နိုင်ငံတကာသတင်း

ဒေလီ၊ ပို့ကုန်တင်ပို့မှု

အိန္ဒိယအစိုးရက နိုင်ငံအတွင်းမှနေ၍ ပြည်ပသို့ဂျုံတင်ပို့မှုအားလုံးကို တားမြစ်လိုက်ပြီဖြစ်ကြောင်းနှင့် ထိုတားမြစ်ချက်သည် ချက်ချင်း အသက်ဝင်မည်ဖြစ်ကြောင်း ကုန်သွယ်ရေးနှင့်  စက်မှုဝန်ကြီးဌာနက မေ ၁၃ ရက်တွင်ထုတ်ပြန်ကြေညာသည်။

အိန္ဒိယနိုင်ငံအတွင်းမှာသာမက အိမ်နီးချင်းနိုင်ငံများတွင်ပါ စားနပ်ရိက္ခာဖူလုံမှုက အန္တရာယ်ရှိသည့်   အနေအထားဖြစ်နေသည့်အပြင် အခြားသော ကမ္ဘာ့အခြေအနေများကြောင့် ယခုကဲ့သို့ဂျုံတင်ပို့မှုအားလုံးကို တားမြစ်ရခြင်းဖြစ်ကြောင်း ဝန်ကြီးဌာန၏ ထုတ်ပြန်ချက် တွင် ဖော်ပြထားသည်။

အာရပ်စော်ဘွားများ ပြည်ထောင်စုသမ္မတ ရှိတ်ခါလီဖာဘင်ဇာယတ်အယ်နာယန် ကွယ်လွန်

အာရပ်စော်ဘွားများ ပြည်ထောင်စုသမ္မတ ရှိတ်ခါလီဖာဘင်ဇာယတ် အယ်နာယန် ကွယ်လွန်သွားကြောင်း  သမ္မတရုံးဝန်ကြီး ဌာနက မေ ၁၃ ရက်တွင် ထုတ်ပြန်ထားသည်။

သမ္မတကွယ်လွန်မှု အတွက် နိုင်ငံသားများ၊ အာရပ်နိုင်ငံများ၊ အစ္စလမ်မစ်နိုင်ငံများနှင့် ကမ္ဘာ့နိုင်ငံများကို ဝမ်းနည်းစွာ အသိပေးကြောင်းနှင့် သမ္မတသည် မေ ၁၃ ရက်တွင်ကွယ်လွန်သွားခြင်း ဖြစ်ကြောင်း သမ္မတရုံး ဝန်ကြီးဌာန၏   ထုတ်ပြန်ချက်တွင် ဖော်ပြထားသည်။

အင်ဒိုနီးရှား၌ ပြင်းထန် အသည်းရောင် ရောဂါကြောင့် နောက်ထပ် ကလေးငယ် လေးဦးသေဆုံး

အင်ဒိုနီးရှားနိုင်ငံ၌  ပြင်းထန်အသည်းရောင် ရောဂါဖြစ်ပွားမှုကြောင့် နောက်ထပ် ကလေးငယ်လေးဦး သေဆုံးကြောင်း သိရသည်။

ထို့အတွက်   အင်ဒိုနီးရှားနိုင်ငံ၌ ပြင်းထန်အသည်းရောင် ရောဂါဖြစ်ပွားမှုကြောင့် ယခုအခါသေဆုံးသူ ဦးရေ စုစုပေါင်းခုနစ်ဦး ရှိလာပြီဖြစ်သည်။

ရောဂါဖြစ်ပွားသူအများစုသည် ဂျကာတာမြို့မှဖြစ်ကြောင်း   နိုင်ငံပိုင် ဆူလီအန်တီဆာရိုဆိုဆေးရုံမှ ဆေးရုံအုပ် မိုဟာမက်ဆရာရေးက ပြောသည်။

ရှန်ဟိုင်းလော့ဒေါင်းကြောင့် ဒေါ်လာဝယ်ယူမှု ကျဆင်းပြီး ယွမ်တန်ဖိုး ကျဆင်းမှု အရှိန်တန့်

တရုတ်နိုင်ငံ ရှန်ဟိုင်းမြို့မှာ ချမှတ်ထားရတဲ့   ကိုဗစ်-၁၉  ရောဂါ ထိန်းချုပ်ရေး လော့ဒေါင်းကြောင့်  ကုမ္ပဏီများ အနေနဲ့ ဒေါ်လာဝယ်ယူမှု ကျဆင်းသွားတဲ့အတွက် ယွမ်တန်ဖိုး ကျဆင်းမှုမှာလည်း အရှိန်တန့်သွားရပါတယ်။

ပြည်ပမှာမှတ်ပုံတင်ထားတဲ့ တရုတ်ကုမ္ပဏီတွေက ပုံမှန်အားဖြင့် ဇွန်လမှ သြဂုတ်လအတွင်း ပြည်ပမှာရှိတဲ့ ရှယ်ယာဝင်များကို အမြတ်ငွေတွေ ခွဲပေးဖို့ မေလမှစတင်ပြီး ဒေါ်လာများကို ဝယ်ယူရလေ့ရှိပါတယ်။

ကိုဗစ်ကြောင့် ထိခိုက်ရတဲ့ လုပ်ငန်းများကို ဒေါ်လာ ၄၆ ဘီလီယံနဲ့ ကူညီမယ့် တောင်ကိုရီးယား

တောင်ကိုရီးယားအစိုးရက သူ့နိုင်ငံအတွင်းရှိ ကိုဗစ်-၁၉ ရောဂါကြောင့် ထိခိုက်ဆုံးရှုံးရတဲ့ လုပ်ငန်းများအား ဒေါ်လာ ၄၆ ဘီလီယံနဲ့ ကူညီပေးဖို့ အစီအစဉ်ကို မကြာသေးမီက ထုတ်ပြန်လိုက်ပါတယ်။

တောင်ကိုရီးယား နိုင်ငံမှာ သမ္မတအသစ်ဖြစ်တဲ့ ယွန်းဆက်ယို လက်ထက် ပထမဆုံး ထပ်တိုးဘတ်ဂျက်အဖြစ် ဝမ် ၅၉ ဒသမ ၄ ထရီလီယံ (အမေရိကန်ဒေါ်လာ ၄၆ ဒသမ ၁ ဘီလီယံ)ကို တောင်းခံလိုက်ပါတယ်။

ကျွန်တော်တို့လူသားတွေဟာ အသက်ငယ်ရာကနေ တဖြည်းဖြည်းအသက်ကြီးသွားကြတာမှန်ပေမယ့်လည်း   စိတ်ပိုင်းဆိုင်ရာ၊ မှတ်ဉာဏ်ပိုင်းဆိုင်ရာ အခြေအနေမှာတော့ အများစုက အသက်ကြီးသွားချိန်

နီပေါနိုင်ငံမှ     အသက် ၄၈ နှစ်ရှိ အမျိုးသမီးတစ်ဦးသည် မေ ၁၂ ရက်တွင် ဧဝရတ်တောင်ကို     ၁၀ ကြိမ်မြောက်

ကျွန်တော်တို့အနေနဲ့ တစ်ခါတလေမှာ အန္တာတိကတိုက်ရှိ  အလွန်တရာရှည်လျားလှတဲ့ ရေခဲချပ်လွှာကြီးတွေကို ငေးကြည့်ပြီး သူ့အောက်မှာဘာတွေရှိမလဲလို့ တွေးမိဖူးကြပါလိမ့်မယ်။

လပေါ်မှာရှိတဲ့ရေတွေအကုန်လုံးက သူ့ဆီကနေပဲ ထွက်ပေါ်လာတာမဟုတ်ပါဘူး။  ရေတချို့ဟာ ကမ္ဘာ့လေထုထဲကနေမှ ရောက်သွားခြင်း ဖြစ်နိုင်ပါတယ်လို့ ဆိုလာသူတွေကတော့   အလက်စကာတက္ကသိုလ်မှ  သုတေသနပညာရှင်များပဲ ဖြစ်ပါတယ်။

ကမ္ဘောဒီးယားနိုင်ငံမှ  တံငါသည်များသည် မဲခေါင်မြစ်အတွင်းမှ အလေးချိန် ကီလိုဂရမ် ၁၈၀ နှင့် အရှည် ၄ မီတာရှိသော ရှားပါးဧရာမရေချိုငါးလက်ထုံတစ်ကောင်ကို မမျှော်လင့်ဘဲဖမ်းမိကြောင်း သိပ္ပံပညာရှင်များက မေ ၁၁ ရက်တွင်ပြောသည်။