ပထမအင်းဝခေတ်က နွားဓိုရ်ရွာအမည်ရှိသည့် နွားထိုးကြီးမြို့
မြန်မာသက္ကရာဇ် ၇၆၃ ခုနှစ် အင်းဝပထမမင်းကြီးစွာဆော်ကဲလက်ထက်တွင် နွားထိုးကြီးမြို့သည် နွားဓိုရ်ရွာ အဖြစ်တည်ရှိပြီး ရှင်ပင်သာဒွန်းဦးမြတ်စွာဘုရား မော်ကွန်းကျောက်စာအရ နွားဓိုရ်ဟူသည် နွား=နွား+ ဓိုရ်=ဓူဝ=အလေ့အကျင့်- နွားများကို ထိန်းကျောင်းလေ့ကျင့်သောရွာဟု ခေါ်ဝေါ်ကြောင်း သုတေသီများက ဆိုသည်။
နွားမွေးမြူခြင်းဖြင့် အသက်မွေးဝမ်းကျောင်းပြုလုပ်၍ တိုးတက်ကြီးပွားသောကြောင့် နွားတိုးဟုခေါ်ဝေါ်ကြပြီး နွားဓိုရ်-နွားတိုးမှ နွားထိုးကြီးဟု ခေါ်ဝေါ်သုံးစွဲခြင်းဖြစ်နိုင်ကြောင်း ကောဇာသက္ကရာဇ် ၁၂၆၇ ခုနှစ် ရှင်ပင်သာဒွန်းဦးမြတ်စွာဘုရား ခေါင်းလောင်းစာအရ ယူဆရသည်။
![](http://myawady.net.mm/sites/default/files/styles/medium/public/p221120202014.jpg?itok=TJS7m18u)
![](http://myawady.net.mm/sites/default/files/styles/medium/public/p221120202015.jpg?itok=ai745r6u)