ဆောင်းပါးများ

ခန္ဓာကိုယ်အတွက် အရေးပါသောအဆီ

လူငယ်တိုင်း ဗလငါးတန်ပြည့်ဝရေး(စာရိတ္တဗလ)

ကိုဗစ်-၁၉ ရောဂါနှင့် ပလတ်စတစ်အမှိုက်များအန္တရာယ်

လဝါခေါင်

    ပုဂံခေတ်ထိုးကျောက်စာများတွင် ဝါခေါင်လကို “နံကာ”လဟု သုံးလေ့ရှိသည်။ ဝါခေါင်တွင် “ဝါ”က တစ်ပုဒ် “ခေါင်”က တစ်ပုဒ်ဖြစ်သည်။ “ဝါ” ဝေါဟာရကို အများသိပြီးဖြစ်ပေသည်။  “ခေါင်”ကိုမူ ဤသို့ဖွင့်ဆိုကြပေ၏။ ခေါင်၊ အိမ်ခေါင်၊ ထွတ်ခေါင်၊ ခေါင်လူကြီး၊ ခေါင်ဖျား၊ ထိပ်ခေါင်တင်၊ ဖုရားခေါင်ကြီး စသည်ဖြင့် အထွတ်အထိပ်အစွန်အဖျား၊ အမြင့်အမြတ်၊ အကြီးအကဲဟူသော အဓိပ္ပာယ်နှင့် ဝေးကွာခြင်း အဓိပ္ပာယ်ကို ဆောင်ပေသည်။ အခြားတစ်နည်းမှာ အလယ်ခေါင်၊ နေ့လယ်ခေါင်၊ သန်းခေါင် စသည်ဖြင့် အလယ်ဗဟိုဟု ဆိုလိုပေသည်။