MNL League Cup 2024 ပြိုင်ပွဲ အုပ်စုပွဲစဉ်များ စတင်ယှဉ်ပြိုင် ကစား
ရန်ကုန် မတ် ၁
မြန်မာနိုင်ငံဘောလုံး အဖွဲ့ချုပ် မြန်မာနေရှင်နယ်လိဂ် ကော်မတီက ကြီးမှူးကျင်းပသည့် MNL League Cup 2024 ပြိုင်ပွဲ အုပ်စုပွဲစဉ်များကို ယနေ့ညနေပိုင်းတွင် စတင်ပြီး ရန်ကုန်မြို့၌ ယှဉ်ပြိုင်ကစားခဲ့ကြကြောင်း သိရသည်။
၂၀၂၃-၂၀၂၄ ခုနှစ် ပြည်နယ်နှင့် တိုင်းဒေသကြီး ဘိလိယက်နှင့်စနူကာ(အမျိုးသား/
အမျိုးသမီး)ပြိုင်ပွဲ အကြိုဗိုလ်လုပွဲနှင့် ဗိုလ်လုပွဲ ပွဲစဉ်များ ဆက်လက်ကျင်းပ
နေပြည်တော် ဖေဖော်ဝါရီ ၂၉
ချယ်လ်ဆီးအသင်းက လာမည့် နွေရာသီ ကစားသမားအပြောင်းအရွှေ့ ကာလတွင် ကစားသမားလေးဦးကို ရောင်းချရန် အရောင်းစာရင်း တင်သွင်း
ချယ်လ်ဆီးအသင်းက လာမည့် နွေရာသီကစားသမား အပြောင်းအရွှေ့ကာလတွင် အသင်းမှ ကွင်းလယ်ကစားသမား နှစ်ဦးဖြစ်သည့် ဂယ်လာဟာနှင့် ဘရိုဂျာ၊ ခံစစ်ကစားသမား နှစ်ဦးဖြစ်သည့် ကူကူရယ်လာနှင့် ချာလိုပက်တို့ကို ရောင်းချရန် အရောင်း စာရင်း တင်သွင်းခဲ့ကြောင်း သိရသည်။
မန်ယူအသင်းနှင့် လမ်းခွဲပြီး ကလပ်အသင်း လက်မဲ့ဖြစ်နေသည့် ဂိုးသမား ဒီဂီယာကိုခေါ်ယူရန် ဘာစီလိုနာအသင်း စီစဉ်နေ
ဘာစီလိုနာအသင်းက မန်ယူအသင်းနှင့် လမ်းခွဲပြီးနောက် ကလပ်အသင်း လက်မဲ့ဖြစ်နေသည့် ဂိုးသမားဒီဂီယာကို ခေါ်ယူရန် စီစဉ်နေကြောင်း သိရသည်။
အားကစားနည်း အလိုက် အားကစားသမားများ၏ လေ့ကျင့်နေမှုများအား ပြည်ထောင်စုဝန်ကြီး ဦးမင်းသိန်းဇံ လိုက်လံကြည့်ရှု အားပေး
နေပြည်တော် ဖေဖော်ဝါရီ ၂၉
ချယ်လ်ဆီးအသင်း တိုက်စစ်ကစားသမား အန်ကူကူ ဒူးဒဏ်ရာကြောင့် ရက်သတ္တ လေးပတ်ခန့် အနားယူရမည် ဖြစ်ကြောင်း နည်းပြပိုချက်တီနို အတည်ပြု
ချယ်လ်ဆီးအသင်းတိုက်စစ်ကစားသမား အန်ကူကူသည် ကာရာဘောင်းဖလားပြိုင်ပွဲ ဗိုလ်လုပွဲအဖြစ် ချယ်လ်ဆီးအသင်းနှင့် လီဗာပူးအသင်းတို့ ယှဉ်ပြိုင်ကစားရာတွင် ရရှိခဲ့သည့် ဒူးဒဏ်ရာကြောင့် ရက်သတ္တ လေးပတ်ခန့် အနားယူရမည်ဖြစ်ကြောင်း နည်းပြပိုချက် တီနိုက အတည်ပြုခဲ့သည်။
ဘောလုံးလောကသို့ အဂူရိုတစ်ကျော့ ပြန်လည်ဝင်ရောက်ရန် အသင်းဟောင်း အင်ဒီပန့်ဒီယန်း အသင်းနှင့် လေ့ကျင့်မှုများ ပြုလုပ်မည်
မန်စီးတီးအသင်း တိုက်စစ်ကစားသမားဟောင်း တစ်ဦးဖြစ်သည့် အဂူရိုသည် နှလုံးခုန်နှုန်းမမှန်မှုကြောင့် ပရော်ဖက်ရှင်နယ် ကစားသမားဘဝမှ အနားယူနေရာမှ ယခုအခါ ပြန်လည် သက်သာလာသည့်အတွက် ဘောလုံးလောကသို့ တစ်ကျော့ပြန်လည် ဝင်ရောက်ရန် အသင်းဟောင်း အာဂျင်တီးနားကလပ် အင်ဒီပန့်ဒီယန်း အသင်း နှင့်ပူးပေါင်းပြီး စခန်းသွင်းလေ့ကျင့်မှုများ ပြုလုပ်မည် ဖြစ်ကြောင်း သိရသည်။
ပရီးမီးယားလိဂ်ဘောလုံး အဖွဲ့ချုပ်က အဲဗာတန်အသင်း၏ ရမှတ်လျှော့ပြစ်ဒဏ်ကို ၁၀ မှတ်မှ ခြောက်မှတ်သို့ လျှော့ချ သတ်မှတ်ပေး
ပရီးမီးယားလိဂ်ဘောလုံး အဖွဲ့ချုပ်က ဘဏ္ဍာရေး စည်းမျဉ်းချိုးဖောက်မှုကြောင့် အဲဗာတန်အသင်းကို ရမှတ် ၁၀ မှတ်လျှော့ပြစ်ဒဏ် ချမှတ်ထားရာမှ ရမှတ်ခြောက်မှတ် လျှော့ပြစ်ဒဏ်အဖြစ် လျှော့ချသတ်မှတ် ပေးခဲ့ကြောင်း သိရသည်။
ရှုံးထွက်ဖလားပြိုင်ပွဲ ဗိုလ်လုပွဲများတွင် ခြောက်ကြိမ် ဆက်ရှုံးနိမ့်သည့် ပထမဆုံး အင်္ဂလန် ကလပ်အသင်းအဖြစ် ချယ်လ်ဆီးအသင်း မှတ်တမ်းဝင်
ချယ်လ်ဆီးအသင်းသည် ကာရာဘောင်းဖလား ဗိုလ်လုပွဲအဖြစ် လီဗာပူးအသင်းနှင့် ယှဉ်ပြိုင်ကစားရာတွင် ၁ ဂိုး-ဂိုးမရှိဖြင့် ရှုံးနိမ့်ပြီးနောက် ရှုံးထွက်ဖလားပြိုင်ပွဲ ဗိုလ်လုပွဲများတွင် ခြောက်ကြိမ်ဆက်ရှုံးနိမ့်သည့် ပထမဆုံး အင်္ဂလန်ကလပ် အသင်းအဖြစ် မှတ်တမ်းဝင်ခဲ့ကြောင်း သိရသည်။
MFF AYA Pay Futsal League ပြိုင်ပွဲ ပွဲစဉ်(၁၆)ပွဲစဉ်များ ဆက်လက်ယှဉ်ပြိုင် ကစား
ရန်ကုန် ဖေဖော်ဝါရီ ၂၇
မြန်မာနိုင်ငံဘောလုံး အဖွဲ့ချုပ် မြန်မာနိုင်ငံ ဖူဆယ်နှင့် သဲသောင်ပြင်ကော်မတီက ကြီးမှူး ကျင်းပလျက်ရှိသည့် MFF AYA Pay Futsal League ပြိုင်ပွဲ ပွဲစဉ်(၁၆)ပွဲစဉ်များကို ယနေ့နံနက် ၈ နာရီမှ စတင်ပြီး ရန်ကုန်မြို့ရှိ MFF Futsal Stadium ၌ ကျင်းပခဲ့ကြောင်း သိရသည်။