နိုင်ငံတကာသတင်း

ရုရှားက ၃ တန်ဗုံးများကို အမြောက်အမြား ထုတ်လုပ်မှု စတင်

    ရုရှားကာကွယ်ရေးပစ္စည်း ထုတ်လုပ်ရေး စက်ရုံတစ်ခုက ၃ တန်အလေးချိန်ရှိ ဗုံးများ ကို အမြောက်အမြား ထုတ်လုပ်မှု စတင် လုပ်ဆောင်ပြီဖြစ်ကြောင်း သိရသည်။

ကုလသမဂ္ဂအထွေထွေ ညီလာခံက AI  နှင့် ပတ်သက်၍ ပထမဆုံးသော ဆုံးဖြတ်ချက် တစ်ရပ်ကို ထုတ်ပြန်

    ကုလသမဂ္ဂအထွေထွေညီလာခံက AI နှင့်ပတ်သက်၍ ပထမဆုံးသော ဆုံးဖြတ်ချက်တစ်ရပ်ကို ထုတ်ပြန်လိုက်ပြီဖြစ်ကြောင်း သိရသည်။

အဆိုပါဆုံးဖြတ်ချက်ကြောင့် ကမ္ဘာ့နိုင်ငံများအနေဖြင့် AI စနစ်ကို ပိုမိုဘေးကင်းမှု ရှိသော၊ လုံခြုံမှုရှိသော၊ ယုံကြည်စိတ်ချရမှု ရှိသောစနစ်အဖြစ် ဖန်တီးကြရမည်ဖြစ်သည်။

သပိတ်မှောက်မှုတွင် ပါဝင်သည့် အငယ်တန်း ဆရာဝန်များ၏ လိုင်စင်ကို တောင်ကိုရီးယား အစိုးရက ဆိုင်းငံ့မည်

    တောင်ကိုရီးယားအစိုးရက သပိတ်မှောက်မှုတွင် ပါဝင်သည့် အငယ်တန်းဆရာ ဝန်များ၏ လိုင်စင်ကို လာမည့် သီတင်းပတ်မှစ၍ ဆိုင်းငံ့သွားမည်ဖြစ်ကြောင်း မတ်လ၂၁ ရက်တွင် ထုတ်ပြန်ကြေညာသည်။

ဒိန်းမတ်က ယူကရိန်းသို့ F-16 တိုက်လေယာဉ်များ ပေးပို့သည့် ပထမဆုံး NATO အဖွဲ့ဝင်နိုင်ငံဖြစ်လာမည်

    ဒိန်းမတ်နိုင်ငံက ယူကရိန်းသို့ F-16 တိုက်လေယာဉ်များ ပေးပို့သည့် ပထမဆုံးသော NATO အဖွဲ့ဝင်နိုင်ငံဖြစ်လာမည် ဖြစ်ကြောင်း သိရသည်။

အင်ဒိုနီးရှား ရွေးကောက်ပွဲတွင် သမ္မတအဖြစ် ပရာဘိုဝိုဆူဘီယန်တို ရွေးကောက်ခံရ

အင်ဒိုနီးရှားနိုင်ငံ၌ကျင်းပပြီးစီးခဲ့သော ရွေးကောက်ပွဲတွင် ယခင်ကာကွယ်ရေး ဝန်ကြီးဟောင်း ပရာဘိုဝိုဆူဘီယန်တို က သမ္မတအဖြစ် ရွေးကောက်ခံရကြောင်း သိရသည်။

ဖေဖော်ဝါရီလ ၁၄ ရက်တွင် ကျင်းပသော ရွေးကောက်ပွဲ၏ တစ်နိုင်ငံလုံးမှ မဲရလဒ်များကို မတ်လ ၂၀ ရက်တွင် ရေတွက်ပြီးစီးကြောင်း အထွေထွေရွေးကောက်ပွဲ ကော်မရှင်က ထုတ်ပြန်ထားသည်။

အစ္စရေးက ဂါဇာရှိအကြီးဆုံး ဆေးရုံကို ဝင်ရောက်စီးနင်း တိုက်ခိုက်

    အစ္စရေးစစ်ဘက်က ဂါဇာရှိ အကြီးဆုံးဆေးရုံကို ဝင်ရောက်စီးနင်း တိုက်ခိုက်လိုက်ကြောင်းနှင့် ဟားမတ်စစ်သွေးကြွ အယောက် ၉၀ ကို ချေမှုန်းလိုက်နိုင်ကြောင်း ထုတ်ပြန်ထားသည်။

အစ္စရေးတို့ တိုက်ခိုက်လိုက်သော ဆေးရုံမှာ အယ်ရှီဖာဆေးရုံဖြစ်ပြီး ယင်းသို့တိုက်ခိုက်စဉ်အတွင်း  ဟားမတ်အဖွဲ့တို့  ပိုင်ဆိုင်သော ငွေကြေးအမြောက်အမြားကိုလည်း သိမ်းဆည်းရမိကြောင်း ထုတ်ပြန်ချက်တွင် ဖော်ပြထားသည်။

ဂျာမန်ကလေးငယ်များ စစ်ပွဲအတွက် ကြိုတင်ပြင်ဆင်ထားရမည်ဟု ပညာရေး ဝန်ကြီးပြော

    ဂျာမန်ကလေးငယ်များသည်  စစ်ပွဲအတွက်  ကြိုတင်ပြင်ဆင် ထားရမည်ဖြစ်ကြောင်းနှင့် သို့မှသာ စစ်ပွဲဖြစ်ပွားပါက အသက်ရှင်သန်နိုင်စွမ်း ရှိမည်ဖြစ်ကြောင်း  ပညာရေးဝန်ကြီးကပြောသည်။

ပဋိပက္ခဖြစ်ပွားစဉ်တွင် ဆောင်ရွက်ရမည့် လုပ်ငန်းများကို ကလေးငယ်များအား သင်ကြား ပေးထားရမည်ဖြစ်ကြောင်း၊ ကျောင်းများတွင် ပြည်သူ့ကာကွယ်ရေး လေ့ကျင့်မှုများကိုလည်း လုပ်ဆောင်ထားသင့်ကြောင်း ၎င်းက အကြံပြုထားသည်။

ဗီယက်နမ်သမ္မတ ဗိုဗန်ထွန် ရာထူးမှ နုတ်ထွက်

ဗီယက်နမ်သမ္မတ ဗိုဗန်ထွန်သည် ရာထူး၌ တစ်နှစ်ခန့်သာ တာဝန်ထမ်းဆောင်ပြီး နောက်   နုတ်ထွက်သွားပြီဖြစ်ကြောင်း ကွန်မြူနစ်ပါတီက ထုတ်ပြန်ထားသည်။

ကွန်မြူနစ်ပါတီက အကျင့်ပျက်ခြစားမှုများနှင့် ပတ်သက်၍ စုံစမ်းစစ်ဆေးမှုများကို တင်းကျပ်စွာ လုပ်ဆောင်လာစဉ် သမ္မတအနေဖြင့် ရာထူးမှ နုတ်ထွက်သွားခြင်းလည်းဖြစ်သည်။

ယူကရိန်းသို့ ပတ်ထရီးယော့ ဒုံးကျည်များရောက်လျှင်  အကျိုးဆက်ကို ခံစားရစေမည်ဟု ရုရှားက ဂျပန်ကို သတိပေး

    ယူကရိန်းနိုင်ငံသို့ ပတ်ထရီးယော့ဒုံးကျည်များ ရောက်ရှိသွားပါက အကျိုးဆက်ကို ခံစားရစေမည်ဖြစ်ကြောင်း ရုရှားအစိုးရက ဂျပန်အစိုးရကို သံတမန်လမ်းကြောင်းများမှ တစ်ဆင့် သတိပေးလိုက်သည်။

အစ္စရေးက အစာဖြတ်ခြင်း နည်းဗျူဟာကို အသုံးပြုနေဖွယ်ရှိဟု ကုလသမဂ္ဂပြော

    အစ္စရေးနိုင်ငံသည်  ဂါဇာကမ်းမြောင် ဒေသအတွင်း အစာဖြတ်ခြင်း နည်းဗျူဟာကို စစ်ရေးဗျူဟာ တစ်ရပ်အဖြစ် အသုံးပြုနေဖွယ်ရှိကြောင်း ကုလသမဂ္ဂ၏ မတ်လ ၁၉ ရက် ထုတ်ပြန်ချက်တွင် ဖော်ပြထားသည်။

အစ္စရေးအစိုးရအနေဖြင့်  ဂါဇာကမ်းမြောင်ဒေသသို့ လူသားချင်း စာနာထောက် ထားမှု အကူအညီများ ဝင်ရောက်မှုကို ဟန့်တားနေကြောင်း ကုလသမဂ္ဂ၏ လူ့အခွင့်အရေး ဆိုင်ရာ မဟာမင်းကြီး ဗော်ကာတာ့ ကပြောသည်။