြစ် ဝိုင်၊ ယို၊ ဂျယ်လီ၊ ဂရိတ်ဖရုဖျော်ရည် စသည်တို့ကိုစနစ်တကျ ထုတ်လုပ်ပါက ဈေးကွက် အလားအလာကောင်းသော သီးနှံတစ်မျိုးဖြစ်ကြောင်း သိရသည်။

တောင်တွင်းကြီးမြို့နယ် ကုက္ကိုခွကျေးရွာ၌ မိရိုးဖလာ အိုးလုပ်ငန်း လုပ်ကိုင်လျက်ရှိ

    မကွေးတိုင်းဒေသကြီး တောင်တွင်းကြီးမြို့နယ် ကုက္ကိုခွကျေးရွာ၌ မိရိုးဖလာ အိုးလုပ်ငန်းကို   ဘိုးဘွားအစဉ်အဆက် လက်ဆင့်ကမ်း လုပ်ကိုင်လျက်ရှိကြောင်း သိရသည်။

ရမည်းသင်းမြို့နယ်၌ မိုးနှောင်းစပျစ်များ စတင်ထွက်ရှိချိန်တွင် ဈေးကောင်းရရှိနေ

မန္တလေးတိုင်းဒေသကြီး ရမည်းသင်း မြို့နယ်၌ မိုးနှောင်းစပျစ်များ စတင်ထွက်ရှိ ချိန်တွင် ဈေးကောင်းရရှိနေကြောင်း စပျစ် စိုက်ပျိုးရောင်းချသူများ၏ပြောပြချက်အရ သိရသည်။

ထိုသို့ဈေးကောင်းရရှိရာတွင် စပျစ်သီး  လက်ကားဈေးနှုန်းမှာ   တစ်ပိဿာလျှင် ငွေကျပ်  ၅၀၀၀  ဝန်းကျင်နှင့်  လက်လီဈေးနှုန်းမှာ  တစ်ပိဿာလျှင်  ငွေကျပ် ၈၀၀၀  ဝန်းကျင်အထိ  ရရှိနေခြင်းဖြစ်သည်။

ကြက်သွန်နီအများအပြား ဝင်ရောက်လျက် ရှိသောကြောင့် ဈေးနှုန်း ကျဆင်း

မကွေးတိုင်းဒေသကြီး  မင်းဘူးမြို့၌ ကြက်သွန်နီအများအပြား ဝင်ရောက်လျက် ရှိသောကြောင့် ဈေးနှုန်းအနေဖြင့် တစ်ပိဿာလျှင် ငွေကျပ် ၂၀၀၀ ဝန်းကျင်သို့ ကျဆင်းလျက်ရှိကြောင်း မင်းဘူးမြို့ ကြက်သွန်ပွဲရုံ ပိုင်ရှင်များထံမှ သိရသည်။

ကျောက်ဆည်မြို့နယ်၌ ဆောင်းနေကြာသီးနှံ ဧက ၉၆၂၀ စိုက်ပျိုးပြီးဖြစ်

မန္တလေးတိုင်းဒေသကြီး ကျောက်ဆည်မြို့နယ်၌ စားသုံးဆီ ဖူလုံပိုလျှံရေးအတွက် ကွင်းပေါင်း ၂၀၂ ကွင်း၊ တောင်သူပေါင်း ၃၈၇၉ ဦးတို့၏  စိုက်ပျိုးမြေများတွင် ဆောင်းနေကြာသီးနှံ ၁၅၆၈၄ ဧက စိုက်ပျိုးရန် လျာထားခဲ့ရာ ဒီဇင်ဘာ ၁၈ ရက်အထိ ဆောင်းနေကြာသီးနှံဧက ၉၆၂၀ စိုက်ပျိုးပြီးကြောင်း သိရသည်။

ဧရာဝတီတိုင်းဒေသကြီးမှ ထွက်ရှိသော ငါးရံ့ခြောက်များ ပြည်ပဈေးကွက်သို့ ပြန်လည် တင်ပို့နေရသဖြင့် အဝယ်လိုက်နေ

    ဧရာဝတီတိုင်းဒေသကြီးမှ ထွက်ရှိသော ငါးရံ့ခြောက်များကို  ရန်ကုန်ဈေးကွက်မှ တစ်ဆင့် ပြည်ပဈေးကွက်သို့ ပြန်လည်တင်ပို့ ရောင်းချနေရသဖြင့်   အဝယ်လိုက်နေကြောင်း ပုသိမ်မြို့မှ ငါးခြောက်ရောင်းဝယ်ရေး လုပ်ငန်းလုပ်ကိုင်သူ  ဒေါ်မြတ်မော်၏ ပြောပြချက်အရ သိရသည်။

ပုသိမ်စက်မှုမြို့တော်ဆိပ်ကမ်းမှ ဘင်္ဂလားဒေ့ရှ်နိုင်ငံသို့ တင်ပို့နေသော ကနဦး လျာထားချက် ဆန်တန်ချိန်သုံးသောင်း မကြာမီ ပြည့်မီတော့မည်

ရန်ကုန်  ဒီဇင်ဘာ  ၁၈

မြန်မာ့ဆန်များကို ဘင်္ဂလားဒေ့ရှ်နိုင်ငံမှ ဝယ်ယူလျက်ရှိရာ ဧရာဝတီတိုင်းဒေသကြီး ပုသိမ်စက်မှု မြို့တော်ဆိပ်ကမ်းမှ တိုက်ရိုက်တင်ပို့လျက်ရှိပြီး ကနဦးလျာထားချက်ဖြစ် သည့်ဆန်တန်ချိန်သုံးသောင်း မကြာမီ ပြည့်မီတော့မည်ဖြစ်ကြောင်း သိရသည်။