ယခုနှစ် ကြက်သွန်နီအသစ်ပေါ်ချိန်တွင် ပြည်ပတင်ပို့မှုမရှိခြင်းနှင့် ပြည်တွင်း အထွက်နှုန်း များပြားခြင်းတို့ကြောင့် မြင်းခြံ မြို့နယ်၌ ကြက်သွန်နီဈေးနှုန်း ကျဆင်းသဖြင့် ကြက်သွန်နီစိုက်တောင်သူများ အရှုံးပေါ်နေကြောင်း မြင်းခြံမြို့နယ် ကွမ်းစိုက်ကျေးရွာအုပ်စုမှ ကြက်သွန်နီစိုက်တောင်သူ ဦးကျော်ဝင်း၏ ပြောပြချက်အရ သိရသည်။
အိန္ဒိယနိုင်ငံ ကုန်သွယ်ရေး ဝန်ကြီးဌာန၏ ကုန်သွယ်ရေးမူဝါဒများ ပြောင်းလဲမှုကြောင့် ပြည်တွင်းရှိ မတ်ပဲ၊ ပဲတီစိမ်းနှင့် ပဲစင်းငုံအဝယ်ကို မေ ၁၅ ရက်မှစ၍ အောက်တိုဘာလအထိ လွတ်လပ်စွာ ရောင်းဝယ်ခွင့်ပြုပေးလိုက်သဖြင့် မန္တလေး ပဲဈေးကွက်တွင် မတည်မငြိမ်ဖြစ်နေကြောင်း မန္တလေး ပဲဈေးကွက်မှ သိရသည်။
ရှမ်းပြည်နယ်(မြောက်ပိုင်း) လားရှိုးမြို့တွင် ဆန်ဈေးတည်ငြိမ်ပြီး အရောင်းအဝယ် အေးနေကြောင်း လားရှိုးမြို့ မြို့မဈေးကြီး၌ ဆန်အရောင်းအဝယ် လုပ်ကိုင်သူ ရွှေဆင်ဆန်ဆိုင်ပိုင်ရှင် ဦးညွန့်လွင်ထံမှ သိရသည်။
ရန်ကုန်မြို့ရှိ ရွှေဆိုင်အားလုံးနီးပါး ပုံမှန်အတိုင်း ပြန်လည်ဖွင့်လှစ်၍ အရောင်းအဝယ်ပြုလုပ်လျက်ရှိကြောင်း ရန်ကုန်တိုင်းဒေသကြီး ရွှေလုပ်ငန်းရှင်များ အသင်း ဥက္ကဋ္ဌ ဦးမျိုးမြင့်၏ ပြောဆိုချက်အရ သိရသည်။
COVID-19 ရောဂါအခြေအနေကြောင့် ယာယီပိတ်ထားသည့် ရွှေဆိုင်များမှာ ယခုနောက်ပိုင်းတွင် တဖြည်းဖြည်း ပြန်လည်ဖွင့်လှစ်ခဲ့ပြီး လက်ရှိတွင် ရွှေဆိုင် အားလုံးနီးပါး ပုံမှန်အတိုင်းပြန်လည်ဖွင့်လှစ်နေခြင်းဖြစ်သည်။
မန္တလေးတိုင်းဒေသကြီး ကျောက်ဆည်မြို့နယ် အတွင်းရှိ ငရုတ်စိုက်တောင်သူများ အနေဖြင့် ငရုတ်သီးနှံများ စိုက်ပျိုးရာတွင် ဆည်ရေ၊ မြစ်ရေ၊ မြေအောက်ရေတို့ဖြင့် အမျိုးမျိုးစိုက်ပျိုးကြရာ ယခုနှစ်တွင် ငရုတ်စိုက်ခင်းများ အပင်ဖြစ်ထွန်းပြီး အသီးထွက်နှုန်း ကောင်းသဖြင့် ဈေးကောင်းရရှိရန် မျှော်လင့်လျက်ရှိကြောင်း ငရုတ်စိုက်ပျိုးသူများထံမှ သိရသည်။
ကျောက်ဆည်မြို့နယ်တွင် ၆၉၂ ငရုတ်မျိုးများကို အဓိကထား စိုက်ပျိုးပြီး စိုက်ပျိုးရာတွင် ရေသွင်း၊ ရေထုတ် လွယ်ကူစေရန်အတွက် ပေါင်များပြုလုပ်၍ တစ်ပင်တန်း၊ နှစ်ပင်တန်း စိုက်ပျိုးကြသည်။
မန္တလေးတိုင်းဒေသကြီး ကျောက်ဆည်မြို့နယ် အတွင်းရှိ ငရုတ်စိုက်တောင်သူများ အနေဖြင့် ငရုတ်သီးနှံများ စိုက်ပျိုးရာတွင် ဆည်ရေ၊ မြစ်ရေ၊ မြေအောက်ရေတို့ဖြင့် အမျိုးမျိုးစိုက်ပျိုးကြရာ ယခုနှစ်တွင် ငရုတ်စိုက်ခင်းများ အပင်ဖြစ်ထွန်းပြီး အသီးထွက်နှုန်း ကောင်းသဖြင့် ဈေးကောင်းရရှိရန် မျှော်လင့်လျက်ရှိကြောင်း ငရုတ်စိုက်ပျိုးသူများထံမှ သိရသည်။
ကျောက်ဆည်မြို့နယ်တွင် ၆၉၂ ငရုတ်မျိုးများကို အဓိကထား စိုက်ပျိုးပြီး စိုက်ပျိုးရာတွင် ရေသွင်း၊ ရေထုတ် လွယ်ကူစေရန်အတွက် ပေါင်များပြုလုပ်၍ တစ်ပင်တန်း၊ နှစ်ပင်တန်း စိုက်ပျိုးကြသည်။
ဖားကန့်၊ လုံးခင်း၊ ဆိပ်မူ စသည့်မှော်ဒေသများ၌ ရေမဆေးကျောက်ရှာသူများ၊ ကျောက်တူးသူများ၊ ကျောက်ရောင်းဝယ် သူများနှင့် မြေစာပုံဈေးတန်းမှ ဈေးသည်များမှာ စိတ်ချမ်းမြေ့စွာ ရောင်း၊ ဝယ်လုပ်ကိုင်လျက်ရှိကြောင်း သိရသည်။
စစ်ကိုင်းတိုင်းဒေသကြီး ကလေးမြို့နယ်၌ ယခုနှစ်ပွင့်လင်းရာသီမှစ၍ ဆောက်လုပ်ရေးလုပ်ငန်းများ ပေါများနေသည့်အတွက် အုတ်အရောင်းအဝယ် သွက်နေပြီး အုတ်လုပ်ငန်း လုပ်ကိုင်သူများ ဝင်ငွေကောင်းမွန်ကြောင်း သိရသည်။
''အခုနှစ်အုတ်ဈေးက ပြီးခဲ့တဲ့နှစ်ထက် ဈေးမြင့်တယ်။ ဆောက်လုပ်ရေး လုပ်ငန်းတွေက အမှာများတယ်။ အခုနှစ်အုတ်ဈေးမြင့်တက်နေရတဲ့ အကြောင်းရင်းက လောင်စာဖြစ်တဲ့ ထင်း၊စပါးခွံ ဈေးနှုန်းတွေမြင့်တက်ပြီး လုပ်သားခတွေကလည်း ပြီးခဲ့တဲ့နှစ်တွေကလို ငွေကျပ် ၃ဝဝဝ၊ ၄ဝဝဝ နဲ့ မရတော့ဘူး။ အနည်းဆုံးအထွေထွေ လုပ်သားခကို ငွေကျပ် ၅ဝဝဝ နဲ့အထက်ပေးမှရတယ်''ဟု အုတ်လုပ်ငန်း လုပ်ကိုင်သူတစ်ဦးက ပြောသည်။
မန္တလေးတိုင်းဒေသကြီး ညောင်ဦးခရိုင် ကျောက်ပန်းတောင်းမြို့နယ် ပုပ္ပားဒေသထွက်စိန်တစ်လုံးသရက်များ လှိုင်လှိုင်ထွက်ရှိချိန် ဈေးနှုန်းကျဆင်းနေခြင်းကြောင့် စိန်တစ်လုံးသရက်စိုက်ခြံပိုင်ရှင်များ တွက်ခြေမကိုက်ဖြစ်နေကြောင်း ကျောက်ခွက်ကျေးရွာ စိန်တစ်လုံး သရက်ခြံပိုင်ရှင် ဦးနေဝင်းထံမှ သိရသည်။
ရန်ကုန်မြို့ရှိ ရွှေပိတောက်ငါးဈေးသို့ တစ်ရက်လျှင် ရေထွက်ကုန် ငါးပုစွန်ပိဿာချိန် သုံးသိန်းခန့် ဝင်ရောက်လျက် ရှိကြောင်း မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးကြီးငွေ၏ ပြောပြချက်အရ သိရသည်။
''ရွှေပိတောက်ငါးဈေးကို ရေထွက်ကုန်အဝင်က အရင်ကထက် သုံးပုံတစ်ပုံလောက်ပဲ အဝင်ရှိတယ်။ အရင်က ပိဿာကိုးသိန်းလောက် အဝင်ရှိတယ်။ မေ၊ ဇွန်၊ ဇူလိုင်လတွေက ငါးမဖမ်းရရာသီဆိုတော့ ပင်လယ်ငါးက အဝင်မရှိသလောက် ဖြစ်သွားနိုင်တယ်''ဟု ဦးကြီးငွေက ပြောသည်။